Morgunblaðið - 19.06.2001, Blaðsíða 25
LISTIR
26 ÞRIÐJUDAGUR 19. JÚNÍ 2001 MORGUNBLAÐIÐ
,,LOCATION“ sem ef til vill má
þýða sem staðsetningu á íslensku,
er hópur fimm listamanna frá Nott-
ingham á Englandi, tiltölulega ný-
stofnuð sýningarsveit sem sprottin
er upp úr þremur listahópum sem
starfræktir eru í Nottingham.
Fyrstan ber að nefna Simon Colli-
son sem er forsprakki og hugsuður
að baki ,,You are here“ sem eru
samtök listamanna sem hafa það að
markmiði að kynna list og lista-
menn í Nottingham. Félagar hans í
Staðsetningu og þeir sem sýna með
honum í Straumi eru Jonathan
Casciani, Haydn Evans og Oliver
Wood, sem allir tilheyra listahópn-
um ,,Casciani Evans“ sem er þekkt-
ur félagsskapur í Nottingham á
sviði hönnunar. Þeim til fulltingis er
síðan eina konan í hópnum, ljós-
myndarinn Caroline Drefvelin.
Simon Collison segir að hug-
myndin að ,,Location“ sé sú að
listamennirnir skapi sér tækifæri til
að vinna saman að ýmsum sýning-
arverkefnum vítt og breitt um Evr-
ópu. Aðalmarkmiðið er að sýna á
óvenjulegum og einföldum stöðum
og vinna verkin að mestu gagngert
með sýningarstaðina í huga og
styrkja bönd milli listamanna ólíkra
þjóða í leiðinni. Simon hrífst mjög
af íslenskri nútímalist og vill fá
tækifæri til að kynna hana í Eng-
landi og hann vonast til að annar
hluti Staðsetningar verði haldin á
næsta ári í Nottingham og þá ein-
göngu með íslenskum listamönnum.
Hann segist hafa mikla trú á ís-
lenskri list og telur hana vanmetna
á meginlandi Evrópu. Simon er að
koma hingað til lands í fjórða sinn
og hefur dvalist að Straumi þrisvar
sinnum og sinnt listsköpun sinni við
fuglasöng og miðnætursól þarna í
dulmögnuðu hrauninu, þá hefur
Oliver Wood einnig heimsótt okkur
áður og unnið að list sinni hér á
landi.
,,Í augnablikinu erum við að
vinna á stöðum sem eru okkur mik-
ilvægir,“ segir Simon Collison.
,,Staðsetning er dálítil tilraun hjá
okkur því ég hef komið hingað
þrisvar sinnum áður og unnið hér
og þetta er uppáhaldsstaður minn í
veröldinni er mér alveg óhætt að
fullyrða. Okkar ágæti vinur Sverrir
Ólafsson bauð okkur að koma hing-
að og sýna og við unnum öll fimm
saman að undirbúningi sýningar-
innar síðastliðið ár. Þetta er okkar
fyrsta samsýning á erlendri grundu
og við viljum endilega borga fyrir
okkur og halda sýningu á íslenskri
samtímalist í Englandi á næsta ári.
Það er það sem okkur langar svo
sannarlega til að gera. Sjálfur er ég
mikill aðdáandi íslenskrar listar og
undanfarin fjögur ár hef ég komið
hingað á hverju ári og skoðað list-
sýningarnar hér mér til óblandinn-
ar ánægju og uppörvunar. Íslenska
listalífið er í einu orði sagt stórkost-
legt! Við erum öll vinir en við höf-
um ekki sýnt saman áður, ekki sett
myndir Caroline saman á vegg með
verkum Haydn eða blandað list-
sköpun okkar saman á þann hátt
sem sjá má hér. Það er því mjög
gaman að sjá hvernig verk okkar
virka á íslenska áhorfendur, sér-
staklega þar sem sum þeirra fjalla
um Ísland.“
Hraunið skrýðist
sínu fínasta pússi
Simon sýnir teikningar sem sum-
ar eru frá heimaslóðum hans í Nott-
ingham en aðrar eru frá Íslandi.
Hann vinnur út frá reynslu sinni af
Íslandi og þarna má sjá verk sem
lýsir upplifun hans að jarðhræring-
um en þeim kynntist hann fyrstu
nótt sína í Straumi fyrir fjórum ár-
um. Hræringar í jarðskorpunni og
skjálftakippirnir sem þeim fylgja
eru nær daglegt brauð hjá okkur
innfæddum og við erum nánast
hætt að taka eftir þeim en öðru
máli gildir um Englendinga sem
ekki eiga að venjast slíkum nátt-
úruhamförum. Þá sýnir hann mynd-
ir sem byggjast að mestu leyti á ís-
lensku jöklunum sem hann hefur
heimsótt, Snæfellsjökli og Mýrdals-
jökli. Hann vinnur mikið með kort
og segist hafa kannað Íslandskortin
ofan í kjölinn, ísbrotin og bergið
verða að línum sem enda í einhvers
konar kortum í myndum hans. Sim-
on segir að jarðsaga landsins hafi
verið það sem fyrst rak hann á okk-
ar fund, hann heillast af jarðmynd-
uninni og landslaginu sem hvar-
vetna gefur á að líta og vitnar um
land í sköpun. Hann hefur farið í
ferðir um hálendið og túlkar þær
ferðir í teikningum sínum.
Öll eru þau frá Nottingham nema
ljósmyndarinn Caroline sem er
Norðmaður að uppruna en hún sýn-
ir myndir af ósköp venjulegu fólki
sem teknar eru á Karlsbrúnni í
Prag í Tékklandi. Hún hefur búið
um fimm ára skeið í Nottingham og
er atkvæðamikill ljósmyndari í
borginni. Myndir Haydn Evans eru
líka athyglisverðar, sjónrænt línu-
spil. Hann vinnur líka með línur og
auðvitað er það sem löngum fyrr
það sem leynist á milli línanna sem
vekur athygli áhorfandans öðru
fremur. Í einu verkinu er það bein-
línis hlutverk áhorfandans að raða
myndinni saman á þann hátt sem
honum hugnast, takist honum það
ekki fylgir leiðarvísir með.
Hinn glaðlegi Simon Collison á
lokaorðin í spjalli okkar á sólböðuðu
hlaðinu: ,,Ég er búinn að koma
hingað fjórum sinnum og fæ alltaf
gott veður á Íslandi og hér að
Straumi, hvernig sem á því stendur.
Hraunið virðist meira að segja
fagna mér og skrýðast sínu fínasta
pússi.“
Heillaðist
af jarðsögu
Íslands
Location (part one) er heiti á sýningu fimm
listamanna frá Englandi sem standa mun
yfir í listamiðstöðinni í Straumi fram á
föstudaginn 21. júní. Þorvarður Hjálm-
arsson skoðaði sýninguna.
Morgunblaðið/Golli
Breski myndlistarmaðurinn Simon Collison við verk sín í listamiðstöðinni í Straumi.
LISTA- og menningarverðlaun
Mosfellsbæjar árið 2001 ganga til
hljómsveitarinnar Sigur Rósar.
Var þetta tilkynnt við athöfn á
þjóðhátíðardaginn.
Tveir af meðlimum Sigur Rósar
eru fæddir og uppaldir í Mos-
fellsbæ og er hljómsveitin með
æfingaaðstöðu og hljóðver í
gömlu sundlauginni í Álafosskvos.
Þar var nýjasta plata hljómsveit-
arinnar tekin upp, þar sem meðal
annars má heyra kvæðamanninn
Stefán Andersen flytja rímur með
Sigur Rós.
Hljómsveitin var ekki viðstödd
athöfnina en foreldrar Kjartans
Sveinssonar hljómborðsleikara
veittu viðurkenningunni viðtöku
fyrir hennar hönd.
Hljómsveitina Sigur Rós skipa
Jón Þór Birgisson, Kjartan
Sveinsson, Orri Páll Dýrason og
Georg Hólm.
Morgunblaðið/Sverrir
Jón Þór Birgisson, söngvari og gítarleikari Sigur Rósar, á tónleikum.
Sigur Rós
verðlaunuð
JÓN Ingi Sigurmundsson opnaði
málverkasýningu í Eden í gær,
mánudag, og sýnir þar ríflega 50
myndir sem hann hefur málað á
þessu og síðasta ári og er myndefnið
að mestu frá Suðurlandi.
Þetta er 18. einkasýning Jóns
Inga en hann hefur sýnt víða á Suð-
urlandi, Akureyri og í Danmörku. Á
síðasta ári sótti Jón Ingi nokkur
námskeið í myndlist meðal annars
hjá þekktum vatnslitamálara í Eng-
landi. „Það víkkar sjóndeildarhring-
inn hjá manni að kynnast nýjungum,
maður fær breiðari sýn á viðfangs-
efnið og reynir að taka það nýjum
tökum,“ sagði Jón sem er Sunnlend-
ingum að góðu kunnur eftir áratuga
kennslu í grunnskóla á Selfossi, tón-
listarskóla Árnesinga og Fjölbrauta-
skóla Suðurlands þar sem hann var
stjórnandi kórs skólans.
Sýningu Jóns lýkur sunnudaginn
1. júlí.
Morgunblaðið/Sig. Jónss.
Jón Ingi Sigurmundson, kennari og listmálari, með eina af myndum sín-
um, Þingvallamynd.
Suður-
landsmynd-
ir í Eden
Selfossi. Morgunblaðið.
NÓTT eina hjá McCool er gam-
anmynd gerð í film noir stílnum þar
sem Liv Tyler er í hlutverki tálk-
vendisins eða femme fatale. Hún
vefur karlmönnum í kringum sig
með öllum þeim kynþokka sem hún
hefur yfir að ráða en fórnarlömbin,
ef fórnarlömb skyldi kalla, eru bar-
þjónn, sem skortir allan metnað í
lífinu, lögfræðingur sem hefur yndi
af svipum og rannsóknarlögreglu-
maður sem blindast svo gersamlega
af henni, að morðrannsókn hans fer
í mauk.
Handritshöfundurinn, Stan Seid-
el, sem nýlega er látinn, ákvað að
nota tálkvendið úr glæpamyndun-
um í spaugilegu samhengi og kemst
að nokkru leyti upp með það dyggi-
lega studdur góðum leikarahópi.
Norski leikstjórinn Harold Zwart
heldur ágætlega utan um handritið
og leggur feikilega áherslu á kyn-
þokka leikkonu sinnar í bland við
algeran aulaskap þeirra sem kom-
ast í kynni við hana. Úr því verður
prýðileg kómedía, ólík flestu því
sem við eigum að venjast frá Holly-
wood.
Tyler vefur ekki aðeins karl-
mönnunum um fingur sér heldur
tekur hlutverk sitt traustatökum
svo við skiljum hvað það er sem
karlarnir falla fyrir. Í henni er bæði
sakleysingi og sakamaður. Það eina
sem hún vill er fallegt, notalegt
heimili. Verst er að hún er tilbúin
að drepa fyrir það.
Dillon er einnig ágætur sem bar-
þjónninn metnaðarlausi, handónýt-
ur til allra verka nema slæpast
heima hjá sér; fáir leikarar eiga
auðveldara með að gera sig eins og
örvita í framan. Goodman er kostu-
legur sem lögga er blindast svo af
fegurð konunnar að allar vísbend-
ingar fara framhjá honum en
kannski Paul Reiser slái þeim báð-
um við sem taugaveiklaður lögfræð-
ingur er hefur yndi af hundaólum
og flengingum.
Rúsínan í pylsuendanum er svo
Michael Douglas sem hefur lítið en
mikilvægt hlutverk leigumorðingja
með yfirdekktar tennur og hrylli-
lega heysátu fyrir hárkollu.
Kannski er Nótt eina hjá McCool
um það hvað karlmenn geta gert
sig að miklum bjánum í návist fal-
legrar konu og þá hefur henni tek-
ist ætlunarverk sitt.
Tálkvendið
Liv Tyler
KVIKMYNDIR
S t j ö r n u b í ó ,
L a u g a r á s b í ó o g
B o r g a r b í ó A k u r e y r i
Leikstjórn. Harald Zwart. Handrit:
Stan Seidel. Framleiðandi: Michael
Douglas o.fl. Aðalhlutverk Liv
Tyler, Michael Douglas, Matt
Dillon, John Goodman og Paul
Reiser. 90 mín.
„ONE NIGHT AT
MCCOOL’S“ 1 ⁄2
Arnaldur Indriðason