Morgunblaðið - 06.03.2004, Page 2
FRÉTTIR
2 LAUGARDAGUR 6. MARS 2004 MORGUNBLAÐIÐ
FRESTA UNDIRRITUN
Framkvæmdaráðið í Írak frestaði
í gær undirritun bráðabirgðastjórn-
arskrár vegna skyndilegrar and-
stöðu fulltrúa nokkurra sjíta-hópa
við viss ákvæði í plagginu. Vilja sjít-
ar meðal annars koma í veg fyrir að
Kúrdar, sem eru um fimmtungur
þjóðarinnar, geti beitt neitunarvaldi
gegn samþykkt endanlegrar stjórn-
arskrár standi þeir saman. Ætlunin
er að endanleg stjórnarskrá verði
borin undir þjóðina á næsta ári.
Óljóst er hvenær samningar hefjast
á ný en talið var að samkomulag
hefði náðst á mánudag.
Forngripirnir heim?
Forsætisráðherrar Danmerkur og
Íslands hafa ákveðið að láta kanna
hvernig taka megi á málum varðandi
íslenska forngripi sem eru í vörslu
danskra safna. Davíð Oddsson for-
sætisráðherra segir að Íslendingar
eigi enga kröfu á hendur Dönum
vegna forngripanna. Anders Fogh
Rasmussen, forsætisráðherra Dan-
merkur, er sannfærður um að lausn
finnist á málinu í góðri sátt milli
landanna.
Frumvarp bíði
Siv Friðleifsdóttir umhverfis-
ráðherra telur rétt að bíða með
frumvarp um vernd Laxár og
Mývatns. Segir hún rétt að
heimamenn eigi síðasta orðið.
Kristilegir sterkir
Nýjar kannanir í Þýskalandi gefa
til kynna að systurflokkarnir Kristi-
legir demókratar, CDU og Kristi-
lega sósíalsambandið, CSU, fengju
samanlagt um 49% atkvæða ef geng-
ið væri til þingkosninga núna. Dygði
það flokkunum til að fá hreinan
meirihluta á sambandsþinginu, neðri
deild þingsins. Jafnaðarmenn Ger-
hards Schröders kanslara fengu í
könnuninni aðeins 28%.
Y f i r l i t
Í dag
Sigmund 8 Forystugrein 36
Viðskipti 16 Viðhorf 40
Erlent 17/19 Minningar 42/46
Höfuðborgin 22 Kirkjustarf 47
Akureyri 23 Myndasögur 56
Suðurnes 24 Bréf 56/57
Landið 25 Dagbók 58/59
Árborg 27 Íþróttir 60/63
Listir 28/29 Leikhús 64
Úr Vesturheimi 30 Fólk 65/69
Daglegt líf 31 Bíó 66/69
Ferðalög 32/33 Ljósvakamiðlar 70
Umræðan 34/41 Veður 71
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Kynningar – Morgunblaðinu í dag
fylgir kynningarblað frá Verkmennta-
skólanum á Akureyri.
SJÓMAÐURINN sem drukknaði þegar
hann féll útbyrðis af netabátnum Fylki KE
102 á fimmtudagsmorgun hét Magnús Öl-
versson, fæddur 1937. Magnús var til heim-
ilis á Hamarsbraut 9 í Hafnarfirði. Hann
lætur eftir sig fjögur uppkomin börn.
Magnús Ölversson
Lést þegar hann
féll útbyrðis
Frumjarðfræðiathugunum vegna
jarðganga undir Hrafnseyrar-
heiði milli Dýrafjarðar og Arn-
arfjaðar verður væntanlega lok-
ið í ár og eru þá komnar þær
athuganir sem venja er að gera
áður en framkvæmdir eru tíma-
settar, en eftir það er ráðist í
dýrari athuganir sem duga til
hönnunar mannvirkisins.
Jón Rögnvaldsson vegamála-
stjóri sagði að lokaathuganir
sem gerðar væru áður en ráðist
væri í framkvæmdir væru yf-
irleitt það kostnaðarsamar að
ekki væri ráðist í þær fyrr en
tímaáætlun vegna fram-
kvæmdanna lægi fyrir. Göng
undir Hrafnseyrarheiði hefðu
verið nefnd í jarðgangaáætlun
sem hefði verið samþykkt fyrir
nokkrum árum, en þar hefðu
verið tekin sem tvær fyrstu
framkvæmdir jarðgöng sem
væri verið að vinna að nú milli
Fáskrúðsfjarðar og Reyðarfjarð-
ar og síðan Héðinsfjarðargöng.
Jón sagði að ýmsir aðrir
möguleikar á göngum á Vest-
fjörðum hefðu verið nefndir. Þar
á meðal hefði verið nefnt að fara
undir Dynjandisheiðina úr Arn-
arfirði og í Vatnsfjörð. Þar væri
hins vegar um mjög löng göng
að ræða.
Sú umræða væri á frumstigi
og Vegagerðin hefði fremur gert
ráð fyrir að leggja veg um Dynj-
andisheiði, þar sem þeir teldu að
hægt væri að leggja veg um
hana sem halda mætti opnum í
öllu venjulegu árferði.
Jarðgöng undir Hrafnseyrarheiði á dagskrá
Frumjarðfræði-
athugun lokið í ár
HÉRAÐSDÓMUR Reykjavíkur
dæmdi í gær karlmann í þriggja
og hálfs árs fangelsi fyrir kyn-
ferðisbrot, frelsissviptingu, eigna-
spjöll og þjófnað í maí í fyrra.
Ákærði var sakfelldur fyrir kyn-
ferðisbrot með því að hafa
þröngvað fyrrverandi sambýlis-
konu þrisvar sinnum til samræðis
og hótanir í hennar garð með
hnífi. Var hann einnig sakfelldur
fyrir frelsissviptingu með því að
hafa haldið konunni nauðugri á
heimili hennar og þá beitt hana
líkamlegu ofbeldi, hótað að beita
hana líkamlegu ofbeldi og ógnað
henni með hnífnum.
Að mati dómsins var framburð-
ur ákærða um kynferðisbrotin
ótrúverðugur og rangur en vitn-
isburður konunnar þótti trúverð-
ugur. Dóminum þóttu brot
ákærða stórfelld og hrottafengin
og ætti hann sér engar máls-
bætur.
Ákærði var einnig dæmdur til
að greiða konunni tæpar 1,4
milljónir króna í skaðabætur.
Hefur hann hlotið 22 refsidóma
fyrir ýmiss konar afbrot frá árinu
1991.
Málið dæmdu héraðsdómararn-
ir Guðjón St. Marteinsson sem
dómsformaður, Sigríður Ólafs-
dóttir og Sigurður T. Magnússon.
Verjandi ákærða var Jón Ármann
Guðjónsson hdl. og sækjandi Kol-
brún Sævarsdóttir saksóknari hjá
ríkissaksóknara.
Þriggja og hálfs árs fang-
elsi fyrir kynferðisbrot
ÚRVALSVÍSITALA Aðallista í Kauphöll
Íslands lækkaði um 2,5% í vikunni en vikuna
áður hækkaði hún um 5,9%. Hækkun vísitöl-
unnar frá áramótum nemur 21,2% en hún
stendur nú í 2.562,25 stigum.
Nokkrar sveiflur hafa verið á Úrvalsvísi-
tölunni í þessari viku, rúmlega 2% lækkun
varð bæði á mánudag og þriðjudag en næstu
tvo daga hækkaði vísitalan og lækkar svo
aftur lítillega á föstudag. Í vikunni áður hafði
vísitalan hins vegar hækkað hvern dag, mest
þó á föstudeginum um 2,8%.
Úrvalsvísi-
talan lækkaði
um 2,5%
Lax úr
Eystri-Rangá
hafbeitarlax
ORRI Vigfússon, formaður verndarsjóðs
villtra laxa, segir lax úr Eystri-Rangá haf-
beitarlax og því ekki villtan. Það sé því rangt
sem fram kom í máli Gísla Jónssonar, dýra-
læknis fisksjúkdóma, í Morgunblaðinu í gær,
að smitkveikja nýrnaveiki laxa í seiðaeldis-
stöðvum hér á landi sé úr villtum seiðum úr
Eystri-Rangá. Það sé eins og Gísli vilji koma
óorði á villta laxa og ætti að kynna sér betur
gögn Alþjóðahafrannsóknastofnunarinnar.
Vísindaleg skilgreiningin á villtum laxi sé sú
að laxinn hafi ætíð lifað í villtu umhverfi og sé
afkvæmi foreldra sem báðir hafi ætíð lifað í
villtu umhverfi.
Orri segir að nýrnaveikin hafi komið upp í
ágústmánuði á seinasta ári í seiðastöð sem
þá hafi nýverið dreift seiðum í nokkrar aðrar
stöðvar. Hann spyr hvers vegna yfirlæknir
fisksjúkdóma hafi haldið þessu leyndu þar til
nú sjö mánuðum síðar, m.a. fyrir Veiðimála-
stofnun. Það verði að teljast ámælisvert.
Íslenskur leikstjóri í Ástralíu
UPPSETNING Þorleifs
Arnar Arnarssonar á
leikverkinu Kitchen
eftir Vanessu Badham
er meðal sýninga á
Adelaide-jaðarleiklist-
arhátíðinni sem haldin
er í Suður-Ástralíu um
þessar mundir. Hátíðin
er önnur stærsta jað-
arleiklistarhátíðin í
heimi, næst á eftir hátíðinni í
Edinborg.
Að sögn Þorleifs Arnar hafa
viðbrögð við sýningunni verið
ansi hörð og hafa sum-
ir áhorfendur hrein-
lega gengið út í hléi.
„Það sem virðist fara
svona fyrir brjóstið á
sumum er nokkuð gró-
tesk nauðgunarsena,
sem mér fannst verkið
kalla á og vera full
innstæða fyrir, enda
snýst meginþema
verksins um vald og misbeit-
inguna á því. Þetta hefur farið
illa í Ástralana, því hérna er
pólitísk réttskoðun og rit-
skoðun mjög sterk,“ segir Þor-
leifur í samtali við Morg-
unblaðið.
Auk þess að leikstýra í Ástr-
alíu hefur Þorleifur verið að
leggja drög að nýju leikriti í
samvinnu við Vanessu Badham,
sem Hið lifandi leikhús mun
frumsýna hérlendis á hausti
komanda. Að sögn Þorleifs má
búast við nokkuð pólitísku
verki, enda Badham þekkt fyrir
beitt skrif.
Jaðrar við/Lesbók 13
Þorleifur Örn
Arnarsson
♦♦♦
VÖRUBÍLL með áfastan krana, á
leið suður Hafnarfjarðarveg,
rakst upp undir brúna, sem ligg-
ur þvert yfir veginn á Arn-
arneshæð um hádegisbil í gær.
Höggið var mikið og skipti eng-
um togum að grind vörubílsins
brotnaði í sundur. Bílstjórinn
slapp að mestu með skrekkinn,
hruflaðist aðeins á höfði. Óveru-
legar tafir urðu á umferð að sögn
lögreglu.
Morgunblaðið/Kristinn
Rakst upp undir brú