Fréttablaðið - 25.04.2007, Blaðsíða 8
Hvað var Boris Jeltsín,
fyrrverandi Rússlandsforseti,
gamall þegar hann lést?
Hver er forsætisráðherra
Ísraels?
Hvaða tvö fyrirtæki hafa
samið um orkusölu til fyrirhug-
aðs álvers í Helguvík?
550 5000
AUGLÝSINGASÍMI
Abdullah Gul, utan-
ríkisráðherra Tyrklands, verður
að öllum líkindum næsti forseti
landsins. Í gær skýrði Recep
Tayyip Erdogan forsætisráðherra
frá því að Gul yrði forsetaefni
stjórnarflokksins, sem hefur lagt
áherslu á að efla veg íslamstrúar
í landinu.
„Enginn vafi leikur á því að
endanleg ákvörðun liggur hjá
þinginu,“ sagði Erdogan, en þar
sem stjórnarflokkur hans er með
öruggan meirihluta á þjóðþingi
landsins þykir nokkuð ljóst að
Gul verður fyrir valinu.
Sjö ára kjörtímabil núverandi
forseta, Ahmet Necdet Sezer,
rennur út 16. maí næstkomandi.
Sezer hefur staðið vörð um hina
veraldlegu stjórnskipan Tyrk-
lands, þar sem trúmálum er hald-
ið algerlega aðskildum frá stjórn-
málum.
Gul sagðist í gær einnig ætla að
virða hinar veraldlegu hefðir
landsins, yrði hann kosinn for-
seti. Yfirmenn í hernum hafa
sagst andvígir því að ráðamaður í
hinum íslamska flokki Erdogans
setjist á forsetastól, því hætta sé
á að hann taki höndum saman við
Erdogan um að rjúfa þessa gömlu
hefð.
Fjölmennir mótmælafundir
hafa einnig verið haldnir á síð-
ustu vikum til að sýna fram á and-
stöðu almennings við að íslams-
trú verði ráðandi afl í stjórnkerfi
landsins.
Segist virða veraldlega hefð
Hjón sem fengu
úthlutað einbýlishúsalóð við
Fróðaþing í Kópavogi krefjast
skaðabóta úr bæjarsjóði vegna
tafa sem þau segja hafa orðið á
framkvæmdum. Hjónin segja níu
mánaða tafir hafa orðið vegna
þess að ekki hafi verið staðið
eðlilega að grenndarkynningu í
fyrrasumar. Stöðvun fram-
kvæmda í framhaldi af því hafi
sett allt skipulag úr skorðum.
„Við höfum nú þegar lagt mikinn
pening í lóðina. Það fjármagn
liggur nú bundið án ávöxtunar
þar sem við höfum ekki getað
haldið áfram,“ segir í bréfi
hjónanna til Kópavogsbæjar. Þau
segjast „íhuga málsókn af fullri
alvöru“ semjist ekki um bætur.
Ómetanlegt
tilfinningatjón
Þúsundir syrgjenda
lögðu leið sína í dómkirkjuna í
Moskvu í gær til að votta Boris
Jeltsín, fyrrverandi forseta Rúss-
lands, hinstu virðingu þar sem
hann lá á líkbörunum.
Fyrrverandi forsetar Banda-
ríkjanna, George H. W. Bush og
Bill Clinton, hafa boðað komu sína
í jarðarför Jeltsíns sem haldin
verður í dag. Frá Bretlandi kemur
John Major, fyrrverandi forsætis-
ráðherra. Flest ríki senda ekki
æðstu leiðtoga heldur fulltrúa á
borð við fyrrverandi þjóðarleið-
toga og utanríkisráðherra.
Mikhaíl Gorbatsjov, síðasti leið-
togi Sovétríkjanna, verður meðal
gesta í jarðarförinni. Einnig verð-
ur þar Lech Walesa, fyrrverandi
Póllandsforseti og friðarverð-
launahafi.
Forseti Rússlands, Vladimir
Pútín, hefur lýst yfir þjóðarsorg í
landinu í dag og bannað að
skemmtiefni verði flutt í útvarpi
og sjónvarpi. -
Boris Jeltsín jarðaður í dag
Karlmaður í Reykjavík
hefur verið dæmdur í níu mánaða
fangelsi fyrir að hafa í bifreið
sinni tæplega 43 grömm af
amfetamíni. Efnin fann lögregla
við leit í bifreið hans.
Maðurinn hefur frá 2002 hlotið
fjórum sinnum dóma fyrir
hegningarlagabrot. Með broti því
sem hann var sakfelldur fyrir nú
rauf hann skilorð dóms frá 30.
desember 2004. Sá dómur var því
tekinn upp og dæmdur með
brotinu nú. Í ljósi þess að
maðurinn játaði brot sitt skýlaust
og hefur nú hefur tekið sig á og
farið í meðferð þótti dómnum rétt
að skilorðsbinda refsingu hans.
Var með amfet-
amín í bílnum