Morgunblaðið - 19.01.2002, Page 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 19. JANÚAR 2002 VERÐ Í LAUSASÖLU 190 KR. MEÐ VSK.
Uppfærslutilboð – 30% afsláttur!!
www.atv.is – Skeifunni 17
Afritunarhugbúnaður
ÞESSAR litríku hnátur komust
sannarlega á flug er þær róluðu sér
í frímínútum í Austurbæjarskóla í
gær. Án nokkurs vafa hafa þær
mætt endurnærðar í næsta tíma, til-
búnar til frekari lærdóms.
Morgunblaðið/RAX
Á flugi í frímínútum
EFTIRLITSNEFND með fjármál-
um sveitarfélaga hefur aðvarað 31
sveitarfélag vegna slæmrar fjár-
hagslegrar stöðu á árinu 2000. Er
þetta ellefu sveitarfélögum fleira
en fengu hliðstætt bréf fyrir ári.
Borgarbyggð, Húsavíkurbær og
Fjarðabyggð eru meðal þeirra
sveitarfélaga sem nú fá bréf í
fyrsta skipti en stóru sveitarfélögin
á Vestfjörðum sleppa.
Eftirlitsnefnd með fjármálum
sveitarfélaga hefur það hlutverk að
gera árlega athugun á fjárhags-
stöðu sveitarfélaganna. Athugunin
nú er önnur í röðinni og byggist á
niðurstöðum ársreikninga ársins
2000 og fjárhagsáætlun fyrir 2001.
Einkum eru skoðaðar ýmsar lykil-
tölur í rekstri. Ef þær standast
ekki viðmið sem nefndin hefur
ákveðið eru sveitarfélögin aðvöruð
og óskað eftir svörum um það
hvernig þróunin hafi verið á síðasta
ári og hvernig sveitarstjórnirnar
hyggist bregðast við fjárhagsvand-
anum.
Að þessu sinni er talin ástæða til
að aðvara 31 sveitarfélag en í fyrra
fengu 20 sambærilegt bréf. Af
þessu 31 sveitarfélagi voru 11 einn-
ig á listanum á síðasta ári. Hafa því
níu sveitarfélög náð að komast út
úr fjárhagsvanda, samkvæmt mæli-
kvarða nefndarinnar, en 20 komist í
vanda. Meðal þeirra sem hafa bætt
sig svona mikið eru Ísafjörður, Bol-
ungarvík, Vesturbyggð, Akranes,
Stykkishólmur og Austur-Hérað.
Meðal þeirra sveitarfélaga/staða
sem bætast við eru hins vegar
nokkur meðalstór sveitarfélög, svo
sem Bessastaðahreppur, Sand-
gerði, Borgarbyggð, Skagaströnd,
Húsavík, Raufarhöfn, Þórshöfn,
Seyðisfjörður, Fjarðabyggð og
Hella. Aðrir á listanum nú eru
Hafnarfjörður, Mosfellsbær,
Reykjanesbær, Vatnsleysuströnd,
Leirár- og Melahreppur, Borgar-
fjarðarsveit, Snæfellsbær, Saur-
bæjarhreppur, Kirkjubólshreppur,
Skagafjörður, Torfalækjarhreppur,
Blönduós, Ólafsfjörður, Aðaldæla-
hreppur, Vestmannaeyjar, Villinga-
holtshreppur, Biskupstungur, Hval-
fjarðarströnd, Eyja- og Miklaholts-
hreppur, Fellahreppur og Laugar-
dalshreppur.
Sveitarstjórnirnar hafa tveggja
mánaða frest til að svara bréfi
nefndarinnar.
Aðvara 31 sveitarfélag
vegna fjárhagsvanda
 Fjárhagsstaða bæjarsjóðs/18
Tuttugu ný vandamál hafa
bæst við frá síðasta ári
HEILDARINNFLUTNINGUR á
áfengi til landsins nær tvöfaldaðist á
tímabilinu frá 1990 til 2000 sam-
kvæmt innflutningstölum Hagstofu
Íslands. Árið 1990 voru samtals
fluttar 2.567.540 lítrar til landsins af
áfengi en tíu árum seinna eða árið
2000 nam innflutningurinn 4.849.999
lítrum skv. upplýsingum Hagstof-
unnar. Cif-verð innflutts áfengis á
árinu 1990 var um 625 milljónir kr.
en 976 millj. kr. árið 2000. Heild-
arsala ÁTVR á áfengi í fyrra, að
meðtöldum bjór, jókst um 7,33% í
lítrum talið á milli ára, skv. sölutöl-
um ÁTVR. Mælt í alkóhóllítrum
nam neyslan 1.092 milljónum lítra
samanborið við 1.027 milljónir lítra
árið 2000 og er það aukning um
6,43%.
Samdráttur í tóbakssölu
Sala á vindlingum dróst saman
um 2,9% milli ára, á reyktóbaki um
4,7% og á vindlum um 1,8%. Veru-
leg aukning varð í sölu á léttvínum,
sala á rauðvíni jókst um 19,1% milli
ára og sala á hvítvíni jókst um
17,7%.
Sala á bjór jókst um rúm 6,5%
milli ára í 10,3 milljónir lítra. Sala á
viskíi jókst um 1,3%, sala á brenni-
víni og vodka stóð því sem næst í
stað en sala á rommi dróst saman
um 4,15% og sala á snöfsum um
5,5%.
Innflutningur áfengis
tvöfaldast á 10 árum
KVIKMYNDASJÓÐUR Ís-
lands veitti í gær vilyrði fyrir
180 milljónum króna til fram-
leiðslu kvikmynda árið 2003 og
úthlutaði 196 milljónum til
kvikmyndagerðar á árinu 2002.
Vilyrði fyrir hæstu styrkjun-
um á næsta ári hlutu fimm
verkefni. Sögn ehf. hlaut 47,5
milljónir til framleiðslu á kvik-
myndinni Sögu í leikstjórn
Baltasars Kormáks, Íslenska
kvikmyndasamsteypan hlaut
40 milljónir til framleiðslu á
myndinni Sólon Íslandus í leik-
stjórn Margrétar Rúnar Guð-
mundsdóttur, Kvikmyndafé-
lagið Dís fékk 30 milljónir til að
framleiða myndina Dís í leik-
stjórn Kristófers Dignus, Ís-
lenska kvikmyndasamsteypan
fékk 30 milljónir til framleiðslu
myndarinnar Skari Skrípó í
leikstjórn Óskars Jónassonar
og Saga film hlaut 25 milljónir
til framleiðslu myndarinnar
Draumur í dós í leikstjórn
Karls Ágústs Úlfssonar.
Kvikmyndasjóður
Fimm
verkefni
hlutu
hæstu
styrkina
 Sjö myndir/28
NÝTING á hótelherbergjum í
Reykjavík minnkaði í fyrra frá árinu
á undan úr 71% nýtingu í 69% nýt-
ingu. Hins vegar jókst nýting á her-
bergjum fyrir utan Reykjavík alla
mánuði ársins 2001, nema í nóvem-
ber, og hækkaði meðalnýting um 3%
á milli ára, samkvæmt upplýsingum
frá Samtökum ferðaþjónustunnar.
Talsverð aukning varð í her-
bergjanýtingu í Reykjavík á fyrstu
mánuðum ársins í fyrra en samdrátt-
ur gerði strax vart við sig í apríl og
var viðvarandi út árið, nema í desem-
ber sem var svipaður og árið áður.
Meðalverð hækkaði á hótelum í
Reykjavík um 7% en á landsbyggð-
inni hækkaði verðið um 8,5%. Með-
alverð á landsbyggðinni er að jafnaði
1.000 krónum lægra en í Reykjavík.
Mikill munur er þó á milli hótela ut-
an Reykjavíkur, t.d. minnkar með-
alnýting á landsbyggðinni um 9% ef
hótel á Akureyri og í Keflavík eru
tekin frá, segir í fréttatilkynning-
unni.
Þar kemur einnig fram að bókana-
staða á hótelum og í flugi virðist
svipuð nú og fyrir ári og ljóst virðist
að fækkun er í bókunum frá Banda-
ríkjunum en fjölgun frá Evrópu, sér-
staklega Bretlandi.
Aukin nýt-
ing á hót-
elum utan
Reykjavíkur