Fréttablaðið - 02.05.2003, Blaðsíða 2
2 2. maí 2003 FÖSTUDAGUR
“Ég hef gist á ágætum hótelum án
þess að telja stjörnurnar.“
Ögmundur Jónasson segir utanríkisráðherra veru-
leikafirrtan eftir langdvalir á fimm stjörnu hótelum
í útlöndum.
Spurningdagsins
Ögmundur, hefurðu gist á fimm
stjörnu hóteli?
FYLGI Samanburður á síðustu skoð-
anakönnunum sem birtar hafa ver-
ið í fjölmiðlum sýna að þeim ber að
miklu leyti saman varðandi fylgi
stjórnmálaflokkanna. Lítill munur
mælist á fylgi Vinstri grænna frá
einni könnun til annarrar. Að könn-
un IBM fyrir Gallup undanskilinni
mælist fylgi Sjálfstæðisflokksins
nokkurn veginn það sama í öllum
könnunum.
Nokkuð meiri mun er að finna á
fylgi hinni flokkanna, Samfylking-
in mælist með 26,5-29% fylgi í
þremur könnunum en 32-33% í
tveimur. Þrjár kannanir mæla
Frjálslynda flokkinn með um það
bil tíu prósenta fylgi, en tvær víkja
lengra frá því, hvor í sína áttina.
Einna mestan mun er að finna á
fylgismælingum Framsóknar.
Tvær mælingar gefa tæplega 13%
fylgi, tvær um það bil 15% og ein
17%. ■
1. MAÍ Strekkingsvindur setti svip
sinn á annars velheppnaða og fjöl-
menna 1. maí göngu verkalýðsfé-
laga í Reykjavik. Gengið var frá
Skólavörðuholti niður á Ingólfs-
torg, þar sem hefðbundin dagskrá
fór fram.
Gunnar Páll Pálsson, formaður
VR, og Eiríkur Jónsson, formaður
Kennarasambands Íslands, héldu
ræður og fóru mikinn. Gagnrýndu
þeir báðir aðgerðarleysi íslenskra
stjórnvalda í málefnum þeirra
lægst launuðu á meðan þjóðfélag-
ið í heild sinni hafi aldrei verið
jafn vel efnum búið. Viðbrögð
áhorfenda bentu til að þeir væru
ekki einir um þá skoðun.
Í 1. maí ávarpi samtakanna
skaut Eiríkur föstum skotum að
stjórnvöldum. Þar sagði m.a.:
„Ljóst er að það vantar stóraukið
fé til að fylla í þær sprungur sem
komnar eru í undirstöður velferð-
arkerfisins,“ sagði Eiríkur í verka-
lýðsávarpinu Um launamisréttið
sagði hann: „Í mörgum fyrirtækj-
um horfir launafólk upp á algert
siðleysi hvað varðar laun stjórn-
enda.“ Viðmælendur Fréttablaðs-
ins á fundinum voru almennt á
sama máli og ljóst að kjör margra
eru fyrir borð borin í núverandi
kerfi.
„Ég hefi tekið þátt í göngunni
mörg undanfarin ár og það er
langt síðan svona fjöldi tók síðast
þátt,“ sagði Þórir Steingrímsson,
félagi í Landssambandi Lögreglu-
manna. „Í dag ganga margir til að
sýna virðingarvott við verkalýðs-
hreyfinguna en þó má ekki gleyma
því að hér áður fyrr þá voru það
fyrst og fremst þessar kröfugöng-
ur og svipuð mótmæli sem skiluðu
landsmönnum bættum kjörum og
sköpuðu grundvöllinn fyrir þjóð-
félagið eins og það er í dag.“
Ekki voru allir sammála því að
1. maí gangan hefði einhvern til-
gang. „Íslendingar í dag eru allt of
sundraðir og út af fyrir sig til að
svona kröfugöngur hafi eitthvað
að segja lengur,“ sagði Lára Ei-
ríksdóttir.
Herstöðvaandstæðingar settu
að venju svip á mannfjöldann í
miðbænum og einnig hópar fólks
sem mótmæltu Kárahnjúkavirkj-
un og stríði í Írak. Allt fór samt vel
fram og mannfjöldinn, þrátt fyrir
sterkan vindstreng í miðbænum,
tók vel undir verkalýðssönginn í
lokin.
Hátíðahöldin fóru vel fram um
allt land. Nokkuð kalt var í veðri
og var dagskráin því víða innan
dyra.
albert@frettabladid.is
Íslensku menntasamtökin:
Neita
viðræðum
TJARNARÁS „Íslensku menntasam-
tökin ætla að standa við samning-
inn eins og þeim ber lagaleg og
siðferðisleg skylda til og hafa
tryggt áframhaldandi reksturs
leikskólans Tjarnaráss,“ segir
Oddný Mjöll Arnardóttir, lögmað-
ur samtakanna. Hún segir að leik-
skólinn verði að fullu mannaður í
dag. „Nýtt fólk hefur verið ráðið í
stað þeirra sem láta af störfum og
við höfum lagt fram þrettán skrif-
lega ráðningasamninga fyrir
skólayfirvöld í Hafnarfirði,“ segir
Oddný Mjöll.
„Menntasamtökin hafa gert
ráðstafanir og það er einfaldlega
of seint að efna til viðræðna,“ seg-
ir Oddný um vilja bæjaryfirvalda
í Hafnarfirði um að yfirtaka rekst-
ur skólans. Hún segir engar van-
efndir vera á þeim samningum
sem gerðir voru á sínum tíma. ■
■ Veður
SUMARSNJÓR VÍÐA Snjókoma
setti svip sinn á veður hér og þar
um landið í gær. Snjórinn var þó
lítill og hvarf eftir því sem leið á
daginn. Meðal annars festi snjó í
byggð á Siglufirði, Húsavík og í
Vestmannaeyjum.
■ Samkeppni
ÚRSKURÐUR Í FARGJALDASTRÍÐI
Búist er við því að Samkeppnis-
stofnun úrskurði í maí í kæru-
máli Iceland Express, sem telur
Icelandair selja ferðir undir
kostnaðarverði til Kaupmanna-
hafnar og London í blóra við sam-
keppnislög.
■ Efnahagsmál
DOLLARI Í LÁGMARKI Bág staða
bandarísks efnahagslífs hefur
leitt til þess að gengi dollarans er
í nokkurra ára lágmarki. Í vik-
unni var hann lægri gagnvart
krónu en hann hefur verið í þrjú
ár. Dollarinn hefur ekki verið
lægri gagnvart evru í fjögur ár.
Guðrún Gísladóttir:
Nýr frestur
eftir helgi
BJÖRGUNARAÐGERÐ Haukur Guð-
mundsson, einn eigenda togarans
Guðrúnar Gísladóttur, segir að
fundað verði með mengunarvörn-
um í Noregi í næstu viku varðandi
frekari tímafresti til að bjarga
skipinu af hafsbotni. Áður gefinn
frestur rann út 1. maí.
„Við væntum þess að vera
áfram í góðu samstarfi við Norð-
menn og höfum enga ástæðu til að
halda annað en að svo verði,“ seg-
ir Haukur.
Að sögn Hauks er óljóst
hvenær sjálf björgunaraðgerðin
hefst. Áætlað sé að verkið taki sex
vikur eftir að það hafi verið sett
af stað. ■
Birta:
Þráinn
ritstjóri
ÚTGÁFA Þráinn Bertelsson, kvik-
myndagerðarmaður og rithöfund-
ur, hefur verið ráð-
inn ritstjóri Birtu,
tímarits um fólkið í
landinu sem fylgir
Fréttablaðinu á
laugardögum. Þrá-
inn er lesendum
Fréttablaðsins að
góðu kunnur en
hann hefur skrifað
bakþanka í blaðið
frá fyrsta degi.
Þráinn mun halda
því áfram þótt í minna mæli verði.
„Það eru ekki margir menn á
Íslandi sem hafa með verkum sín-
um náð til jafn stórs hóps og Þrá-
inn. Ég er því sannfærður um að
hann og Birta, sem er gefin út í 92
þúsund eintökum, verði gott par
og vona að samvistir þeirra verði
bæði langar og gifturíkar,“ segir
Gunnar Smári Egilsson, ritstjóri
Fréttablaðsins. ■
SAMKEPPNISMÁL Skeljungur og Olís
skiluðu ekki boðuðum andmælum
sínum við frumathugun Sam-
keppnisstofnunar á meintu ólög-
legu samráði olíufélaganna þegar
frestur til þess rann út fyrir viku.
Samkeppnisstofnun skipti rann-
sókn á olíufélögunum í tvennt. Fé-
lögin fengu frumniðurstöður fyrri
hlutans í janúar. Eftir framlengda
fresti til síðasta föstudags skilaði
Olíufélagið, Esso, eitt félaga inn
andmælum. Hin félögin tvö ætla
að bíða með efnisleg andmæli þar
til niðurstöður heildarathugunar-
innar liggja fyrir.
„Þetta sló okkur svolítið. Félög-
in hafa haft langan tíma til að gera
sér grein fyrir því að þau vildu
ekki koma að athugasemdum við
fyrri hlutann sérstaklega. Sömu-
leiðis hafa þau legið okkur á hálsi
fyrir að þetta taki of langan tíma.
Það er hugsanlegt að þessi ákvörð-
un þeirra tefji lok málsins,“ segir
Guðmundur Sigurðsson, forstöðu-
maður samkeppnissviðs Sam-
keppnisstofnunar.
Að sögn Guðmundar er stefnt
að því að seinni hluti frumathugun-
arinnar liggir fyrir áður en sumar-
frí hefjast og að málinu ljúki end-
anlega fyrir næstu áramót. ■
Gagnrýni á fréttastofu:
Með kjafti
og klóm
STJÓRNMÁL Ástæða þess að Bogi
Ágústsson, forstöðumaður frétta-
sviðs Ríkisútvarpsins, snupraði
undirmenn sína á fréttastofu Út-
varpsins eftir frétt af fundi Dav-
íðs Oddssonar á Ísafirði var sú að
í kynningu á fréttinni var sagt að
Davíð hefði „varið kvótakerfið
með kjafti og klóm“. Þetta þótti
fulltrúa Sjálfstæðisflokksins í út-
varpsráði ósæmilegt og Bogi
féllst á það.
Bogi og Kári Jónasson frétta-
stjóri eru sammála um að þessi
ummæli hafi ekki verið sæmandi í
fréttinni. ■
ÞRÁINN
BERTELSSON
Hefur tekið við
Birtu.
Samhljómur í fimm könnunum um fylgi flokkanna:
Línurnar teknar
að skýrast
SAMKEPPNISSTOFNUN
„Félögin hafa haft langan tíma til að gera
sér grein fyrir því að þau vildu ekki koma
að athugasemdum við fyrri hlutann sér-
staklega,“ segir Guðmundur Sigurðsson.
Hugsanlegar tafir í ólöglegu samráðsmáli:
Skeljungur og Olís bíða með andmæli
Stjórnvöld skömmuð
Launafólk í 1. maí kröfugöngu var almennt sammála um að kjör hinna
lægst launuðu væru til skammar fyrir stjórnvöld.
HÁTÍÐAHÖLD Á INGÓLFSTORGI
Eiríkur Jónsson, formaður Kennarasambands Íslands, gagnrýndi mjög árangur stjórnvalda í málefnum launþega.
FR
ÉT
TA
B
LA
Ð
IÐ
/B
IL
LI
NÝJUSTU SKOÐANAKANNANIR
B D F N S T U
Fréttablaðið 15,6% 34,7% 10,6% 1,4% 28,9% - 8,7%
IBM 12,9% 38,5% 11,5% 0,9% 26,5% - 9,4%
DV 17,0% 33,9% 9,5% - 29,0% - 9,1%
Félagsvísindastofnun 14,4% 34,7% 8,0% - 32,0% - 9,8%
Gallup 12,8% 34,2% 9,6% - 32,9% - 9,5%
GENGIÐ TIL ÞINGS
Það ræðst eftir átta daga hverjir munu
taka sæti á Alþingi næst þegar það kemur
saman. Talsverður samhljómur er í þeim
skoðanakönnunum sem hafa birst síðustu
daga. Það er því farið að skýrast hverjir er
líklegast að skipi þingflokka stjórn-
málaflokkanna á næsta kjörtímabili.