Fréttablaðið - 13.03.2004, Blaðsíða 22
22 13. mars 2004 LAUGARDAGUR
Bjarni Haukur Þórsson, stundum kallaður Hellisbúinn, hefur verið á fleygiferð síðustu ár. Leikritið Hellis-
búinn hefur verið sett upp í fjórum löndum og það fimmta bætist brátt við. Bjarni Haukur er tilnefndur til
leikstjóraverðlauna í Svíþjóð. Hann eignaðist nýverið barn og ætlar að standa sig í föðurhlutverkinu.
Það hefur verið í nógu að snúasthjá Bjarna Hauki Þórssyni, leik-
ara og leikstjóra. Hann hefur sett
upp leikritið Hellisbúann í nokkrum
löndum, mun leikstýra söngleiknum
Grease í Svíþjóð og hefur skrifað
handrit að norskum sjónvarpsþátt-
um. Þar að auki var Bjarni Haukur
að taka að sér stærsta hlutverk sitt
til þessa – föðurhlutverkið.
Þjóðfélagslega meðvitaður
Bjarni Haukur ólst að hluta til
upp í Svíþjóð en foreldrar hans voru
þar við nám. Í Svíþjóð kviknaði
áhugi Bjarna á leiklistinni.
„Svíar eru alltaf að reyna að gera
krakka þjóðfélagslega meðvitaða.
Það er strax tekið á öllum þáttum
samfélagsins. Eitt af því er til dæm-
is að fá krakkana í leikhúsið,“ segir
Bjarni Haukur um aðdraganda þess
að hann fór að leika. „Þegar ég var
sjö ára fór ég í leikhús sem sett var
upp í íþróttahúsinu í skólanum. Ég
man því miður ekki hvaða sýning
þetta var en ég gjörsamlega heillað-
ist af henni. Eftir hana fór ég að
setja upp leikrit heima með krökk-
unum. Ég varð eiginlega heltekinn
af leikhúsinu og er eiginlega fastur
þar ennþá.“
Þegar Bjarni var tvítugur fór
hann í leiklistarskóla í Bandaríkjun-
um, fyrst í New York-háskóla en
skipti síðan yfir í American
Academy of Dramatic Arts. Eftir
útskrift lék hann um hálfs árs skeið
í Bandaríkjunum en þegar hann
flutti heim tók hann sýninguna
Standing On My Knees með sér
heim, og var hún sýnd í Loftkastal-
anum. Fyrsta verkið sem Bjarni
leikstýrði var í Íslensku óperunni,
Masterclass eftir Terrence McNally
sem fjallaði um Mariu Callas. Síðan
tók Trainspotting við og uppfærslur
á nemendamótssýningu í Verslunar-
skóla Íslands.
Hellisbúinn
„Við settum upp Hellisbúann
árið 1998 og ég vann að honum í
tvö til þrjú ár,“ segir Bjarni
Haukur en hann fékk verkið upp
í hendurnar í gegnum danskt
leiklistarforlag sem hann hefur
átt í góðum samskiptum við. „Ég
fékk bunka af verkum frá forlag-
inu, þar á meðal Shakespeare
eins og hann leggur sig, Popp-
korn, Hellisbúann og mig minnir
að Píkusögur hafi einnig verið
með. Mér fannst Hellisbúinn
áhugaverðastur og ákvað að kýla
á hann,“ segir Bjarni Haukur.
Sýningar á Hellisbúanum gengu
framar vonum en hún er vin-
sælasta sýningin sem sett hefur
verið upp hér á landi og um níu-
tíu þúsund manns sáu hana.
Bjarni segist ekki vita hvað hafi
gert sýninguna svona vinsæla.
„Það var bara eitthvað sem gerð-
ist. Allir sem komu að henni
stóðu sig að ég held ágætlega. En
þegar sýning verður svona vin-
sæl er bara eitthvað sem gerist.
Hún fer að lifa sínu eigin lífi,“
segir Bjarni Haukur. „Þetta var
líka kannski eitthvað nýtt. Það
hafði enginn staðið einn uppi á
sviði og talað um samskipti kynj-
anna á kómískan hátt. Það hefur
líka oft verið talað um Ísland
sem litlu Ameríku. Við erum svo-
lítið hrifin af svona eins manns
uppistandi og það blundar í okk-
ur eftir áralangt áhorf á þætti á
borð við Cosby Show og Sein-
feld.“
Velgengni Hellisbúans kom af
stað ýmsum sögusögnum um að
aðstandendur sýningarinnar
hefðu grætt á tá og fingri á
henni. Bjarni Haukur segir að
sýningin hafi vissulega komið
undir þá fótunum en gróðinn hafi
verið miklu minni en fólk haldi.
„Þetta gerði okkur samt kleift að
lifa af þessu og við gátum aðeins
planað framtíðina,“ segir Bjarni.
Hugvitið sem skiptir máli
Bjarni Haukur starfar hjá 3
Sagas sem hefur tryggt sér sýn-
ingarréttinn að þó nokkrum verk-
um. Fyrirtækið hefur meðal ann-
ars komið að uppsetningu á Hell-
isbúanum í Noregi, Svíþjóð, Finn-
landi og Danmörku. Sýningin
verður einnig brátt sett upp í Jap-
an. Bjarni Haukur er einnig fram-
leiðandi að söngleiknum Grease
sem sýndur hefur verið í Borgar-
leikhúsinu. Söngleikurinn verður
settur upp í Svíþjóð í september
en Bjarni Haukur mun leikstýra
verkinu.
Bjarni segir að öllum sé frjálst
að kaupa sýningaréttinn en vand-
inn sé að sannfæra umboðsmenn
höfundanna og fjármagna verkin.
„Þetta er í raun mjög einfalt og
ekki eins flókið og fólk heldur.
Réttinn að Hellisbúanum keypt-
um við til að mynda fyrir
nokkrum árum og um leið og hann
fór að ganga keyptum við réttinn í
fleiri löndum. Það er ekki svo dýrt
að kaupa réttinn að sýningum
enda er það ekki aðalatriðið. Þetta
snýst um að vita hvernig á að
setja verkin upp – það er hugvitið
sem skiptir máli,“ segir Bjarni.
„Peningana lít ég í raun á sem
aukaatriði. Ef þú færð góða hug-
mynd færðu alltaf peninga til að
framkvæma hana.“
Tilnefndur til verðlauna
Bjarni Haukur er tilnefndur
til leiklistarverðlauna í Svíþjóð
fyrir leikstjórn Hellisbúans.
Verðlaunin verða afhent á mánu-
daginn kemur og ætlar Bjarni
Haukur að verða viðstaddur at-
höfnina. Hann vill þó ekki gera
mikið úr tilnefningunni: „Ég fer
ekki út til að taka við verðlaunun-
um því ég veit að ég vinn ekki. En
það verður gaman að upplifa
þetta,“ segir hann.
Bjarni Haukur skrifaði einnig
handrit að sjónvarpsþáttum fyrir
TV2 í Noregi. „Þetta er kómísk
sería sem heitir My Wife Can’t
Cook. Norski titillinn er Hos Mart-
in. Það eru þættir sem ég gerði
með Sven Nordin, þeim ágæta
leikara sem lék Hellisbúann í Nor-
egi,“ segir Bjarni. Nordin þessi
lék meðal annars í Hafinu og hinni
stórkostlegu mynd Elling. Bjarni
skrifaði og leikstýrði fyrstu þrett-
án þáttunum en er búinn að koma
þeim í hendur annarra.
„Ég hef voðalega lítinn áhuga á
að festa mig í því að gera það
sama dag eftir dag. En þættirnir
eru farnir af stað og ganga vel,“
segir hann.
Bjarni hefur verið duglegur
við að setja upp sýningar á Norð-
urlöndunum. Hann kennir þó
hræðslu um að hann sé ekki búinn
að reyna fyrir sér á enn stærri
markaði. „Vesturportfararnir,
Baltasar og allt þetta unga hæfi-
leikafólk fer beint til Bretlands og
Bandaríkjanna, sem er ósköp eðli-
legt. En ég held að það sé einhver
hræðsla hjá mér. Ég vil sjá hvern-
ig verkin ganga í Noregi og Sví-
þjóð áður en lengra er haldið,“
segir Bjarni. „Ég er samt ekki
með neina drauma um að slá í
gegn í Bandaríkjunum.“
Erfiðir tímar
Bjarni Haukur átti hlut í fyrir-
tækinu Lífsstíl ásamt þeim Krist-
ján Ragnari Kristjánssyni, Árna
Þór Vigfússyni og fleirum. Fyrir-
tækið kom talsvert fyrir í fréttum
um fjárdráttarmálið í Landssím-
anum en Árni Þór og Kristján
Ragnar hafa verið bendlaðir við
það. Bjarni Haukur vill lítið tjá
sig um málið. „Það er einstaklega
óheppilegt hvað mál þetta allt hef-
ur dregist. Enn leiðinlegra er
hversu hátt hefur heyrst í dómara
götunnar. Það hlýtur að vera eitt-
hvað að kerfi þegar það getur
beinlínis eyðilagt æru manna sem
og stór og mikilvæg sóknartæki-
færi án þess að nokkur ákæra eða
í raun dómur hafi verið kveðinn
upp,“ segir hann.
„Fjölmiðlar voru kannski ekki
beint að hugsa um þá sem voru í
nálægð við þessa atburði. Málið
var sett fram með það í huga
hvernig best væri að selja frétt-
ina. Á vissan hátt skil ég að það
þurfi að selja fjölmiðla en öllu má
ofgera. Það eru ekki öll kurl kom-
in til grafar og vonandi fá þeir
tækifæri til að skýra frá því
hvernig raunverulega er í pottinn
búið.“
Stærsta hlutverkið
Bjarni eignaðist sitt fyrsta
barn nú í janúar og segir föður-
hlutverkið stærsta hlutverk sem
hann hafi tekið að sér. „Aðalmark-
miðið hjá mér nú er að reyna að
standa mig sem faðir. Ég hræðist
samt mest að vera of linur. Mér
finnst drengurinn vera guð,“ seg-
ir Bjarni og hlær. „Ég á sennilega
alltaf eftir að lúffa fyrir honum.“
Á leiklistarsviðinu segist
Bjarni eiga sér marga drauma en
framtíðin hjá honum er þó algjör-
lega óráðin. „Ég held að ég taki
bara hvert verkefni fyrir sig eins
og það kemur upp. Nú er ég búinn
að skila af mér sjónvarpsþáttun-
um í Noregi og svo gæti farið að
ég geri þá fyrir sænska sjónvarp-
ið. Það væri nú asskoti gaman að
gera bíó einn daginn,“ segir
Bjarni Haukur að lokum.
kristjan@frettabladid.is
Stærsta hlut-
verkið til þessa
HELLISBÚINN
Bjarni hefur hingað til verið hvað þekktastur fyrir kómísk
leikrit. Hann segist nú vera farinn að snúa sér frekar að
söngleikjum en vonar að einhver hafi það mikla trú á
honum að honum verði treyst til að gera dramatískt verk.
Það hlýtur að vera
eitthvað að kerfi
þegar það getur beinlínis
eyðilagt æru manna sem og
stór og mikilvæg sóknar-
tækifæri án þess að nokkur
ákæra eða í raun dómur
hafi verið kveðinn upp.
,,
Ég varð eiginlega
heltekinn af leik-
húsinu og er eiginlega fast-
ur þar ennþá.
,,FRÉTTABLAÐIÐ/TE
IT
U
R