Fréttablaðið - 08.04.2005, Blaðsíða 6

6 8. apríl 2005 FÖSTUDAGUR
Meintur forsprakki Stafangursránsins:
Norðmaður handtekinn í Malaga
SPÁNN, AP Lögregla á Spáni hefur
handtekið norskan mann, sem
grunaður er um að vera for-
sprakki glæpagengis sem rændi
banka í Stafangri í fyrra, þar sem
lögreglumaður var skotinn til
bana.
Maðurinn er 29 ára og heitir
David Alexander Toska, en hann
var handsamaður í Malaga á Suð-
ur-Spáni, nákvæmlega upp á dag
ári eftir að ránið var framið, en
það var eitt það stærsta og bí-
ræfnasta sem framið hefur verið í
Noregi. Toska er sakaður um að
hafa farið fyrir um tólf manna
ræningjahóp sem stal 58 milljón-
um norskra króna, andvirði yfir
560 milljóna íslenskra, úr seðla-
dreifingarmiðstöð banka á Staf-
angurssvæðinu, í miðborg Staf-
angurs snemma morguns 5. apríl
2004.
Annar maður, Dani Bungard að
nafni, var handtekinn ásamt
Toska, að sögn spænsku lögregl-
unnar. Samkvæmt heimildum
fjölmiðla var Bungard eftirlýstur
vegna fíkniefnabrota en ekki í
tengslum við bankaránið.
Framsalsbeiðni norskra yfir-
valda verður tekin fyrir af dóm-
stól í Madríd en henni hyggst
Toska verjast af kjafti og klóm, að
því er fram kemur á fréttavef
Aftenposten. ■
Landsvirkjun:
Endurskoðar áhættumat
KÁRAHNJÚKAR Gripið verður til við-
bótarráðstafana til að tryggja
öryggi stíflanna við Kárahnjúka
á næstu misserum. Bergið fyrir
ofan stíflurnar og undir þeim
verður þétt og laust efni síðan sett
ofan á steypuna þannig að vatn
leki ekki undir stíflurnar ef
sprunga myndast í steypunni.
Til greina kemur að steypa
vegg 10-15 metra niður úr távegg
aðalstíflunnar með því að fræsa
ofan í bergið. Til viðbótar verður
kannað betur hvar líklegast er að
bergið geti hreyfst og sprunga
myndast.
„Við munum setja meira af
jarðefnum ofan á tá stíflunnar
þannig að viðkvæmustu hlutarnir
stíflist ef rifa myndaðist í jarð-
skjálfta,“ segir Sigurður Arnalds,
talsmaður Landsvirkjunar.
Rannsóknarmiðstöð Háskóla
Íslands í jarðskjálftaverkfræði
hefur fengið það verkefni að meta
hver raunveruleg líkindi eru á
jarðskjálfta.
„Þeir eiga að kanna hvernig
líklegt er að jarðskjálftinn hegði
sér, þannig að varnaraðgerðum
verði hagað í samræmi við það.
Áhættumat, sem var gert fyrir
þremur til fjórum árum, verður
endurskoðað,“ segir hann. - ghs
Eyjafjörður verði
eitt sveitarfélag
Sameiningarnefnd sveitarfélaga hefur lagt til að níu sveitarfélög á Eyjafjarð-
arsvæðinu sameinist. Aðeins Grímseyjarhreppur mun standa einn.
Hugmyndir um sameiningu njóta mest fylgis á meðal íbúa þéttbýlisstaða.
SAMEINING Stærsta sameiningar-
kosningin, með tilliti til fjölda
sveitarfélaga, sem fram fer í
haust snýst um sameiningu níu
sveitarfélaga á Eyjafjarðar-
svæðinu. Þetta kemur fram í
tillögum Sameiningarnefndar
sveitarfélaga sem lögð var fram
eftir að nefndin hafði kynnt sér
viðhörf stjórnenda sveitarfélag-
anna. Það eru íbúar Siglufjarðar-
kaupstaðar, Ólafsfjarðarbæjar,
Dalvíkurbyggðar, Arnarnes-
hrepps, Hörgárbyggðar, Akur-
eyrarbæjar, Eyjafjarðarsveitar,
Svalbarðsstrandarhrepps og
Grýtubakkahrepps sem munu
kjósa um sameininguna.
Eftir stendur eitt sveitarfélag
á Eyjafjarðarsvæðinu, Grímseyj-
arhreppur, sem mun ekki samein-
ast neinu öðru sveitarfélagi á
svæðinu. Róbert Ragnarsson,
verkefnisstjóri í Félagsmála-
ráðuneytinu, segir rökin fyrir því
að undanskilja Grímseyjarhrepp
sé landfræðileg fjarlægð frá öðr-
um sveitarfélögum á svæðinu.
Í febrúar síðastliðnum kann-
aði Rannsóknastofnun Háskól-
ans á Akureyri hug íbúa á Eyja-
fjarðarsvæðinu til stórsamein-
ingar og kom í ljós að Grímsey-
ingar höfðu lítinn áhuga á sam-
einingu og því allar líkur á að
hún hefði verið felld þar.
Róbert segir að til að samein-
ing taki gildi þarf meirihluti íbúa
í tveim þriðju sveitarfélaganna
að samþykkja sameiningu og inn-
an þeirra þurfa að búa að
minnsta kosti tveir þriðju þeirra
íbúa sem þátt taka í kosningunni.
Því þarf meirihluti íbúa í sex af
níu sveitarfélögum við Eyjafjörð
að greiða atkvæði með samein-
ingu og í þeim sex sveitarfélög-
um verða að búa ríflega 15 þús-
und manns af þeim 23 þúsundum
sem búa á svæðinu. Akureyring-
ar einir og sér eru um 70 prósent
allra íbúa á Eyjafjarðarsvæðinu
og samkvæmt viðhorfskönnun
RHA er mikill meirihluti Akur-
eyringa hlynntur sameiningu. Í
sömu könnun kom fram að mikill
meirihluti Siglfirðinga vill einnig
sameiningu en naumur meiri-
hluti er fyrir sameiningu í Ólafs-
firði og Dalvíkurbyggð. Andstaða
við sameiningu er meiri í dreif-
býli Eyjafjarðar en ríflega helm-
ingur íbúa Svalbarðsstrandar-
hrepps, Arnarneshrepps og
Hörgárbyggðar er gegn samein-
ingu en mest er andstaðan í Eyja-
fjarðarsveit og Grýtubakka-
hreppi.
kk@frettabladid.is
SAMGÖNGURÁÐHERRA
Segir nýja samgönguáætlun þurfa áður en
ráðist er í lagningu Sundabrautar.
Sundabraut:
Framkvæmd-
um vart flýtt
SAMGÖNGUR Sturla Böðvarsson,
samgönguráðherra, telur vafa-
samt að ráðist verði í lagningu
Sundabrautar fyrr en ný sam-
gönguáætlun gerir ráð fyrir, jafn-
vel þó að ákvörðun verði tekin um
að verkið verði einkaframkvæmd.
Sturla segir að einu gildi með
hvaða hætti verði staðið að fjár-
mögnun Sundabrautar. Minnst
þrjú ár þurfi til allrar undirbún-
ings- og hönnunarvinnu og þeirri
vinnu verði vart lokið þegar gerð
samgönguáætlunar til langtíma
verði lokið. - aöe
Gengi krónunnar:
Heyrnartæki
lækka
HEILBRIGÐISMÁL Heyrnartækin
lækkuðu í verði í gær um fimm
prósent að meðaltali.
Heilbrigðismálaráðuneytið
segir þessa lækkun tilkomna
vegna þess að gengi íslensku
krónunnar hafi styrkst verulega
á undanförnum mánuðum. Því
sé svigrúm til þess að lækka
verð heyrnartækja.
Heyrnartæki hjá Heyrnar- og
talmeinastöðinni kosta nú frá 28
þúsund krónum og upp í 72
þúsund. Þátttaka ríkisins er 28
þúsund og hlutur einstaklinga
getur því verið frá því að þurfa
ekki að greiða neitt og upp í 45
þúsund krónur.
Biðtími eftir heyrnartækjum
er nú átta vikur fyrir hefðbund-
in tæki en getur orðið eitthvað
lengri fyrir sérsmíðuð flókin
tæki.
- jss
Mýrarljós
Sýning laugardagskvöld!
„Mýrarljós hefur allt til brunns að bera:
Drama, svartan húmor og lýtalausan leik.“
Grapevine, mars 2005
Ætlarðu að fylgjast með útför
páfa í sjónvarpi?
SPURNING DAGSINS Í DAG:
Á Auðun Georg að fá starfs-
lokasamning?
Niðurstöður gærdagsins á visir.is
17%
Nei
Já
Farðu inn á fréttahluta visir.is
og segðu þína skoðun
KJÖRKASSINN
Persónuvernd:
Óskar eftir
frumvarpinu
SAMGÖNGURÁÐUNEYTIÐ Persónu-
vernd hefur skrifað samgöngu-
ráðuneytinu og óskað eftir
frumvarpi um breytingar á fjar-
skiptalögum, sem hefur verið
lagt fyrir ríkisstjórn, en frum-
varpið var ekki sent Persónu-
vernd til umsagnar, aðeins
kynnt munnlega á fundi með
stjórnendum stofnunarinnar.
Frumvarpið hefur verið rætt
í ríkisstjórn. Samkvæmt því
skulu öll fjarskiptafyrirtæki
koma sér upp búnaði til að hlera
og taka upp símtöl. Mikið
hefur verið um símhringingar í
Persónuvernd til að óska upp-
lýsinga um frumvarpið.
- ghs
Danska líkfundarmálið:
Grunaður
gefur sig fram
DANMÖRK Bandaríkjamaðurinn
Jared Heller, sem er grunaður um
að hafa átt þátt í morðinu á danska
leigubílstjóranum Torbens Vagns
Knudsen gaf sig fram við lögreglu í
Kaupmannahöfn í fyrradag.
Mikla athygli vakti þegar sund-
urhlutað lík Knudsens fannst í
Kaupmannahöfn um páskana. Lög-
reglan lýsti eftir Heller um helgina
sem leið og eftir því sem greint er
frá á fréttavef Politiken gaf hann
sig fram á miðvikudagsmorgun.
Einnig hefur alþjóðleg handtöku-
skipun einnig verið gefin út á hend-
ur ungum manni frá Súdan, sem
þekktur er sem Jagúarinn í undir-
heimum Kaupmannahafnar. ■
83%
ÖRYGGIÐ TRYGGT EF JÖRÐ SKELFUR
Tryggja þarf öryggi aðalstíflunnar við Kárahnjúka ef til jarðskjálfta skyldi koma. Það er
meðal annars gert með því að þétta bergið og setja meira af jarðefnum ofan á távegginn
sem hér sést í baksýn erlendra verkamanna.
FR
ÉT
TA
B
LA
Ð
IÐ
/G
VA
AKUREYRI
Um 70 prósent íbúa Eyjafjarðarsvæðisins búa á Akureyri og þar nýtur hugmyndin um
sameiningu níu sveitarfélaga við Eyjafjörð mikils stuðnings
DAVID TOSKA
Mynd í eigu lögreglu af meintum for-
sprakka norska bankaránsgengisins.
FR
ÉT
TA
B
LA
Ð
IÐ
/K
K
Samtök ferðaþjónustunnar:
Vilja
reykleysi
REYKINGAR Tillaga veitingamanna
um reykbann á skemmti- og veit-
ingastöðum frá 1. júlí 2007 var
samþykkt á aðalfundi Samtaka
ferðaþjónustunnar í gær. Einnig
var samþykkt að hefja viðræður
við stjórnvöld um slíkt bann. Veit-
ingamenn hafa lagt áherslu á að
lagabreytingar verði gerðar í
samstarfi við greinina.
Á fundinum kom einnig fram
að reykingavenjur fólks hafi bre-
yst mikið undanfarin ár. Nú séu
um 80 veitingastaðir reyklausir
með öllu og fjölmargir aðrir leyfi
ekki reykingar í matsölum.
- ss