Fréttablaðið - 02.05.2003, Blaðsíða 33
35FÖSTUDAGUR 2. maí 2003
Booker-verðlaunahafi á Bókahátíð:
Skipbrotsdrengur og tígrisdýr
BÓKMENNTIR Kanadíski rithöfund-
urinn Yann Martel er einn þeirra
rithöfunda sem munu mæta á Bók-
menntahátíðina í Reykjavík í
haust. Hann hlaut hin eftirsóttu
Booker-verðlaun í október síðast-
liðnum fyrir skáldsögu sína Life of
Pi, sem segir frá drengnum Pi sem
elst upp í indverskum dýragarði.
Fjölskylda hans ákveður að flytj-
ast til Kanada, en bátur fjölskyld-
unnar ferst á leiðinni og Pi þarf að
lifa af á fleka með tígrisdýri sem
gengur undir nafninu Richard
Parker.
Lisa Jardine, formaður dóm-
nefndar, lauk miklu lofsorði á bók-
ina þegar verðlaunin voru afhent
og sagði meðal annars: „þessi bók
fær fólk til að trúa á guð, eða
spyrja sig af hverju það trúi ekki.“
Bjartur tryggði sér útgáfurétt-
inn á bókinni skömmu eftir verð-
launaafhendinguna og hún kemur
væntanlega út í íslenskri þýðingu í
næsta mánuði. Bjartur hefur áður
gefið út þýðingar Judith Her-
mann, Hanif Kureishi, Haruki
Murakami og Jan Sonnergaard,
sem öll hafa staðfest komu sína í
haust.
Snæbjörn Arngrímsson, út-
gáfustjóri Bjarts, segir áhuga
fólks á Íslandi hafa mikið um það
að segja hversu glæsilegur gesta-
listinn er. „Murakami mætir til
dæmis yfirleitt ekki á svona hátíð-
ir en hann ætlar að vera hérna í
viku og ferðast um landið.“ Snæ-
björn segir að þó Íslandsheim-
sóknin skili höfundum ekki mikl-
um peningum sjái þeir sér engu að
síður hag í því að koma. „Það góða
við þessa hátíð er að hún hefur öðl-
ast smá nafn úti í heimi og hér
gefst höfundunum tækifæri til að
hitta aðra höfunda af svipuðu kalí-
beri, en þetta eru mjög stór nöfn.
Henning Mankell er til dæmis orð-
inn yfirburðamaður í krimma-
heiminum og það er alveg sama
hvar í heiminum maður kemur inn
í bókabúð, bækur hans eru alls
staðar.“ ■
YANN MARTEL
Fæddist á Spáni fyrir 34 árum. Hann er sonur diplómata og ferðaðist um heiminn þveran
og endilangan með foreldrum sínum og byrjaði að semja skáldsögur þegar hann var að
nálgast þrítugt.
og Legionärerna hafa verið kvik-
myndaðar.
Henning Mankell
Rithöfundurinn og leikstjórinn
Henning Mankell fæddist árið
1948 í Stokkhólmi og er einn af
þekktustu rithöfundum Svía.
Fyrsta skáldsaga hans, Berg-
sprängaren, kom út 1973 en það
var þó ekki fyrr en 1991 að hann
sló í gegn sem spennusagnahöf-
undur með sögunni Mördare utan
ansikte um rannsóknarlögreglu-
manninn Kurt Wallander, en fyrir
hana hlaut hann Glerlykilinn,
fyrir bestu glæpasögu Norður-
landa. Bækurnar um Wallander
urðu níu talsins og lauk með
Pyramiden 1999.
Mikael Niemi
Mikael Niemi er fæddur árið
1959 í bænum Pajala, sem er í
Tornedalen í norðurbyggðum Sví-
þjóðar við landamæri Finnlands. Í
Pajala er töluð finnska en Mikael
Niemi skrifar þó bækur sínar á
sænsku og talar um að hann hafi
finnska sál í sænskri tungu.
Ljóðabókin Näsblod under hög-
mässan frá 1988 er hans fyrsta
bók en hann hefur auk þess skrif-
að skáldsögur og leikrit. Árið 2000
hlaut hann August-verðlaunin fyr-
ir skáldsögu sína Populärmusik
från Vittula eða Rokkað í Vittula
og ári síðar var hún tilnefnd til
bókmenntaverðlauna Norður-
landaráðs. Bókin kom út í fyrra í
íslenskri þýðingu Páls Valssonar.
Arto Paasilinna
Arto Paasilinna er fæddur árið
1942 í Kittilä í Finnlandi. Hann er
metsöluhöfundur í Finnlandi og er
einn af fáum núlifandi finnskum
rithöfundum sem hafa skapað sér
nafn á alþjóðlegum vettvangi.
Vinsælasta bók hans er án efa
Jäniksen vuosi eða Ár hérans frá
1977 en hún kom út árið 1999 í ís-
lenskri þýðingu Guðrúnar Sigurð-
ardóttur.
José Saramago
José Saramago er fæddur árið
1922 í bænum Azinhaga, sem er
rétt fyrir utan Lissabon í Portú-
gal. Hann gaf út sína fyrstu bók,
The Land of Sin, árið 1947 en
missti móðinn og tók ekki upp
þráðinn að nýju fyrr en 1966 með
ljóðasafninu Possible Poems.
Saramago vakti fyrst verulega at-
hygli 1982 með skáldsögunni
Baltasar og Blimunda, þá sextug-
ur að aldri, en í framhaldi af því
gaf hann út hverja skáldsöguna á
fætur annarri. Saramago hlaut
bókmenntaverðlaun Nóbels 1998.
Jan Sonnergaard
Jan Sonnergaard er fæddur
árið 1963 í Kaupmannhöfn. Hann
hefur vakið athygli fyrir róttæk-
an stíl sem hann sjálfur lýsir sem
félagslegum súrrealisma. Fyrsta
bók hans, Radiator, eða Ristavél,
frá 1997 fjallar um hversdagslegt
og innantómt líf ungs undirmáls-
fólks í Danmörku og hlaut góðar
viðtökur jafnt hjá dönskum gagn-
rýnendum sem og lesendum. Bók-
in er nýkomin út í íslenskri þýð-
ingu Hjalta Rögnvaldssonar.
thorarinn@frettabladid.is