Fréttablaðið - 08.04.2005, Qupperneq 30
Decode Genetics, móðurfélag Íslenskrar erfðagreiningar, hefur
lækkað um 30 prósent frá áramótum en fallið hefur verið skarpt
frá því að félagið birti afkomutölur sínar í byrjun mars. Þá var
tilkynnt um 3,5 milljarða króna tap félagsins fyrir árið 2004.
Markaðsvirði Decode er því um 18 milljarðar króna
eða það sama og virði OgVodafone.
Í vikunni bárust þær fréttir að Íslensk erfða-
greining hefði selt fasteignafélaginu Festingu
húsnæði sitt í Vatnsmýrinni fyrir um 3,4 millj-
arða króna. Jafnframt skuldbindur félagið sig til
að leigja það til næstu fimmtán ára. Söluhagnaður
eftir greiðslu lána sem tekin voru við byggingu
hússins er um 900 milljónir króna. - eþa
KÁRI STEFÁNSSON Decode hagnaðist um 900 milljónir
króna af sölunni á höfuðstöðvunum. Verðmæti félagsins
á markaði minnkað umtalsvert frá áramótum.
FÖSTUDAGUR 8. APRÍL 2005 MARKAÐURINN2
F R É T T I R
Erlendar skuldir:
Hlutabréf
gætu lækkað
um leið og
krónan
Snögg verðlækkun krónunnar
gæti leitt til þess að hlutabréf
lækkuðu í verði. Í afkomuspá
Greiningar Íslandsbanka kemur
fram að gengi krónunnar hafi
hækkað verulega á fyrsta árs-
fjórðungi og fjárfestar hafi nýtt
þær aðstæður til að draga úr er-
lendri skuldsetningu og selt til
dæmis innlend hlutabréf á móti.
Snögg verðlækkun krónunnar
myndi valda því að einhverjir
vildu selja hlutabréf sín og þá sé
meiri hætta á verðlækkun. Af
þessum ástæðum gæti skapast
ójafnvægi í hagkerfinu sem hef-
ur bæði neikvæð áhrif á rekstr-
arumhverfi fyrirtækja og vilja
fjárfesta til að kaupa hlutabréf.
Eggert Þór Aðalsteinsson
skrifar
Teikn eru á lofti um að farið sé að hægjast um á
fasteignamarkaði eftir samfelldar hækkanir frá því
í ágúst á síðasta ári. Greiningardeildir bankanna
eru ósammála um hvort hægt hafi á fasteignamark-
aði en fasteignasalar segja að ró sé að færast yfir
markaðinn.
Greining Íslandsbanka bendir á að fermetraverð
í fjölbýli hafi staðið í stað á milli mars og febrúar en
það hafði hækkað um 1-7 prósent milli mánaða frá
því að verðsprengingin hófst. Landsbankinn er
sama sinnis og greinir frá því að samkvæmt viku-
legum tölum frá Fasteignamati ríkisins (FMR) hafi
veltan verið að dragast saman og fjölda þinglýstra
kaupsamninga hafi fækkað.
KB banki kemst að allt annarri niðurstöðu um
markaðinn en Landsbankinn. Að hans mati eru eng-
in merki um að velta á fasteignamarkaði hafi
minnkað og með því að deila veltunni niður á fjölda
virkra daga í mars fær bankinn það út að meðal-
velta hafi verið einn milljarður dag hvern sem er
hærri en meðaldagsveltan undanfarnar tólf vikur.
Þeir fasteignasalar sem rætt var við voru þeirr-
ar skoðunar að salan væri ekki eins mikil og áður og
framboð á eignum væri farið að aukast. Ingólfur
Gissurarson, fasteignasali í Valhöll, telur að ákveð-
ið jafnvægi sé að nást á fasteignamarkaði og þau
læti sem áttu sér stað á markaðinum í kringum ára-
mótin væru yfirstaðin. Bendir það til þess að fram-
boð og eftirspurn séu að mætast. Hann sér fram á
að verð á þeim fasteignum, sem hafa verið verð-
lagðar mun hærra en sambærilegar eignir, leiðrétt-
ist. Ingólfur verður var við að bankar og sparisjóð-
ir séu orðnir stífari í lánveitingum en áður. Áhyggj-
ur manna af vaxandi verðbólgu og gríðarlegum
hækkunum fasteignaverðs gætu haft áhrif á stefnu
lánveitenda í þessum efnum.
Annar reyndur fasteignasali, Jón Guðmundsson
hjá Fasteignamarkaðinum býst við að fasteigna-
verð eigi ekki eftir að hækka mikið úr þessu það
sem eftir er árs heldur haldast fremur stöðugt.
Eignir staldri nú lengur við en þær hafa gert á und-
anförnum mánuðum. „Ég held að enginn sé að spá
því að verðið eigi eftir að lækka í krónum talið á
næstunni en við gætum séð fram á raunverðslækk-
un þegar líður vel á árið.“
Tölur frá FMR í síðustu viku sýndu að velta á
fasteignamarkaði var um 3,1 milljarður króna sam-
anborið við 4,1 milljarða meðaltal síðustu tólf
vikna. Meðalverð á kaupsamning var hins vegar
24,7 milljónir króna miðað við 20,7, sem er meðaltal
síðustu tólf vikna.
Ró að færast yfir
KB banki og Landsbankinn ósammála um stöðuna á fast-
eignamarkaðinum. Fasteignasalar verða varir við minni
spennu á markaðinum.
Greiningardeildir bankanna eru ósam-
mála um hvort hægt hafi á fasteigna-
markaði en fasteignasalar segja að ró
sé að færast yfir markaðinn.
FRAMBOÐ MÆTIR EFTIRSPURN Eignir seljast ekki eins hratt og
þær gerðu. Fasteignasalar telja að fasteignaverð muni ekki lækka.
Fr
ét
ta
bl
að
ið
/E
. Ó
l.
Greiningardeild Íslandsbanka
telur að Ísland sé hugsanlega
komið í annað sæti yfir þau lönd
þar sem framleiðsla er mest á
mann. Meðal þess sem veldur er
mikill hagvöxtur á Íslandi og
styrking íslensku krónunnar
gagnvart Bandaríkjadal.
Ástæða þess að breytt gengi
dalsins hefur áhrif er sú að í al-
þjóðlegum samanburði er notast
við Bandaríkjadal sem viðmið.
Þannig hækkar landsframleiðsl-
an í Bandaríkjadölum talið þegar
þegar krónan styrkist og því get-
ur framleiðslan í dölum talið
hækkað miklu meira en í krónum
talið.
Árið 2003 var Ísland í níunda
sæti á listanum með 30.900
Bandaríkjadali á mann en mikill
hagvöxtur í fyrra og fyrirséður
hagvöxtur upp á ríflega sex pró-
sent í ár gæti fleytt Íslendingum
í annað sæti.
Það eru hins vegar engar líkur
á því að Íslendingar nái fyrsta
sætinu í bráð en þar tróna Lúx-
emborgarar með höfuð og herðar
yfir aðra. Þar var landsfram-
leiðslan 55 þúsund dalir á mann
árið 2003. Greiningardeild Ís-
landsbanka bendir þó á að tilvik
Lúxemborgar sé ekki alls kostar
sambærilegt þar sem mikill fjöl-
di erlendra ríkisborgara starfi í
Lúxemborg en búi ekki þar. Verð-
mætasköpun þessara útlendinga
telst hins vegar til landsfram-
leiðslu Lúxemborgar.
GÓÐÆRIÐ Á BRYGGJUNNI Auðlegð Ís-
lands eykst hratt um þessar mundir og mik-
ið er flutt inn af vörum.
Fr
ét
ta
bl
að
ið
/G
VA
JÓN INGI BENEDIKTSSON Kauphöllin
hefur sett hlutabréf Líftæknisjóðsins á at-
hugunarlista.
Afskráning rædd
Líftækni-
sjóðurinn fer
hugsanlega
af markaði
Á aðalfundi Líftæknisjóðsins í
næstu viku verða framtíðar-
horfur félagsins ræddar, þar á
meðal hvort félagið eigi að
vera áfram skráð á hlutabréfa-
markað. Jón Ingi Benedikts-
son, framkvæmdastjóri félags-
ins, segir það vera misskilning
að stjórn Líftæknisjóðsins ætli
að leggja það fyrir fundinn að
félagið verði afskráð. Hún vilji
að fundurinn ræði fyrst þetta
mál áður en formleg ákvörðun
verður tekin. Því er hins vegar
ekki að neita að fyrir lítið félag
eins og Líftæknisjóðinn fylgi
skráningu mikill kostnaður.
Líftæknisjóðurinn hefur
verið skráður á aðallista Kaup-
hallarinnar frá árinu 2000. Lítil
og sveiflukennd viðskipti eru
með bréf félagsins. Verðmæti
félagsins er 16% hærra nú en
það var um áramót.- eþa
Tvöföldun
frá útboði
Þeir sem keyptu bréf í Lands-
símanum í útboðinu árið 2001
hafa náð ágætri ávöxtun ef
arðgreiðslur eru einnig reikn-
aðar með. Á sínum tíma skráðu
2.600 manns sig fyrir 1,2 millj-
örðum króna að markaðsvirði,
þar af 600 starfsmenn Símans.
Gengi Landssímans hefur
hækkað um 83 prósent á þrem-
ur og hálfu ári en að teknu til-
liti til arðgreiðslna nemur
ávöxtunin 111 prósentum.
Útboðsgengið var 5,75 krón-
ur á hlut í september 2001 en
gengi Landssímans stóð í 10,5
við lok markaða á miðvikudag-
inn var. - eþa
Ísland of lítið
Taka ber nýjan hóp fjárfesta sem
eru á ferð um Evrópu alvarlega,
segir í BusinessWeek. Einn þeirra
hafi keypt stóran danskan banka á
síðasta ári og sé að leita að fleiri yf-
irtökum. Annar sé að fjárfesta fyrir
háar fjárhæðir í fjarskiptatækni og
öðrum fyrirtækjum á Norðurlönd-
um og Bretlandseyjum. Sá þriðji
hafi komist yfir bresk leikföng,
matvöru og fataverslanir hin síðari
ár. Síðan er spurt í greininni hvort
þessir fjárfestar séu ríkir Þjóðverj-
ar eða rússneskir óligarkar. „Nei,
þeir eru Íslendingar,“ er svarið og
Ísland sé of lítið til að þessir vel
stæðu Skandinavar geti eytt svo
miklum peningum heima fyrir. - bg
Önnur ríkasta þjóð heims?
Hugsanlega verður Ísland með næstmestu lands-
framleiðslu á mann í ár.
Decode lækkar enn
Knútur G. Hauksson, forstjóri
Samskipa, afhenti Joen Jakob
Jakobsen, formanni Sjóbjörgun-
arstöðvarinnar, rúmlega eina
milljón króna sem þakklætisvott
fyrir þátt hennar í björgun sjó-
manna af Jökulfellinu í febrúar
sl. Notaði forstjóri Samskipa
tækifærið og þakkaði viðskipta-
vinum í Færeyjum góðar móttök-
ur og sívaxandi viðskipti á fyrsta
starfsári félagsins þar en fyrsta
apríl var eitt ár liðið frá því að
skrifstofa Samskipa í Færeyjum
tók til starfa. „Vöruflutningar til
og frá Færeyjum fyrsta árið hafa
farið fram úr björtustu vonum
okkar Samskipamanna og erum
við afar bjartsýnir á framtíðina,“
sagði hann. - dh
Samskip þakkar
björgun sjómanna
af Jökulfellinu
ÞAKKAÐ FYRIR BJÖRGUN Knútur G.
Hauksson, forstjóri Samskipa, afhendir Joen
Jakob Jakobsen, formanni Sjóbjörgunar-
stöðvarinnar, ávísun að upphæð 100 þús-
und færeyskar krónur.
Fr
ét
ta
bl
að
ið
/S
te
fá
n