Morgunblaðið - 06.03.2004, Blaðsíða 13
FRÉTTIR
MORGUNBLAÐIÐ LAUGARDAGUR 6. MARS 2004 13
JÓHANN Elí Guðjónsson læknir
varði doktorsritgerð sína við lækna-
deild Háskóla Íslands 29. nóv. sl.
Heiti ritgerðarinnar er Psoriasis:
Erfðir, klínísk einkenni og mein-
gerð.
Andmælendur
voru dr. Vil-
mundur Guðna-
son, for-
stöðulæknir
Rannsóknastöðv-
ar Hjartavernd-
ar, og prófessor
Lionel Fry, Im-
perial College,
London. Dr. Stefán B. Sigurðsson,
forseti læknadeildar, stjórnaði at-
höfninni.
Doktorsritgerðin er að miklu
leyti byggð á niðurstöðum rann-
sóknarsamvinnu sem hefur verið á
milli Íslenskrar erfðagreiningar og
Helga Valdimarssonar prófessors, á
erfðum psoriasis.
Psoriasis er krónískur bólgu-
sjúkdómur í húð en hluti psoriasis-
sjúklinga fær einnig bólgusjúkdóm í
liði. Orsakir sjúkdómsins eru enn að
mestu óþekktar, en ljóst er að um
samspil erfða- og umhverfisþátta er
að ræða. Ritgerðin byggist á sex
greinum sem fjalla um genaleit í
sjúkdómnum, klínísk einkenni sjúk-
dómsins í tengslum við erfðamörk
og umhverfisþætti í psoriasis. Nið-
urstöður sem fjallað er um í rit-
gerðinni sýna að psoriasis er flókn-
ari sjúkdómur en áður hefur verið
talið og að erfðaþættir hans hafa
töluverð áhrif á birtingu sjúkdóms-
ins og mismunandi tengsl við
þekkta umhverfisþætti, eins og
streptókokkasýkingar í hálsi. Í
framsýnni rannsókn er sýnt fram á
mikilvægi streptókokkasýkinga í
versnun á psoriasis og sýnt er fram
á að ákveðin klínísk einkenni sjúk-
dómsins virðast hafa mismunandi
erfðaþætti. Þannig var t.d. stað-
settur sérstakur erfðaþáttur sem
virðist ráða uppkomu psoriasis-
liðagigtar. Á sama hátt voru stað-
settir aðrir erfðaþættir fyrir önnur
mismunandi birtingarform sjúk-
dómsins.
Í doktorsnefnd sátu dr. Bárður
Sigurgeirsson húðlæknir, dr. Björn
Rúnar Lúðvíksson læknir, dósent,
sérfræðingur í ónæmisfræði, pró-
fessor Helgi Valdimarsson yf-
irlæknir og forstöðumaður fræða-
sviðs, dr. Jeffrey R. Gulcher læknir,
framkvæmdastjóri rannsókna- og
þróunarsviðs Íslenskrar erfðagrein-
ingar, og dr. Augustine Kong, fram-
kvæmdastjóri tölfræðisviðs Ís-
lenskrar erfðagreiningar.
Jóhann Elí er fæddur 1972. For-
eldrar hans eru Guðjón Elí Jó-
hannsson og Auður Hermunds-
dóttir.
Hann stundaði nám í læknisfræði
við Háskóla Íslands 1992–1998. Eft-
ir kandídatsár við Landspítala – há-
skólasjúkrahús 1999 innritaðist
hann í doktorsnám við læknadeild
Háskóla Íslands með aðstöðu við
ónæmisfræðisdeild Landspítalans
undir handleiðslu Helga Valdimars-
sonar prófessors. Frá júní 2003 hef-
ur Jóhann stundað framhaldsnám í
húðlækningum við University of
Michigan. Jóhann var varaformaður
Félags ungra lækna 2001–2002 og
formaður 2002–2003. Eiginkona Jó-
hanns er Jódís Bjarnadóttir fé-
lagsfræðingur og eiga þau tvo syni,
Bjarna Elí og Hlyn.
Jóhann Elí fékk verðlaun
menntamálaráðherra til ungs og
efnilegs vísindamanns á XI. vís-
indaráðstefnu lækna-, tannlækna-
og lyfjafræðideilda Háskóla Íslands
árið 2002.
Verðlaunin fékk hann fyrir psori-
asisrannsóknir sínar.
Doktors-
vörn í
læknisfræði
NEMENDUR Iðnskólans í
Reykjavík breyttu út af
vananum í vikunni og héldu
það sem kallað er „Öðruvísi
dagar“ í skólanum. Þessa
daga var skólastarfið opnað
á þann hátt að bæði gátu
nemendur kynnt sér það
sem er að gerast í öðrum
deildum skólans en þeirra
eigin en að auki var fitjað
upp á margskonar skemmt-
unum, bæði innan skólans
og utan.
Öðruvísi
dagar í Iðn-
skólanum
Morgunblaðið/Heiðar Þór
FRÉTTIR
mbl.is