Morgunblaðið - 13.04.2002, Blaðsíða 12

FRÉTTIR
12 LAUGARDAGUR 13. APRÍL 2002 MORGUNBLAÐIÐ
VIGNIR Hróðmar
Benediktsson, múrara-
meistari og verktaki í
Reykjavík, lést á Land-
spítalanum við Hring-
braut á fimmtudag, á
55. aldursári.
Vignir fæddist í
Reykjavík 1. september
árið 1947 og ólst upp í
Laugarneshverfinu,
sonur Benedikts
Bjarna Björnssonar
verkamanns og Þórdís-
ar Ingibjargar Jóns-
dóttur. Að lokinni hefð-
bundinni skólagöngu
lauk Vignir sveinsprófi
í múrverki árið 1970
undir handleiðslu Ólafs Hólmgeirs
Pálssonar múrarameistara. Fyrstu
árin vann hann sjálfstætt í múrverki
en stofnaði síðan fyrirtækið Steintak.
Árið 1990 tók hann ásamt fleirum
þátt í stofnun verktakafyrirtækisins
Völundarverk.
Vignir var félagi í Múrarafélagi
Reykjavíkur árin 1970 til 1973 og eft-
ir það í Múrarameist-
arafélagi Reykjavíkur
til dauðadags, þar af til
margra ára í varastjórn
félagsins. Hann sat
einnig í taxtanefnd fé-
lagsins um skeið og til
fjölda ára í stjórn Verk-
takasambands Íslands.
Þá var hann einnig virk-
ur félagi í Kiwanis-
hreyfingunni.
Meðal bygginga sem
Vignir kom að sem múr-
arameistari og verktaki
á höfuðborgarsvæðinu, í
gegnum sín fyrirtæki,
eru Seðlabanki Íslands,
gamla Broadway og
Bíóhöllin í Mjódd, háhýsin á Völund-
arlóðinni við Skúlagötu, Fjölbrauta-
skólinn í Garðabæ og fjöldi grunn-
skólabygginga í Reykjavík. Síðasta
verk sem hann kom að sem verktaki
var ylströndin í Nauthólsvík.
Eftirlifandi eiginkona Vignis er
Guðrún Magnúsdóttir en saman áttu
þau þrjú börn.
Andlát
VIGNIR H.
BENEDIKTSSON
Vignir H.
Benediktsson
ARI Edwald, framkvæmdastjóri
Samtaka atvinnulífsins, segir af og frá
að samtökin geti aflað sér upplýsinga
úr bókhaldi fyrirtækja, þegar borin
voru undir hann ummæli Halldórs Ás-
grímssonar, utanríkisráðherra og
starfandi forsætisráðherra, í Morgun-
blaðinu á fimmtudag, varðandi að-
komu ASÍ að upplýsingum um efna-
hagsmál. Halldór sagði atvinnu-
rekendur hafa aðra stöðu en ASÍ með
beinum aðgangi þeirra að reikningum
fyrirtækja.
Ari Edwald segir að sér þyki þessi
málflutningur því miður orðinn nokk-
uð undarlegur. „Auðvitað skiptir máli
að allir aðilar sem koma að kjara-
samningum og efnahagsmálaum-
ræðunni séu vel upplýstir en þessi
sjónarmið um ójafnvægi við upp-
lýsingaöflun hljóta að vera frá þeim
tíma þegar upplýsingar um afkomu
fyrirtækja lágu ekki eins á lausu og nú
er.
Það er af og frá að við getum aflað
okkur upplýsinga úr bókhaldi fyrir-
tækja. Flest af okkar stærri fyrirtækj-
um birta sína reikninga opinberlega
og mörg þeirra eru á Verðbréfaþingi.
Það væri beinlínis óheimilt að láta
okkur slíkar upplýsingar í té, nema
um sé að ræða upplýsingar sem væri
verið að setja inn á Verðbréfaþing.
Mikið af þeim upplýsingum sem við
söfnum frá fyrirtækjum til nota við al-
menna umfjöllun fáum við með skoð-
anakönnunum og við höfum vegna
krafna Verðbréfaþings orðið að búa
þannig um hnútana að okkur sé
ókunnugt um hvaða fyrirtæki eru að
svara hverju sinni,“ segir Ari.
Hann segir að allt eins megi færa
rök fyrir því að verkalýðsfélög eigi
hægara með að fylgjast með
ákveðnum þáttum í rekstrinum en SA,
til dæmis í gegnum félagsgjalda-
greiðslur til verkalýðsfélaga.
„Það er alveg ljóst að tekjur verka-
lýðshreyfingarinnar í heild eru miklu
meiri en félagakerfis atvinnulífsins.
Ég er þó ekkert að metast við viðsemj-
endur okkar um þá hluti og er kunn-
ugt um að ASÍ er í sjálfu sér ekkert of-
haldið af þeirri skiptingu sem þar er
innanborðs. Í öllu falli er það mikill
misskilningur hjá utanríkisráðherra
að stilla málunum svona upp, bæði
hvað varðar aðgang að upplýsingum
og mögulegan styrk þessara aðila til
að vinna úr þeim,“ segir Ari Edwald.
Ari Edwald, framkvæmdastjóri Samtaka atvinnulífsins
Upplýsingar ekki sótt-
ar í bókhald fyrirtækja
FÉLAG íslenskra hjúkrunarfræð-
inga hefur sent félagsmálaráð-
herra stjórnsýslukæru vegna þess
að dvalarheimilið Jaðar í Ólafsvík
auglýsti eftir starfsmanni til af-
leysinga fyrir hjúkrunarforstjóra
án þess að gera kröfu um að um-
sækjendur hefðu lokið prófi í
hjúkrunarfræði. Þess er krafist að
auglýsingin verði felld úr gildi og
lýst ólögmæt en til vara að á með-
an ekki starfi hjúkrunarforstjóri
við dvalarheimilið skuli starfa þar
hjúkrunarfræðingur. Bæjarstjór-
inn í Snæfellsbæ segir að kæran
sé á misskilningi byggð því verið
sé að auglýsa eftir forstöðumanni
til skamms tíma en ekki hjúkr-
unarfræðingi.
Herdís Sveinsdóttir, formaður
Félags íslenskra hjúkrunarfræð-
inga, segir að hjúkrunarforstjórinn
sé að fara í barnsburðarleyfi og í
bæjarblaðinu Jökli 27. mars sl.
hafi aðeins verið auglýst eftir
starfskrafti í afleysingu fyrir kon-
una. Samkvæmt lögum beri við-
komandi dvalarheimili að hafa
hjúkrunarfræðing í starfi og jafn-
framt beri að auglýsa eftir hjúkr-
unarfræðingi í starf hjúkrunarfor-
stjóra. Hún segir að auglýsingunni
hafi strax verið mótmælt við bæj-
arstjórn Snæfellsbæjar og henni
veittur frestur til að draga ákvörð-
unina til baka. Frestur hefði verið
veittur til klukkan 16 mánudaginn
8. apríl en þar sem engin viðbrögð
hefðu borist félaginu hefði verið
ákveðið að leggja fram stjórn-
sýslukæru.
Að sögn Herdísar fór sami
hjúkrunarforstjóri í barnsburðar-
leyfi fyrir þremur árum. Í samráði
við bæjarritara hefði konan aug-
lýst eftir hjúkrunarfræðingi og
hefði ákveðinn hjúkrunarfræðing-
ur sótt um en svo farið annað. Þá
hefði verið auglýst í gluggum
verslana eftir starfskrafti til að
leysa af hjúkrunarforstjórann.
Tveir sjúkraliðar á staðnum hefðu
sótt um starfið, annar talinn hæf-
ari til starfsins og verið ráðinn.
Félag íslenskra hjúkrunarfræð-
inga hefði kært þetta til heilbrigð-
isráðuneytisins en ekki hafi fengið
svar fyrr eftir að kvartað hafði
verið við umboðsmann. Til að
reyna að koma í veg fyrir að lög
yrðu þverbrotin og reyna að
tryggja að skjólstæðingar um-
ræddrar stofnunar nytu þeirrar
þjónustu sem þeir ættu rétt á
hefði verið brugðist við nú með
fyrrnefndum hætti.
Misskilningur
Kristinn Jónasson, bæjarstjóri í
Snæfellsbæ, segir að kæran sé á
misskilningi byggð. Verið sé að
auglýsa eftir forstöðumanni í af-
leysingu í átta mánuði en ekki
hjúkrunarforstjóra. Í bréfi frá
heilbrigðis- og tryggingamálaráðu-
neytinu dagsettu 22. júní 1999
komi fram að sé um að ræða af-
leysingastöðu fyrir hjúkrunarfor-
stjóra að ræða þurfi hjúkrunar-
fræðingur að gegna henni en sé
ráðið í starf forstöðumanns eða
framkvæmdastjóra þurfi svo ekki
að vera. „Samkvæmt þessu ber
okkur ekki skylda til að ráða
hjúkrunarfræðing,“ segir hann og
bætir við að aðrir en hjúkrunar-
fræðingar gegni sambærilegum
stöðum víða um land. Hann segir
ennfremur að læknar í Ólafsvík
sinni skjólstæðingum dvalarheim-
ilisins og þeir séu í góðum hönd-
um.
Stjórnsýslukæra frá Félagi
íslenskra hjúkrunarfræðinga
Auglýsing
eftir starfs-
manni verði
felld úr gildi
Bæjarstjórinn í Snæfellsbæ segir að
kæran sé byggð á misskilningi
STOFNFUNDUR Höfuðborgar-
samtakanna var haldinn í Ráðhúsi
Reykjavíkur á miðvikudag en sam-
tökin stefna að því að bjóða fram
lista í kosningunum í vor. Efst á
stefnuskránni er að hafa áhrif á mót-
un skipulagsmála í borginni. Meðal
þeirra sem fluttu ávarp á fundinum
var Jóhann J. Ólafsson, einn tals-
manna Samtaka um betri byggð, og
er hann hér í pontu. Kynntir voru
tveir frambjóðendur, sem gefið hafa
kost á sér á lista, þeir Guðjón Þór
Erlendsson og Hreinn Ágústsson.
Þá var kosin bráðabirgðastjórn sam-
takanna sem skipuð er þeim Erni
Sigurðssyni arkitekt, Jóni H. Sig-
urðssyni, Hirti Hjartarsyni, Guð-
mundi Kr. Kristinssyni og Ástríði
Hannesdóttur. Að sögn Arnar mun
stjórnin m.a. vinna að vali á fram-
boðslista.
Morgunblaðið/Sverrir
Jóhann J. Ólafsson ávarpaði stofnfundinn í Ráðhúsinu.
Höfuðborgar-
samtökin stofnuð
STARFSMENN Íslenskrar getspár
voru á ferð í gær með risafimmu.
Tilefnið er að Lottó-potturinn er
Risafimma á ferð
fimmfaldur í kvöld og er áætlað að
hann verði um 30 milljónir króna.
Fimmurnar stóru mátti meðal ann-
ars sjá í Smáralind, Kringlunni, á
Austurvelli og í Ráðhúsinu, þar sem
meðfylgjandi mynd var tekin.
Fær flýti-
meðferð hjá
héraðsdómi
ÞINGHALD fór fram í Héraðs-
dómi Reykjavíkur á fimmtudag
vegna stefnu Náttúruverndarsam-
taka Íslands og þriggja einstaklinga
á hendur umhverfisráðherra og
fjármálaráðherra vegna úrskurðar
þess fyrrnefnda um Kárahnjúka-
virkjun frá desember sl. Héraðs-
dómari tók sér skamman frest til að
taka afstöðu til þeirrar aðalkröfu
ríkislögmannns að vísa málinu frá
þar sem stefnendur eigi ekki lög-
varða hagsmuni í því. Dómari upp-
lýsti jafnframt að málið fengi flýti-
meðferð.
Stefnendur höfðu fengið gjafsókn
frá ríkinu vegna þessa máls. Að-
alkrafa þeirra er að úrskurður um-
hverfisráðherra verði felldur úr
gildi og honum gert að staðfesta úr-
skurð Skipulagsstofnunar, þar sem
lagst var gegn virkjuninni. Til vara
gera þeir þá kröfu að úrskurður
ráðherrans verði ómerktur. Ein-
staklingarnir sem kæra með Nátt-
úruverndarsamtökum Íslands eru
Atli Gíslason hæstaréttarlögmaður,
Guðmundur Páll Ólafsson rithöf-
undur og Ólafur S. Andrésson líf-
efnafræðingur.