Morgunblaðið - 17.02.2001, Blaðsíða 64
64 LAUGARDAGUR 17. FEBRÚAR 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100 Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EIN fegursta náttúruperla Reykja-
víkurborgar er við Leirvog í Graf-
arvogi. Ströndin liggur í norður af
Geldinganesi að ósum Úlfarsár,
„Korpu“, en áin rennur á mörkum
Mosfellsbæjar og Reykjavíkur. Að
mestu hefur borgin lokið við lagn-
ingu göngubrauta og eru færðar
þakkir fyrir hér með.
Margur nýtur þessa fagra græna
svæðis. Hingað koma fjölskyldur
með börnin, konur aka um með börn
í vagni, sumir hjóla, skokka eða
ganga sér til hressingar ánægðir
með veruna hér um slóðir. Úti fyrir í
faðmi Akrafjalls og Esjunnar eru
Lundey, Þerney, Gunnunes og Álfs-
nes.
Lítill varphólmi er nefnist Leir-
hólmi er skammt undan landi, þar er
m.a. varp kríu, æðarfugls og síla-
mávs. Ekki nær brimrót inn á vog-
inn, enda miklar grynningar, einkum
út frá árósnum. Fjaran er einkar
þrifaleg. Þar upp af eru gróskumikl-
ir bakkar með alls kyns gróskumikl-
um gróðri. Með ströndinni er göngu-
brautin, síðan golfvellir, þá tekur við
ósnortið mólendi þar sem farfuglinn
á sér varplönd. Klettanef og borgir
skilja að byggðina sem er risin við
Bakka og Barðastaði.
Náttúrufegurð er mikil hér en
gildi sem útivistarsvæðis er ekki síst
vegna óvenju fjölskrúðugs lífríkis:
Hér er selur, skarfur á skerjum, örn
sveimar um af og til, álftir, gæsir.
Æður, straumönd, stokkönd, tjaldur
og aðrir fuglar sem sækja í fjörur.
Æti er í miklu magni á grynning-
unum. Þar þrífast fuglar í hundraða-
tali, þess utan eru farfuglarnir einn-
ig við þessa matarkistu.
Þeir sem leika golf við ströndina
og umferð mannsins almennt fælir
ekki fuglinn frá varpstöðvunum, því
fuglinn finnur vernd í návist manna
gegn svartbak og öðrum vargfugl-
um. Versti vágestur í fuglavarpinu
hér er HUNDURINN. Margir koma
hingað, leggja bílum við endastöð
neðan Barðastaða og hleypa út
hundum. Fæstir eru með hundinn í
taumi, en það er lögbrot. Skilti við
göngubraut sem sýna bann við
lausagöngu hunda eru ekki virt held-
ur hundsuð. Hér hafa menn att
hundum í fugl sem er í ætisleit við
leirurnar. Ekki fær selurinn frið á
skerjunum, þar er hundum einnig
sigað. Jeppum og mótorhjólum er
ekið hér fram og aftur um velli og
móa.
Nauðsynlegt er að girða meðfram
bílastæðinu neðan við Barðastaði,
planta runna meðfram og setja hlið á
stæðið fyrir laxveiðimenn og borg-
arstarfsmenn.
Margt fólk og einkum börn óttast
hundinn. Hundeigendur hafa svæði í
Öskjuhlíð, Geirsnefi og allt Geld-
inganesið sem er hér að sunnan-
verðu þar sem þeir geta sleppt hund-
inum lausum að vild. Með þessu bréfi
er farið fram á að menn geti spókað
sig með börnin án þess að stíga í
hundaskít og sest niður í hreint gras-
ið. Með öðrum orðum að þessi
fuglaparadís og þessi fagri náttúru-
blettur verði hundlaus með öllu eins
og í Nauthólsvík. Ef ekki, þá má bú-
ast við eyðingu farfuglavarpsins á
komandi vori. Nauðsynlegt er að
hafa hér gæslumenn, ekki síst um
helgar, ef vilji ráðamanna er að
vernda iðandi lífríkið hér, lofa fólki
að njóta sólseturs og fuglasöngs á
sumarkvöldum. Mannfólkið hér, en
hundinn á sínum úthlutuðu svæðum.
GUÐBJARTUR ÞORLEIFSSON,
Barðastöðum 79,
Reykjavík.
Hund-
laus úti-
vistar-
svæði
Frá Guðbjarti Þorleifssyni: