Fréttablaðið - 09.01.2004, Side 16
16 9. janúar 2004 FÖSTUDAGUR
■ Heimsókn
KÁLFURINN SNYRTUR
Á sunnudaginn fjölgaði í dýragarðinum í
Varsjá í Póllandi þegar gíraffamamman
Lissi eignaðist lítinn en hálslangan kálf
sem hér fær smá andlitssnyrtingu hjá
móður sinni.
Námskeið um byggingar og jarðskjálfta við Hveragerði:
Skjálfti skók fundarmenn
JARÐSKJÁLFTAR „Þetta var í lok nám-
skeiðsins og ég var í miðju kafi að
útlista fyrir þátttakendum nám-
skeiðsins hversu vel byggingin ætti
að þola jarðskjálfta þegar einn
snarpur reið yfir. Mér þótti ekki
slæmt að fá tækifæri til að sanna
mál mitt í beinni,“ segir Guðni
Jóhannesson, prófessor í bygginga-
verkfræði. Guðni var með námskeið
á miðvikudagskvöld fyrir sænska
ferðamenn á Hótel Eldhestar í
Hveragerði. Á námskeiðinu út-
skýrði hann byggingu hótelsins sem
byggt er eftir sérstöku kerfi sem
Guðni hefur þróað til að þola betur
jarðskjálfta.
Skjálftinn sem Guðni vísar til
átti upptök sín sunnan í Dalafelli
skammt norðvestan við Hveragerði.
Hann mældist 3,7 að stærð og fundu
íbúar í Hveragerði fyrir skjálftan-
um, Flóanum, Selfossi og víðar.
Nokkrir smærri skjálftar fylgdu í
kjölfarið.
Guðni segist ekki hafa brugðið
enda fullviss að húsið myndi halda.
„Ég giskaði á að skjálftinn hefði
mælst 3,5 stig og var aðeins 0,2 stig-
um frá hinu rétta.“ Hann segir Sví-
ana fara heim með góða sögu í
farteskinu. „Við vorum einmitt að
segja að ef þessi frétt færi í press-
una í Svíþjóð yrði niðurlagið án efa
„Ingen Svensk omkom“ eða enginn
Svíi fórst. Sænskir blaðamenn enda
allir fréttir af náttúruhamförum úti
í heimi á þennan hátt.“ ■
Fordæmir orðróm
John Burton, fyrrum konunglegur dánardómstjóri bresku krúnunnar, segir það óhugsandi að Karl
Bretaprins hafi lagt á ráðin og sviðsett bílslysið í París til þess að losa sig við Díönu. „Ég veit að hún var
ekki ófrísk. Ég skoðaði legið,“ segir Burton sem var viðstaddur krufninguna eftir slysið.
John Burton, fyrrum konungleg-ur dánardómstjóri bresku
krúnunnar, rauf í fyrradag sex
ára þögn þegar hann skýrði frá
síðustu klukkustundunum í lífi
Díönu prinsessu í viðtali við bres-
ka blaðið The Times. Hann krefst
þess einnig að með réttarrann-
sókninni, sem hófst í Bretlandi á
þriðjudaginn, verði endir bundinn
á miskunnarlausar lygar og sam-
særiskenningar, sem komið hafi
upp í kjölfar dauða prinsessunnar
árið 1997.
Burton gerir lítið úr þeim full-
yrðingum að Díana hefði verið
ófrísk að barni elskhuga síns,
Dodis Al Fayed, þegar slysið varð
í París og að fóstrið hefði verið
fjarlægt á leiðinni til sjúkrahúss-
ins.
Kornið sem fyllti mælinn
„Þessi kenning var kornið sem
fyllti mælinn og varð til þess að ég
segi nú frá þessu opinberlega. Ég
veit að hún var ekki ófrísk. Ég skoð-
aði legið,“ segir Burton sem var við-
staddur krufninguna eftir slysið.
Hann fordæmdi einnig þann
„soralega“ orðróm um að franskur
meinafræðingur hefði verið með í
ráðum um að leyna svokallaðri
þungun Díönu og sagði það óhugs-
andi að Karl prins hefði lagt á ráðin
og sviðsett bílslysið til þess að losa
sig við Díönu.
Burton, sem lét af störfum sem
konunglegur dánardómstjóri í
fyrra, sagði að fyrrum ónefndur
starfsbróðir sinn hefði fyrst sagt
sér frá þessari fáránlegu ásökun
um að fóstureyðing hefði verið
framkvæmd á leiðinni til sjúkra-
hússins eftir slysið.
Algjör þvættingur
„Að halda því fram, eins og sum-
ir gera, að greinilega hafi mátt sjá á
Díönu að hún væri ófrísk aðeins sex
vikum eftir að hún kynntist Dodi er
algjör þvættingur sem komið var af
stað af fólki sem var uppfullt af alls
konar samsæriskenningum. Og þó
ég viti það að hún hafi ekki verið
ófrísk þegar hún lést þá trúa marg-
ir því að hún hafi verið það. Ég finn
til með sonum hennar að þurfa að
ganga í gegnum þetta aftur og í upp-
hafi ákvað ég að þegja yfir þessu til
þess að hlífa þeim. Þess vegna
ræddi ég niðurstöður krufning-
arinnar aldrei í smáatriðum,“ segir
Burton og bendir á að þessar ásak-
anir hafi ekki komið fram fyrr en
ári eftir slysið.
Þær komust svo aftur í hámæli
þegar franskur lögreglumaður full-
yrti í blaðaviðtali í síðasta mánuði
að Díana hefði verið ófrísk þegar
slysið varð og að því hefði síðan
verið haldið leyndu. Þegar Burton
var spurður um þessar fullyrðingar
lögreglumannsins sagði hann
óhugsanda að um nokkurs konar
samsæri hefði verið að ræða.
Stóðu sig vel
Önnur ástæðan fyrir því að
Burton ákvað að rjúfa þögnina var
fullyrðingin um að franski meina-
fræðingurinn, Dominique Lecomte,
hefði tekið þátt í leynimakkinu.
Lecomte var einn tveggja franskra
sérfræðinga sem rannsökuðu blóð-
sýni úr Henri Paul, bílstjóra Díönu,
sem sýndi að alkóhólmagn í blóði
hans var tvöfalt meira en leyfilegt
er undir stýri samkvæmt breskum
lögum.
Burton rauf þögnina daginn eftir
að eftirmaður hans, Michael
Burgess, fyrirskipaði lögreglunni
að rannsaka ásakanir um að Díana
hefði verið myrt. „Fyrir mig var
þetta ný kenning sem ég hafði ekki
heyrt áður og hvorugur okkar hafði
trú á að hún stæðist. Hún gengur út
á það að meint fóstureyðing hafi
verið ástæðan fyrir því að svo lang-
an tíma tók að flytja lík Díönu á
spítalann eftir slysið. Sannleikurinn
er sá að hún lenti í hræðilegum
árekstri og þurfti að gangast undir
meiriháttar aðgerð. Frönsk yfirvöld
stóðu sig vel og gerðu það sem hægt
var að gera,“ segir Burton.
Tvisvar stoppað
Samkvæmt rannsóknargögnum
frönsku lögreglunnar tók það eina
klukkustund og tíu mínútur að flyt-
ja Díönu til Pitié-Salpêtrière-
sjúkrahússins í París þar sem hún
lést.
Því hefur verið haldið fram að á
leiðinni hafi sjúkrabílnum verið
ekið fram hjá tveimur heilsugæslu-
stöðvum þar sem hægt hefði verið
að veita henni nauðsynlega læknis-
hjálp og tvisvar hafi verið stoppað á
leiðinni. Í rannsóknargögnum kem-
ur fram að sjúkrabíllinn hafi verið
stöðvaður til að sjúkraliðar gætu
sinnt Díönu vegna fallandi blóð-
þrýstings. ■
Opinberir starfsmenn:
Fjölgar um
17 prósent
ATVINNUMÁL Opinberum starfsmönn-
um fjölgaði tvöfalt meira en starfs-
mönnum á almennum vinnumarkaði á
árunum frá 1998 til 2002 að því er
fram kemur í úttekt Samtaka atvinnu-
lífsins á vinnumarkaðskönnunum
Hagstofunnar. Þar kemur fram að op-
inberum starfsmönnum fjölgaði um
fimm prósent milli áranna 2001 og
2002 en á sama tíma fækkaði starfs-
fólki í einkafyrirtækjum um 4 %.
Hjá hinu opinbera fjölgaði starfs-
fólki mest í fræðslustarfsemi, um
40%, en næst mest í opinberri
stjórnsýslu, um 30%. Minnst fjölgaði
í heilbrigðis- og félagsþjónustu eða
um 3%. ■
200 kíló hurfu
S.l. vetur grenntust konurnar á Body&Mind
námskeiðinu hjá Önnu Haralds alls um 200 kg
með frábærum æfingum. Enginn hávaði og
engin hopp, aðeins góðar æfingar, teygjur og
slökun.
Kennt er hjá Technosport í Hafnarfirði.
Nánar í síma hjá Önnu: 899 79 09 og á ShopUSA.is
GUÐNI JÓHANNESSON
Prófessor við konunglega verkfræðiháskól-
ann í Stokkhólmi segir langt um liðið frá
því hann fann fyrir jarðskjálfta síðast.
Fréttaskýring
ERLINGUR KRISTENSSON
■ fjallar um rannsókn á dauða
Díönu prinsessu.
SÓTTVARNARLÆKNIR
Haraldur Briem segir alla þá sem vilja geta
fengið bólusetningu gegn heilahimnu-
bólgu C. Slíkt verði þó menn að greiða
sjálfir. Hægt sé að fá bólusetningu á
heilsugæslustöðvum.
Heilahimnubólgu-
tilfellum fer fækkandi:
Tveir
veiktust á
síðasta ári
HEILBRIGÐISMÁL Tíu til fimmtán
tilfelli á ári greindust hér á
landi af heilahimnubólgu C áður
en bólusetningar á fólki 19 ára
og yngri hófst um miðjan októ-
ber á síðasta ári. Algengast var
að börn veiktust. Tvö tilfelli
komu upp á síðasta ári, bæði
voru eldra fólk sem ekki var
bólusett.“
Helstu áhættuhópar er fólk
undir 19 ára aldri. Haraldur
Brim sóttvarnarlæknir segir
bólusetningar við heilahimnu-
bólgu C orðna hluta af ung-
barnabólusetningu. „Fólk vex úr
grasi með þessa vörn og við
erum að vona hún endist þeim
ævilangt.“
Haraldur tekur fram að fleiri
stofnar heilahimnubólgu geti
valdið vandræðum. Fyrst og
fremst b-stofn. Hann sé fágætur
en geti valdið vandræðum.
Hann segir stofninn hegða sér í
flestöllum atriðum eins og c-
stofn. Bóluefni séu til staðar en
hingað til hafi þau ekki þótt
nægjanlega góð. „Við bindum
vonir við að eitthvað jákvætt
gerist innan fáeinna ára.“ ■
AF LANDI BROTT Donald John-
ston, aðalframkvæmdastjóri
Efnahagssamvinnu- og þróunar-
stofnunarinnar, heldur af landi
brott í dag eftir þriggja daga op-
inbera heimsókn í boði utanríkis-
ráðherra. Hann fundaði með for-
sætisráðherra, utanríkisráðherra,
fjármálaráðherra og heilbrigðis-
ráðherrra auk formanns banka-
stjórnar Seðlabankans.