Fréttablaðið - 23.03.2006, Qupperneq 39

FIMMTUDAGUR 23. mars 2006
Edik er sótthreinsandi og
lyktareyðandi efni.
Ef það er vond lykt af einhverju
heima hjá þér er mjög líklegt að
edikið hreinsi óþefinn í burtu. Ef
vonda lyktin er af einhverju með
hörðu yfirborði þarf aðeins að
blanda ediki við vatn, bleyta tusk-
una í blöndunni og strjúka af
hlutnum. Ef vonda lyktin kemur
af fötum eða mjúkum hlutum þarf
að leggja hlutina í bleyti eða setja
smá edik í þvottavélina. Edikið
virkar líka vel til að ná burt vondri
lykt í dýnum en þá er hellt blöndu
af vatni og ediki yfir dýnuna.
Ediklyktin hverfur fljótt úr
hlutunum sem eru hreinsaðir með
því en ekki úr tuskunni sem var
notuð og því skal skella henni í
þvottavélina eftir notkun.
Losnað við
óþef
Edik eyðir flestum fnyk.
Flokkun og endurvinnsla sorps er
eitt mikilvægasta skrefið í því að
minnka ágang á auðlindir jarðar-
innar. Þar sem sorpflokkun er
frekar ný af nálinni hérlendis
getur það vafist fyrir fólki að
flokka réttan úrgang saman.
Á heimasíðu Sorpu, www.
sorpa.is, má finna upplýsingar um
endurvinnsluflokka og leiðbein-
ingar um hvað fer í hvaða flokk og
hvernig beri að skila úrgangi til
endurvinnslu. Á sama stað eru
upplýsingar um hvað verður um
úrganginn eftir að honum hefur
verið skilað.
Flokkum
sorpið rétt
Endurvinnsluflokkar Sorpu
Rusl er ekki bara rusl. Það er lykilatriði að
flokka úrgang til endurvinnslu rétt.
FRÉTTABLAÐIÐ/STEFAN
Úrgangsflokkar Sorpu:

Bylgjupappi - fyrirtæki
Bylgjupappi - heimili
Dagblöð/tímarit
Fernur og pappírsumbúðir
Filmuplast - fyrirtæki
Föt og klæði
Garðaúrgangur
Gler og postulín
Hjólbarðar
Húsbúnaður
Jarðvegur og steinefni
Kertavax
Kjötvinnslu- og sláturúrgangur
Kælitæki
Lyf
Málmur
Net, kaðlar og troll
Plastumbúðir - fyrirtæki
Plastumbúðir - heimili
Rafeindatæki
Skilagjaldsskyldar umbúðir
Skrifstofupappír, hvítur afskurður
Skór
Spilliefni
Timbur
Trúnaðargögn