Fréttablaðið - 25.05.2005, Blaðsíða 34

MIÐVIKUDAGUR 25. MAÍ 2005 MARKAÐURINN10
F R É T T A S K Ý R I N G
Hinar svokölluðu dagbókarkannanir, þar sem
fólk er beðið um að skrá niður alla fjölmiðla-
notkun yfir ákveðinn tíma, heyra að öllum lík-
indum brátt sögunni til. Gallup á Íslandi er að
prófa nýja rafræna tækni sem mælir sjálfkrafa
alla notkun á ljósvakamiðlum. Sú tækni býður
upp á mun fullkomnari mælingar þar sem niður-
stöður munu liggja fyrir daginn eftir. Vonir
standa til að taka þessa nýju tækni í notkun
seint á þessu ári eða í byrjun næsta árs. Þetta er
í raun bylting í mælingum á fjölmiðlanotkun á
Íslandi og mun gjörbreyta auglýsingamarkaðn-
um. Miklir hagsmunir eru í húfi og ljóst að stig-
ið verður varlega til jarðar áður en tæknin verð-
ur innleidd að fullu.
Um er að ræða lófastórt tæki sem fólk ber á
sér hvert sem það fer. Sjónvarps- og útvarps-
stöðvar munu senda út merki sem aðeins tækið
nemur. Það skráir hvaða fjölmiðil viðkomandi
einstaklingur hlustar á yfir daginn og vistar
upplýsingarnar í minni. Skiptir þá engu máli
hvar merkisins verður
vart: við morgunverðar-
borðið, í bílnum, á bið-
stofunni, í vinnunni
eða á kránni. Áður en
lagst er til hvílu er
tækið sett í hleðslutæki
sem sendir upplýsingarnar í gegnum netið
til Gallup. Þar er upplýsingum frá mörgum ein-
staklingum safnað saman og unnið frekar úr
þeim. Daginn eftir verður hægt að fá nákvæm-
ar upplýsingar um hverjir voru að horfa á hvað
daginn áður.
Ásmundur Þórðarsson, rannsóknastjóri hjá
Auglýsingamiðlun, segir þetta gefa áreiðanlegri
upplýsingar en þar sem fólk er sjálft beðið um
að skrá niður hvað það horfir á eða hlustar. Fjöl-
breytt fjölmiðlaflóra geri það að verkum að fólk
skipti oft um stöðvar hvort sem það er heima í
stofu eða í bílnum. Einnig sé fólk ómeðvitað um
hvaða stöð það hlustaði á yfir daginn eða gleym-
ir því. Tækið nemi líka áreiti auglýsinga og
hvort fólk forðist þær sérstaklega. Nú séu líka
mörg sjónvarpstæki á heimilum og sjónvarps-
gláp ekki eins mikil hópathöfn og áður.
ELÍSABET HELGADÓTTIR MEÐ
TÆKIÐ Í VASANUM Þátttakendur í
fjölmiðlakönnunum munu ekki þurfa
að skrá sjálfir hvaða fjölmiðla þeir hlusta á
yfir daginn. Tækið nemur merki í útsending-
unni og skráir sjálfkrafa fjölmiðlanotkun viðkom-
andi einstaklings og eru upplýsingarnar svo sendar
að kvöldi til Gallup í gegnum netið.
Fullkomnari
mælitæki
Mælir óháð staðsetningu – Fólk
gengur með tækið á sér og nemur
mælitækið áreiti fjölmiðla utan
heimilis jafnt sem inni á heimilum.
Áreiðanleiki eykst – Ekki er treyst á
skráningu þátttakenda eða gerð sú
krafa að þeir séu meðvitaðir um á
hvað þeir séu að hlusta eða horfa.
Mælir alla fjölmiðla – Mælitækið
nemur hljóð og því er mögulegt að
fylgjast með notkun allra fjölmiðla
svo lengi sem þeir senda út skil-
greint merki.
Mælir óháð dreifingu – Mælitækið
nemur hljóð hvort sem útsending
fjölmiðils er stafræn eða hliðræn,
send út í gegnum kapal eða í lofti.
Upptökur mældar líka – Þrátt fyrir
að efni sé tekið upp og geymt á
stafrænu formi eða segulböndum
nemur tækið áhorf þegar að því
verður.
Einföld aðferð – Notkun tækisins er
einföld, tiltölulega ódýr og ekki þarf
endilega tæknimann til að setja upp
búnaðinn á heimilum fólks.
▲
Rafrænar mælingar prófaðar
„Við erum að prófa þennan búnað
núna. Draumurinn er að byrja að
nota mælitækið í lok ársins eða
byrjun næsta árs,“ segir Hafsteinn
Már Einarsson, forstöðumaður
Gallup á Íslandi og stjórnandi rann-
sókna á auglýsingamarkaðnum, um
nýtt tæki sem mælir sjálfkrafa
áhorf og hlustun á fjölmiðla. Nú
þegar er verið að prófa rafrænar
mælingar hér á landi og hefur
starfsfólk IMG Gallup gengið með
sérstök tæki til þess á sér. Einnig
hafa forsvarsmenn sjónvarps-
stöðva fengið búnaðinn til prófunar.
Byrjað er að senda merki, sem
segir tækinu á hvaða stöð er hlustað
eða horft, á öllum íslensku sjón-
varpsstöðvunum og völdum út-
varpsstöðvum.
Hafsteinn segir nú reynt að kom-
ast fyrir alla hugsanlega erfiðleika
sem geta komið upp við rafrænar
mælingar á sjónvarps- og útvarps-
notkun. Sem dæmi þurfi að huga að
nettengingum allra þátttakenda því
mælitækið sendir upplýsingar í
starfstöð Gallup á hverri nóttu. Þar
er unnið úr þeim frekar. Hann segir
nettengingar fólks mismunandi og
að því þurfi að hyggja.
„Núna er framundan enn víð-
tækari prófun á búnaðinum með
þátttöku almennings. Jafnframt
þarf að semja við sjónvarpsstöðv-
arnar Skjá einn, 365-ljósvakamiðla
og Ríkisútvarpið, um hvort taka
eigi upp þessa nýju mælitækni og
hvað eigi að greiða fyrir það,“ segir
Hafsteinn. Verið sé að gera ítarlega
prófanir á þessari tækni á Bret-
landseyjum. Meðal annars sé verið
að athuga næmi tækisins við fjöl-
breyttar aðstæður. Nákvæmni þess
megi ekki vera það mikil að það
skynji hlustun þegar hávaðinn yfir-
gnæfi í raun hljóðið í viðtækinu, t.d.
á börum eða á hárgreiðslustofum.
Hafsteinn segir allt benda til
þess að þetta verði fljótlega að
raunveruleika í Bretlandi. Tæknin
fari eins og eldur í sinu um alla Evr-
ópu þessar vikurnar. Þó vilji flestir
stíga varlega til jarðar því að gríð-
arlega miklir fjárhagslegir hags-
munir séu í húfi.
Verði þessi tækni tekin upp hér á
landi bendir Hafsteinn á að Íslend-
ingar stökkvi yfir eitt tæknistig,
sem felst í sérstökum boxum sem
áhorfandinn tilkynnir hvað horft sé
á í sjónvarpi. Þessi tækni sé sjálf-
virk og nákvæmari því með henni
sé hægt að mæla fjölmiðlanotkun á
fjölbreyttari hátt en áður. Það sé
nauðsynlegt þar sem fjölmiðlanotk-
un hafi breyst mikið og fólk komist
í tæri við fjölmiðla víðar en heima í
stofu. Hver fjölskyldumeðlimur
hafi jafnvel sitt eigið viðtæki á
heimilinu.
HAFSTEINN MÁR EINARSSON Fram undan er að prófa rafrænar mælingar á
fjölmiðlanotkun almennings.
Mælir sjálfvirkt notkun fjölmiðla
Í náinni framtíð mun rafrænn mælir skrá alla hlustun og áhorf á ljósvakamiðla á Íslandi. Verði þetta
að veruleika mun það leiða til byltingar í mælingum á fjölmiðlanotkun. Tæknin breiðist um Evrópu
eins og eldur í sinu. Björgvin Guðmundsson útskýrir hvað felst í þessari nýju tækni.
Fr
ét
ta
bl
að
ið
/S
te
fá
n