Fréttablaðið - 13.09.2007, Qupperneq 34

13. SEPTEMBER 2007 FIMMTUDAGUR2 fréttablaðið ísmót 2007
Ísmót 2007 – Íslandsmeistaramót þjónustuiðngreina innan Samtaka iðnaðarins
Stemning á hátíðarkvöldi Ísmóts þegar ú
Brynjar Ragnarsson, markaðsstjóri Samtaka iðnaðarins, er
ánægður með hvernig til tókst á Ísmóti 2007.
Undirbúningur fyrir Ísmót 2007
hefur staðið yfir síðan í nóvember á
síðasta ári og í mars var skipuð tólf
manna undirbúningsnefnd með full-
trúum aðildarfélaga Samtaka iðn-
aðarins. Nefndin hefur hist viku-
lega fram á síðasta dag, enda hefur
keppni af þessari stærðargráðu ekki
verið haldin áður á Íslandi.
„Þarna komu saman aðilar úr
mjög ólíkum iðgreinum, sem eiga
það þó sameiginlegt að veita per-
sónulega þjónustu,“ segir Brynj-
ar Ragnarsson, markaðsstjóri Sam-
taka iðnaðarins og bætir því við að
Ísmót 2007 hafi verið frumraun sem
tókst.
„Sýningin var mjög vel sótt. Sýn-
endur lögðu mikið upp úr því að
taka vel á móti gestum, sem gáfu
sér tíma til að þiggja ráðgjöf og
þjónustu.“
Að sögn Brynjars var keppnis-
gögnum skilað inn í suma hluta
mótsins, í öðrum fór keppnin fram á staðnum og myndaðist oft gríðarleg
spenna í loftinu. Ekki var stemningin síðri og þá sérstaklega á Hátíðar-
kvöldinu, sem haldið var á sunnudagskvöld, en þá voru úrslitin kunngjörð
og verðlaunin afhent við hátíðlega athöfn.
„Það er ekki laust við að tilfinningarnar hafi borið einstaka keppendur
ofurliði þegar nöfn þeirra voru tilkynnt,“ segir Brynjar, en hans bíður það
verk að skipuleggja næstu hátíð í samstarfi við fagfélögin. „Við ráðgerum
að þetta sé bara byrjunin og ætlum að halda þessu áfram, þannig að nóg er
á döfinni.“ - rve
„Það heyrist á útlendingum úr þessum
geirum í Evrópu og Ameríku að vel
er fylgst með straumum og stefnum
á Íslandi,“ segir Brynjar Ragnarsson,
markaðsstjóri Samtaka iðnaðarins.
FRÉTTABLAÐIÐ/RÓSA
Á köflum máttu gestir vart
mæla af hrifningu þegar
stórbrotin sýningaratriði Rudy
Mostarda birtust hvert á fætur
öðru á hátíðarkvöldinu.
Framtíðarhönnuðir
í fatatísku
landsmanna? Á
myndinni má sjá
þátttakendur í
hönnunarkeppni
nemenda á list- og
verkmenntabraut-
um iðnskólanna.
Hinn þekkti hársnyrtimeistari Joakim
Roos var gestur Ísmóts 2007. Hártísku-
sýning hans vakti mikla athygli og hér
má sjá eitt módelið taka stakkaskipt-
um í meðförum hans á sviðinu.
Útgáfufélag: 365 - prentmiðlar, Skaftahlíð 24, 105 Reykjavík, sími: 512 5000
Ritstjóri: Roald Eyvindsson Ábyrgðarmaður: Hrannar Helgason
Blaðið er unnið í samstarfi við Samtök iðnaðarins.