Fréttablaðið - 25.05.2005, Blaðsíða 19

Smáauglýsingar
byrja í dag á bls. 4
Flokkar
Bílar & farartæki
Keypt & selt
Þjónusta
Heilsa
Skólar & námskeið
Heimilið
Tómstundir & ferðir
Húsnæði
Atvinna
Tilkynningar
Góðan dag!
Í dag er miðvikudagur 25. maí,
145. dagur ársins 2005.
REYKJAVÍK 3.41 13.25 23.10
AKUREYRI 3.00 13.09 23.22
Heimild: Almanak Háskólans
Sólarupprás Hádegi Sólarlag
Sigrún Kristbjörg Jónsdóttir varð dúx
á stúdentsprófinu frá Flensborg. Við
útskriftarathöfnina sallaði hún á sig
verðlaunum fyrir námsárangur í
tungumálum og spilaði auk þess á
básúnu í sprellhljómsveit skólans.
„Ég fékk nú ekkert fullt af tíum,“ segir
Sigrún Kristbjörg aðspurð og gefur ekki
meira upp um það mál. Spurð út í verðlaun-
in segir hún hógvær. „Jú, eitthvað fékk ég
af þeim,“ en getur ekki talið þau upp fyrr
en að rannsökuðu máli. Hún hefur heldur
ekki haft fyrir því að reikna út meðalein-
kunnina sína og segir það hafa komið sér
verulega á óvart þegar hún varð dúx. „Ég
átti alls ekki von á þessu,“ segir hún.
Tungumálin eru hennar eftirlætisfög enda
fékk hún verðlaun fyrir íslensku, dönsku,
ensku, frönsku og þýsku. „Ef maður hefur
áhuga á einhverju er maður miklu viljugri
að leggja eitthvað á sig. Það er líka svo
gaman að læra eitthvað sem maður getur
notað og þannig eru tungumálin.“
Sigrún Kristbjörg verður tvítug í sept-
ember og þótt hún væri fjögur ár í fram-
haldsskólanum lauk hún námsefninu á
þremur og hálfu. Eina önn var hún í Þýska-
landi en fékk hana ekki metna hér. Svo
stundar hún nám í básúnuleik líka og
kveðst hafa verið í hópi tónlistarnema sem
séð hafi um söngkeppnina í Flensborg.
„Þegar eitthvað hefur verið um að vera höf-
um við oft staðið fyrir einhverju sprelli,“
segir Sigrún Kristbjörg, sem hyggst taka
frí frá bóknámi næsta vetur og einbeita sér
að básúnunni, auk þess að vinna eitthvað
með. Greinilegt er að líf hennar mun snúast
mikið um tónlist á næstunni því í sumar
ætlar hún að starfa með tónlistarhópi á veg-
um Hafnarfjarðarbæjar og fram undan er
ferð með Bigbandi Tónlistarskólans til Sví-
þjóðar. Fyrst verða reyndar Bigbandstón-
leikar í Tónlistarskóla Hafnarfjarðar. Þeir
eru á dagskrá næsta þriðjudagskvöld. ■
Einbeitir sér að
tónlistinni í sumar
nam@frettabladid.is
Innritun í framhaldsskóla
verður rafræn þetta vorið og
væntanlega til framtíðar.
Menntamálaráðuneytið hefur
ákveðið að nemendur
sem nú eru að útskrif-
ast úr grunnskólum geti
sótt um á netinu. 10.
bekkingar hafa fengið
sent bréf þar sem fyrir-
komulagið er útlistað
en innritun á vefnum
stendur til 14. júní.
Viðskiptaháskólinn á Bifröst
undirritaði um síðustu helgi
samning við Háskólann í
Shanghai og er það einn viða-
mesti samn-
ingur sem
íslenskur
háskóli hef-
ur gert við
háskóla í
Asíu. Samn-
ingurinn er
um víðtækt
samstarf
skólanna
tveggja
varðandi kennslu, rannsóknir
og ráðstefnuhald auk þess sem
Bifröst og Shanghai-háskóli
munu skiptast á kennurum.
Gert er ráð fyrir að næsta vor
verði 15 nemendur frá Bifröst í
Shanghai og að tugir kínverskra
nemenda muni nema á
Bifröst næstu misseri
og ár.
Alþjóðleg ráðstefna
um hugbúnaðarþróun
verður haldin 30. og
31. maí í Háskóla Ís-
lands. Þann 27. maí
og 1. júní verða haldin fjögur
stutt námskeið í tengslum við
ráðstefnuna. Markmið ráðstefn-
unnar er að afla nýrrar þekk-
ingar og deila reynslu af hug-
búnaðarþró-
un. Meðal
umfjöllunar-
efnis verður
áhættustjórn-
un, hugbún-
aðarferli, nyt-
semi hug-
búnaðar,
gæðastjórn-
un og kvikar
(e. agile) að-
ferðir við hugbúnaðarþróun.
Nánari upplýsingar er að finna
á vefnum hi.is.
„Ef maður hefur áhuga fyrir einhverju er maður miklu viljugri að leggja eitthvað á sig,“ segir Sigrún Kristbjörg
sem hér situr með verðlaunin sín.
LIGGUR Í LOFTINU
í námi
FASTEIGNIR HEIMILI HEILSA HÚS NÁM FERÐIR MATUR BÍLAR ATVINNA BRÚÐKAUP FJÁRMÁL TILBOÐ o.fl.
KRÍLIN
Það er auðvelt að fá
mömmu til að hlæja.
Ég byrja bara og þá
fer hún strax að
herma eftir mér!
Einkaflugmaður tekinn með hraði
BLS. 2
][
SMÁAUGLÝSINGASÍMINN ER 550 5000
SMÁAUGLÝSINGAR
Á 995 KR.
ÞÚ GETUR PANTAÐ
ÞÆR Á visir.is
FR
ÉT
TA
B
LA
Ð
IÐ
/V
IL
H
EL
M Krakkar fá innsýn í sveitalífið
BÖRNUM ER BOÐIÐ UPP Á REIÐNÁMSKEIÐ OG SVEITADVÖL Í
SKAGAFIRÐI.
Boðið er upp á á sveitadvöl og reiðnámskeið fyrir krakka á aldrinum
8 til 14 ára á bænum Flugumýri í Skagafirði þar sem rekið er hrossa-
ræktarbú og hestatengd ferðaþjónusta.
Boðið er upp á vikudvöl í sveitinni þar sem börnum gefst kostur á
að taka þátt í daglegu lífi á búinu og fá leiðsögn í umgengni og reið-
mennsku við hæfi hvers og eins. Dvölin er frá mánudagsmorgni til
sunnudagseftirmiðdags vikulega í júní, það fyrsta hefst mánudaginn
6. júni. Dvölin er hugsuð sem heimsókn á sveitabæ þar sem krakkar
fá innsýn í sveitalíf-
ið og náttúruna á
staðnum meðfram
reiðkennslunni. Á
bænum eru einnig
kindur og kýr, sem
áhugavert er að
skoða og kynnast.
Einnig verður farið í
sund í Varmahlíð
auk þess sem
krakkarnir fá tæki-
færi til að skoða sig
um í Skagafirði og
skoða áhugaverða
staði þar eins og
Hóla í Hjaltadal og
Vesturfarasetrið á
Hofsósi.