Morgunblaðið - 28.04.2001, Qupperneq 2

FRÉTTIR
2 LAUGARDAGUR 28. APRÍL 2001 MORGUNBLAÐIÐ
Fylgstu
með
nýjustu
fréttum
www.mbl.isKeflvískir knattspyrnu-
menn eftirsóttir / B1, B3
Bjarki telur að Haukar
komi fram hefndum / B4
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r28.
a p r í l ˜ 2 0 0 1
LANDBÚNAÐARRÁÐHERRA
gaf út reglugerð í gær þar sem frest-
að var annarri reglugerð frá 15.
mars um verndartolla á innfluttu
grænmeti sem taka átti gildi næst-
komandi mánudag. Samkvæmt nýju
reglugerðinni verður ekkert af því að
22,5% verðtollur verði lagður á inn-
flutta græna papriku og 298 króna
magntollur á hvert kíló. Hækkuninni
var frestað til 31. maí nk. og fram að
þeim tíma gildir 15% verðtollur á
þessa vöru og 199 kr. magntollur.
Ekki náðist í Guðna Ágústsson
landbúnaðarráðherra vegna þessa
máls en Guðmundur B. Helgason,
ráðuneytisstjóri í landbúnaðarráðu-
neytinu, sagði við Morgunblaðið að
tímasetning frestunarinnar væri val-
in með hliðsjón af annarri tollabreyt-
ingu á litaðri papriku, sem taka á
gildi 31. maí nk.
„Ráðherra hefur lýst vilja sínum
til þess að lækka tolla og verð til
neytenda, um leið og að framleiðslu-
möguleikar íslenskrar garðyrkju
verði tryggðir. Það stendur yfir
vinna innan ráðuneytisins og í starfs-
hópi sem ráðherra skipaði þar sem
verið er að leita leiða til að þessi
markmið verði að veruleika,“ sagði
Guðmundur.
Tollahækkuninni hafði verið harð-
lega mótmælt, m.a. af verkalýðsfor-
ystunni og fulltrúa hennar í starfs-
hópnum sem ráðherra skipaði, og
sagði Guðmundur að vissulega væri
verið að koma til móts við þau mót-
mæli með frestun paprikutollanna.
Verndartollar á innflutta græna papriku
Ráðherra hættir
við tollahækkun
ÞAÐ rigndi nokkuð mikið í höfuð-
borginni í gær og reyndu flestir
borgarbúar því að halda sig inni
við.
Starfsmenn Ístaks létu hins veg-
ar smávætu lítið á sig fá. Þeir
klæddust einfaldlega regngöllum
og héldu áfram að vinna af krafti
við lagningu gangstéttar við
Laugalækinn.
Morgunblaðið/Kristinn
Unnið
í rign-
ingunni
FJÖLMARGT erlent fiskverka-
fólk nýtti sér rétt til atvinnuleys-
isbóta strax í gær eftir að félags-
málaráðherra hafði tilkynnt
breytingu á reglugerð á fimmtu-
dag, er gerði erlendu fiskverka-
fólki kleift að sækja um atvinnu-
leysisbætur sem ekki hafði rétt
til þess áður. Meðal þeirra voru
erlendir verkamenn í Grundar-
firði sem fjölmenntu á skrifstofu
sveitarfélagsins í gærmorgun.
Þórunn Kristinsdóttir, formað-
ur Verkalýðsfélagsins Stjörn-
unnar í Grundarfirði, sagðist í
samtali við Morgunblaðið hafa
kynnt breytta reglugerð fyrir
verkafólkinu á fundi í fyrra-
kvöld. Um var að ræða starfs-
menn fiskvinnslu Guðmundar
Runólfssonar hf. sem tekið var
af launaskrá fyrir viku. Fyrir-
tækið hafði þá haldið því á
launaskrá frá því fyrir páska
þegar hráefni þraut sökum sjó-
mannaverkfallsins. Af um 50
starfsmönnum Guðmundar Run-
ólfssonar eru útlendingar um 20,
flestir frá Póllandi.
Eftir að útlendingarnir, sem
höfðu verið hér á landi skemur
en tvö ár, áttu þeir rétt á fram-
færslustyrkjum frá sveitarfélag-
inu í Grundarfirði, Eyrarsveit.
Þórunn sagðist hafa kynnt þeim
þennan rétt, ásamt félagsmála-
fulltrúa sveitarfélagsins, en
mælt frekar með því að sækja
ekki um þá styrki. Hún sagði að
fleiri úrræði hefðu staðið fólkinu
til boða hefði ekki komið til
reglugerðarbreyting hjá félags-
málaráðherra á fimmtudag.
Að sögn Þórunnar er verk-
efnastaða hjá öðrum fiskvinnslu-
fyrirtækjum í Grundarfirði
ágæt. Næga vinnu er að hafa í
rækjuvinnslu Fiskiðjunnar
Skagfirðings og hjá fiskvinnslu
Soffaníasar Cecilssonar eru
starfsmenn enn á launaskrá og
fá greidda kauptryggingu í stað
atvinnuleysisbóta.
„Þó að hér séu margir smá-
bátar að róa hefur sjómanna-
verkfallið að sjálfsögðu áhrif á
allt athafna- og mannlíf,“ sagði
Þórunn.
Morgunblaðið/Guðlaugur J. Albert
Erlent fiskverkafólk í Grundarfirði, sem ekki hefur haft rétt á at-
vinnuleysisbótum, fjölmennti á skrifstofu sveitarfélagsins í gær-
morgun til að sækja um bæturnar, eftir að félagsmálaráðuneytið
hafði breytt lögum daginn áður.
Nýttu sér bóta-
réttinn strax
MEÐ dómi Hæstaréttar í gær var
lagt fyrir Héraðsdóm Reykjaness
að kalla til tvo matsmenn til að
leggja mat á tiltekin atriði í sönn-
unarfærslu í máli Ásgeirs Inga
Ásgeirssonar, sem í febrúar var
dæmdur í 14 ára fangelsi fyrir að
verða Áslaugu Perlu Kristjóns-
dóttur að bana 27. maí árið 2000.
Þeim dómi hefur verið áfrýjað til
Hæstaréttar.
Áslaug Perla lést þegar hún
lenti á steinstétt fyrir framan hús-
ið og taldi héraðsdómur að Ásgeir
Ingi hefði hrint henni fram af
svalahandriði á 10. hæð og þannig
orðið henni að bana. Meðal annars
var byggt á matsgerð dr. Þor-
steins Vilhjálmssonar, sem taldi
að frásögn Ásgeirs Inga um
hvernig dauða hennar bar að
stangaðist á við eðlisfræðileg lög-
mál. Í dómi Hæstaréttar kemur
fram að matsgerð hans hafi skipt
þó nokkru máli í sönnunarfærslu
um sekt Ásgeirs.
6. apríl fór Erlendur Gíslason,
verjandi Ásgeirs Inga, fram á að
dómkvaddur yrði matsmaður til
að gefa álit á matsgerð Þorsteins
og lagði fram þrjár spurningar til
matsmannsins. Þessu hafnaði hér-
aðsdómur en Hæstiréttur fól í
gær héraðsdómurum að dóm-
kveðja tvo matsmenn til að veita
svör við spurningum verjandans.
Tveir matsmenn
svari verjanda
FLEST bendir til að Ríkiskaup
gangi til samninga við norska fyr-
irtækið Riise Underwater Engineer-
ing um hreinsun olíu úr flaki El
Grillo á botni Seyðisfjarðar. Fyrir-
tækið átti lægsta tilboðið í verkið,
eða 90 milljónir króna fyrir undir-
búning og dælingu á allt að 2.000
tonnum af olíu. Greitt verður auka-
lega fyrir hvert tonn sem næst úr
flakinu umfram það. Samkvæmt
upplýsingum frá Ríkiskaupum mun
fyrirtækið reyna að fá sem flesta ís-
lenska kafara til liðs við sig við verk-
ið.
Átta tilboð bárust í verkið á bilinu
90 til 368 milljónir króna. Eitt tilboð
kom frá innlendum aðila, en mörg
hinna erlendu voru gerð í samstarfi
við Íslendinga.
Flak El Grillo liggur á 43-44 metra
dýpi um 400 m frá landi í Seyðisfirði
og er stefnt að því að hreinsunin
hefjist á komandi hausti þar sem að-
stæður munu þykja bestar í septem-
ber til október.
Líklegast að Norðmenn
hreinsi olíu úr El Grillo