Morgunblaðið - 06.03.2004, Qupperneq 61

ÍÞRÓTTIR
MORGUNBLAÐIÐ LAUGARDAGUR 6. MARS 2004 61
 ÞRÓTTI úr Reykjavík hefur verið
úrskurðaður 3:0 sigur gegn Stjörn-
unni í efri deild deildabikars karla í
knattspyrnu. Þróttur vann reyndar
leik liðanna um síðustu helgi, 2:1, en
Stjarnan tefldi fram ólöglegum leik-
manni, Andrési Má Logasyni, sem
var skráður í FH, og því breytist
markatalan í leiknum í samræmi við
það. Andrés gekk frá félagaskiptum
yfir í Stjörnuna í gær.
 DANSKA Íþrótta- og ólympíu-
sambandið hefur veitt Vésteini Haf-
steinssyni, landsliðsþjálfara danska
kastlandsliðsins í frjálsíþróttum,
undanþágu til að fara með íþrótta-
mönnum sínum á Ólympíuleikana í
Aþenu í sumar. Danska Íþróttasam-
bandið hefur strangar reglur um að
menn sem hafa fallið á lyfjaprófi séu
ekki fulltrúar Dana á Ólympíuleik-
um, en Vésteinn féll á lyfjaprófi fyrir
20 árum. Ákveðið var að gera und-
anþágu að þessu sinni fyrir Véstein
og Jesper Worre, formann danska
hjólreiðasambandsins, en hann féll á
lyfjaprófi fyrir 12 árum. Danir gera
sér vonir um að lærisveinn Vésteins,
Joachim B. Olsen kúluvarpari, vinni
til verðlauna á Ólympíuleikunum.
 SOUTHAMPTON hefur sent Ag-
ustin Delgado, sóknarmann frá
Ekvador, til heimalands síns þar
sem hann verður í láni hjá Aucus
fram á sumar. Delgado hefur skorað
22 mörk í 49 landsleikjum með Ekva-
dor en hefur aldrei náð sér á strik
með Southampton eftir að hann kom
til félagsins frá Necaxa í Mexíkó fyr-
ir rúmlega tveimur árum.
 STJÓRN enska félagsins Man-
chester United hyggst skoða ofan í
kjölinn kosti þess og galla að fjölga
sætum við völl félagsins, Old Traf-
ford, þannig að hann rúmi 75.000
áhorfendur, en í dag er tekur hann
67.500. Talið er að ef félagið ráðist í í
þessa framkvæmd geti það fært því
um 4 milljónir punda í viðbótar-
tekjur á hverri leiktíð, það eru um
520 milljónir króna.
 RUUD van Nistelrooy segist ekki
vera sáttur við þá ákvörðun Sir Alex
Fergusons að vera ekki í byrjunar-
liðinu gegn Fulham um síðustu helgi
en Ferguson sagði að Hollendingn-
um hefði ekki veitt af því að slaka að-
eins á. Nistelrooy segir hins vegar að
hann vilji vera í byrjunarliði Man-
chester United í hverjum leik.
 ROBERT Pires segist vonast til að
framlengja samning sinn við Arsenal
svo hann geti leikið á nýjum velli fé-
lagsins, Ashburton Grove, sem verð-
ur tekinn í notkun haustið 2006.
Samningur Pires við Arsenal rennur
út sumarið 2006. „Ég vil gjarnan
leika á nýja vellinum frammi fyrir
60.000 áhorfendum. Málið er hins
vegar í höndum Arsenal, það er
hvort félagið vill framlengja samn-
inginn við mig,“ segir Pires.
FÓLK
ENSKA knattspyrnusambandið
ákvað í gær að undanúrslitaleik-
irnir í bikarkeppninni verða leiknir
á Villa Park í Birmingham og Old
Trafford í Manchester. Ef Man-
chester United nær að leggja Ful-
ham að velli leikur liðið á Villa
Park í undanúrslitum. Ef Arsenal
leggur Portsmouth að velli og mæt-
ir ekki Manchester United í undan-
úrslitum, þá yrði það hlutverk Ars-
enal að leika á Old Trafford.
Leikmenn liðsins þekkja völlinn
mjög vel því að þeir hafa fagnað
sigri þar sl. þrjú ár í undan-
úrslitum.
Leikið á Villa
Park og
Old Trafford
Það hefur gengið mikið á í her-búðum Stjörnunnar í vetur
þar sem að lykilmenn hafa verið frá
um lengri tíma
vegna meiðsla og nú
nýverið hætti hinn
reynslumikli leik-
maður Gústaf Bjarnason að leika
með liðinu. En hann var jafnframt
aðstoðarþjálfari Sigurðar Bjarna-
sonar, sem er á meiðslalista.
Leikurinn byrjaði af nokkrum
krafti og virtust bæði lið staðráðin í
að bæta fyrir slaka frammistöðu í
síðustu leikjum en þau höfðu bæði
tapað síðustu tveimur leikjum sín-
um. Eftir fimm mínútna leik var
staðan 5:3, þá sýndu Framarar
hversu hungraðir þeir voru því á
næstu tíu mínútum skoruðu þeir tíu
mörk á móti einu Stjörnunnar,
staðan orðin 6:13 og róðurinn þung-
ur fyrir heimamenn. Framarar
voru fimm mörkum yfir í hálfleik,
11:16, og eftir að hafa skorað fyrstu
þrjú mörkin í síðari hálfleiknum
voru þeir með leikinn í hendi sér.
Heimamenn bráðvantaði einhvern
til að taka af skarið í sókninni sem
voru hægar og ónákvæmar. Ef ekki
hefði verið fyrir Jacek Kowal í
markinu hefði munurinn hæglega
getað verið meiri, hann varð mest-
ur ellefu mörk undir miðbik síðari
hálfleiks. Eftir það gáfu Framarar
aðeins eftir, skiptu yngri og
óreyndari mönnum inn á og fengu
þá heimamenn tækifæri til að
grynnka aðeins á muninum. Á síð-
ustu tíu mínútunum skoruðu
Stjörnumenn átta mörk á móti
tveimur gestanna og litlu af stolt-
inu því bjargað – lokastaðan sem
fyrr 26:31.
Jón Bjarki Pétursson og Valdi-
mar Þórsson stóðu upp úr liði Fram
en Jón gerði átta mörk og Valdimar
sjö. Hjá Stjörnunni skoruðu Bjarni
Gunnarsson og Gunnar Ingi Jó-
hannson sjö mörk hvor. Gunnar
Ingi leysti stöðu Gústafs Bjarna-
sonar, sem hætti að leika með lið-
inu fyrir þennan leik, nokkuð vel og
var sprækastur heimamanna.
Leikurinn var annars lítið fyrir
augað og leikmenn virtust hálf and-
lausir á vellinum, spiluðu meira af
nauðsyn en skemmtun og skilaði
það sér vel til þeirra örfáu áhorf-
enda sem mættir voru í Ásgarð.
„Þetta var mjög slakur leikur hjá
okkur, hvort sem var sóknar- eða
varnarlega,“ sagði Arnar Theó-
dórsson, leikmaður Stjörnunnar,
en
Stjarnan hefur nú tapað þremur
leikjum í röð, hverjum öðrum verr,
og virðast á hraðri niðurleið eftir
ágætis byrjun í úrvalsdeildinni.
Upplausnarástand
„Það er búið að vera mikið brott-
fall úr liðinu, lykilmenn eru meiddir
og alltaf virðist bætast við, nú sein-
ast að Gústaf hætti. Það hefur því
verið nokkur upplausn hjá okkur.
En við getum ekkert annað en
reynt að þjappa okkur saman, það
þarf líka mikla hugarfarsbreytingu
hjá okkur ef við ætlum okkur ein-
hvern árangur. Við leikum næst á
móti ÍR og það segir sig sjálft að ef
við spilum eins og í kvöld eigum við
í vanda,“ sagði Arnar.
Framarar gerðu góða ferð í Garðabæinn í gærkvöldi þegar liðið
mætti Stjörnunni í RE/MAX úrvalsdeild karla í handknattleik. Gest-
irnir fóru létt með vængbrotið lið Stjörnunnar og sigruðu með fimm
mörkum, 31:26, eftir að heimamenn skoruðu síðustu fjögur mörkin.
Eftir leikinn eru bæði lið með 10 stig í 5.-6. sæti.
Andri Karl
skrifar
Gönguhraði
í Garðabæ
Gestirnir úr Kópavoginumreyndu strax að ná hraða í
sóknina en heimamenn stóðust það
fram í miðjan hálf-
leik. Þá lögðu HK-
menn áherslu á
vörnina og það gekk
upp, sem aftur skil-
aði hraðaupphlaupsmörkum og um
leið öryggi í sóknina. Að sama skapi
fjaraði undan sóknarleik Gróttu/
KR, sem HK hélt auðveldlega niðri.
Forystan varð mest 5 mörk og ef
ekki hefði verið fyrir tvær kæru-
leysislegar tilraunir HK-manns
hefði staðan verið enn betri.
Eins og svo oft áður mættu
heimamenn grimmir til síðari hálf-
leiks en þó þeim tækist ekki að saxa
mikið á forskotið var ljóst að þeir
voru búnir að ná sér á strik. Með
fjórum mörkum í röð um miðjan síð-
ari hálfleik komust þeir loks yfir
21:20 en þá tók þjálfari HK leikhlé,
stillti strengina hjá sér og braut
einnig upp einbeitingu mótherjanna.
Það skilaði sér fljótlega án þess að
heimamenn gætu nokkuð að gert.
Magnús Agnar Magnússon fyrir-
liði Gróttu/KR fékk ekki sína óska-
gjöf en hann varð þrítugur í gær.
„Þetta var ömurlegt í einu orði sagt
en HK-menn voru aðeins betri en
við og áttu skilið að vinna. Við tók-
um óskynsamlegar ákvarðanir á
mikilvægum augnablikum og skor-
um ekki þegar við erum einum
fleiri. HK-mönnum tókst að hægja á
sóknarleik okkar en það ætluðum
við einmitt að forðast,“ sagði afmæl-
isbarnið. „Það er fúlt að við unnum
KA og ÍR hérna heima og síðan
Stjörnuna en nú er öll sú vinna farin
svo að við verðum að ná stigi eða
stigum gegn Fram.“ Páll Þórólfs-
son, Þorleifur Björnsson og Daði
Hafþórsson áttu góða kafla hjá
Gróttu/KR.
Hjá HK var Andrius Rackauskas
í ham og Augustas Strazdas góður.
Alexander Arnarson stóð að venju
fyrir sínu og Ólafur Víðir Ólafsson
tók af skarið á réttum augnablikum
þegar sóknin var oft að renna út í
sandinn. Hörður Flóki Ólafsson stóð
sig vel í markinu, með góðri vörn.
„Ég er virkilega stoltur af strák-
unum,“ sagði Árni Stefánsson þjálf-
ari HK eftir leikinn. „Við missum þá
framúr okkur í síðari hálfleik en
tökum þá leikhlé og náum að róa
menn niður því við vorum að spila
illa og missa boltann of mikið. Menn
voru orðnir þreyttir því ég er að
pína menn áfram, til dæmis Straz-
das sem er að spila sinn fyrsta leik
eftir meiðsli,“ bætti Árni við og þó
HK sitji eftir sem á botni deild-
arinnar telur hann ekki alla nótt úti
enn. „Vonandi erum við að skríða
saman eftir meiðsli og veikindi en
deildin er þannig að allir geta strítt
öllum svo það má aldrei slaka á. Ef
við hefðum tapað þessum leik væri
staðan ekki glæsileg, við værum
búnir að missa hina fram úr okkur.
Við erum samt enn í vondri stöðu og
verðum að halda áfram á sigur-
braut. Við sýndum okkur sjálfum að
við getum spilað mjög góða vörn og
skorað eftir hraða keyrslu upp völl-
inn.“
Morgunblaðið/Golli
Alexander Arnarson úr liði HK var einbeittur er hann braust inn
af línunni gegn Sverri Pálmasyni, varnarmanni Gróttu/KR.
HK hristi af
sér slenið
LENGI framan af höfðu HK-menn undirtökin gegn Gróttu/KR á Sel-
tjarnarnesi í gærkvöldi en misstu þessi tök um miðjan síðari hálf-
leik. Það var ekki fyrr en þjálfari þeirra tók leikhlé að hann náði að
rétta kúrsinn og menn hans hristu af sér slenið, skoruðu 6 mörk á
móti tveimur og unnu síðan 29:26. Þrátt fyrir sigurinn er HK enn í
neðsta sæti úrvalsdeildarinnar en það vantar ekki mikið uppá til að
fara upp í miðja deild.
Stefán
Stefánsson
skrifar