Heimilistíminn - 22.01.1978, Qupperneq 13

Popp-kornið
Samdi lög fyrir aðra,
sem náðu langt
— en er ekki eins vinsæll sem söngvari sjálfur
Ungi maðurinn, sem við
skrifum um í dag, hefur sent
frá sér fjórtán stórar hljóm-
plötur og að minnsta kosti i
Bandaríkjunum renna þær út
eins og heitar lummur. Því
miður hefur John Denver, en
sá er maðurinn, ekki af lað sér
jafnmikilla vinsælda i Evrópu
enn sem komið er. Þó náði
hann nokkuð langt fyrir fáein-
um árum, þegar platan
Annie's Song náði að komast á
vinsældalistana, en Denver-
æðið, sem menn höfðu búizt
við, lét heldur standa á sér.
Á Norðurlöndunum á hann samt all-
marga aðdáendur og plötur hans selj-
ast þar jafnt og þétt.
John Denver var farinn að láta að
sér kveða i músikheiminum töluvert
áður en hann fór sjálfur að syngja inn
á plötur. Hann skrifaði lög og texta
fyrir aðra listamenn. Og þessi lög og
ljóð komust oft á vinsældalistana fyrir
tilstilli þeirra, sem fluttu þau. Eitt af
þekktustu verkum hans er Leaving On
A Jet Plane, sem Peter, Paui & Mary
fluttu og flestir munu kannast við.
Þessi vinsæli söngvari fæddist á
gamlárskvöld árið 1943 i Rosweil, New
Mexico. Hann heitir i rauninni Henry
John Deutchedorf, en valdi sér lista-
mannsnafnið John Denver. Lengi
framan af hafði hann alls ekki i hyggju
að verða listamaður. Faðir hans var
flugmaður, og John hafði hugsað sér
að feta i fótspor hans. Hann fór svo að
hafa stöðugt meiri áhuga á tónlistinni,
og svo ákvað hann að gera tilraun til
þess að vinna sér frægð á þessu sviði.
Það liðu reyndar ein sex ár, áður en
hann náði nokkurri frægð sem söng-
vari, en þegar fólk hafði gert sér grein
fyrir hæfileikum þessa unga manns
var það eins og við manninn mælt,
plötur hans tóku að seljast af miklum
krafti i Bandarikjunum.
Hann syngur nokkurs konar blöndu
af rokk og „Country Western” stil, og
sjálfur semur hann öll lögin, sem hann
syngur. Textarnir eru sagðir einfaldir
og flytja einfaldan boðskap, en ein-
hvern boðskap samt. Hann mun leita
efnis i söngva sina i hina villtu náttúru,
sem umkringir heimili hans i Aspen i
Colorado.
Það mun vera of langt mál að nefna
aliar plöturnar, sem hann hefur sungið
inn á, og erfitt segja gagnrýnendur að
sé að draga fram eina og skilja hinar
eftir. En svo piötunum séu einhver skil
gerð verða hér nefndar þrjár þær sið-
ustu: Windsong, Spirit og Greatest
Hits, Vol II.
Lög eftir John Denver, sem ýmsir
ættu að þekkja, eru t.d. Take Me
Home, Country Road, Sweet Surrend-
er og Rocky Mountain High.