Heimilistíminn - 22.01.1978, Page 17

Kafað í körfuna

Lakið heldur
sér á
dínunni
Sumum finnst erfitt að
hemja lökin á rúmunum, og
gildir það ekki sizt um barna-
rúm. Það er auðvelt að koma i
veg fyrir að lökin séu alltaf á
fleygiferð, ef þið gangið frá
þeim á svipaðan hátt og hér er
sýnt á tveim mismunandi
myndum.
Á annarri myndinni hefur
verið dregin teygja i lakið að
neðan, allt um kring, og það
verður þvi eins og nokkurs
konar hetta, sem smokkað er
utan um dýnuna i rúminu.
Þetta tryggir, að lakið hreyfist
ekki að óþörfu.
Á hinni myndinni hafa
spennur, svipaðar þeim, sem
eru á krakkaaxlaböndum,
verið festar i lakið að neðan,
og á milli er teygja. Þessar
spennur og teygjan halda lak-
inu föstu. Reynið annað hvort
þetta ráð, og sjáið, hvort ekki
verður mun minni fyrirhöfn að
búa um rúmin hjá ykkur.
t