Fréttablaðið - 23.11.2007, Page 44

23. NÓVEMBER 2007 FÖSTUDAGUR4 ● fréttablaðið ● miðborgin
Nýtt útlit og léttir smáréttir
munu einkenna Kaffibrennsl-
una þegar hún verður opnuð á
ný eftir breytingar.
Kaffibrennslan hefur átt fastan
sess í hugum margra í miðborg-
inni. Útlit staðarins hefur haldist
eins mjög lengi en nú er breytinga
von.
„Við lokum á mánudaginn
næsta og opnum aftur rúmlega
viku síðar í breyttu umhverfi,“
segir Jón Snorrason einn eigenda
veitingastaðarins og lofar glæ-
nýju umhverfi og matseðli. „Stíll-
inn mun breytast töluvert, en við
höldum í gamla barinn,“ segir Jón
en aðrar innréttingar verða end-
urnýjaðar og staðurinn færður til
nútímans eins og Jón orðar það.
Tveir finnskir matreiðslumenn
hafa verið ráðnir á Kaffibrennsl-
una og hafa ásamt Jóni endur-
skipulagt matseðil staðarins. „Við
verðum meira með smárétta-
þema en munum einnig bjóða upp
á aðalrétti og rétti dagsins,“ segir
Jón og hrósar finnsku kokkunum
sínum. „Þetta eru flottir piltar,“
segir hann og hefur fulla trú á að
fólki mun líka breytingin.
- sgi
Brennslan
inn í nútímann
Humarsalat með ensku karríi.
Finnsku kokkarnir Johnny Turtiainen og Kari Julin eru spenntir fyrir nýjum og breytt-
um matseðli. FRÉTTABLAÐIÐ/ANTON
Finnsku kokkarnir, þeir John-
ny Turtiainen og Kari Julin eru
gamlir vinir frá finnska smábæn-
um Karis rétt vestan við Hels-
inki. Réttirnir sem þeir Johnny
og Kari matreiddu fyrir Frétta-
blaðið verða á nýjum og endur-
bættum matseðli Kaffibrennsl-
unnar þegar hún verður opnuð
á ný. Báðar uppskriftirnar eru
fyrir fjóra.
HUMARSALAT MEÐ ENSKU KARRÍI
Humarsalat
400 g humar
75 g smjör
1 dl hrein jógúrt
1 msk. limesafi
1 tsk. rifinn limebörkur
1 msk. dill
salt og pipar.
Steikið humarinn í smjörinu í
heitri pönnu þar til hann er fal-
lega brúnn. Kælið og skerið hum-
arinn og dillið í litla bita. Bland-
ið saman við jógúrtina með lim-
esafanum og berkinum. Kryddið
eftir smekk.
Enskt karrí
1 msk. karrí
Vanillufræ úr hálfum fræbelg
1 msk. sykur
1 dl hvítvín
5 dl rjómi
salt
Hitið pott og steikið karríið í
nokkrar sekúndur. Bætið við
hvítvíni, vanillufræjum og sykri.
Sjóðið niður í 2-3 mínútur. Bætið
við rjóma og haldið áfram að
sjóða niður í 7-12 mínútur eða þar
til sósan er nógu þykk til að loða
við skeið. Saltið eftir smekk.
GEITAOSTARIST MEÐ RAUÐRÓFU
OG FÍKJUSALSA OG VISKÍHUNANGI
Geitaostarist
4 sneiðar samlokubrauð
75 g geitaostur
75 g smjör
Skerið brauðið í það form sem
hver vill. Steikið brauðið snöggt
í smjöri á báðum hliðum. Smyrj-
ið sneiðarnar með geitaosti og
bakið í ofni í 6 til 7 mínútur við
180 gráðu hita.
Rauðrófu og fíkjusalsa
1 rauðrófa
2 fíkjur
2 dl púrtvín
Salt og pipar
1,5 msk. hlynsýróp
Skrælið og skerið niður rauðróf-
una í 1 cm teninga. Setjið tening-
ana í pott og bætið vatni svo fljóti
yfir rauðrófurnar. Sjóðið í 20-30
mínútur, bætið púrtvíni við og
sjóðið áfram í 10 mínútur. Bætið
við fíkjum sem skornar eru í báta
og sjóðið í 3 mínútur. Takið helm-
ing af rauðrófunum og fíkjunum
upp úr og maukið. Bætið við rest-
inni af rauðrófum og fíkjum og
bætið við salti og hlynsýróp eftir
smekk.
Viskíhunang
1 dl viskí
1 dl hunang
Sjóðið niður viskíið þar til einn
þriðji er eftir. Blandið hunang-
inu við.
Gott er að drekka jarðarberja-
freyðivín með þessum réttum.
● Í FYLGD LISTFRÆÐ-
INGS Harpa Þórsdóttir list-
fræðingur verður með leiðsögn
á sunnudaginn um þá sali Lista-
safns Íslands sem sýning á verk-
um Kristjáns Davíðssonar er í,
það eru salir 1, 2 og 4. Sýning-
in var opnuð 2. nóvember og
stendur fram yfir áramót. Þar
gefur að líta afrakstur síðastlið-
inna 17 ára í list Kristjáns, að við-
bættum verkum sem bregða
ljósi á þróun listamannsins í átt
til þeirra stílbrigða sem hann
hefur ræktað frá lokum 9. ára-
tugarins.
Kristján er þekktur fyrir að
láta aldrei beygja sig undir
reglufestu módernismans held-
ur tjá sig óheft og ljóðrænt eins
og andinn blés honum í brjóst.
Harpa byrjar göngutúrinn
um Listasafnið við Fríkirkjuveg
klukkan 14 á sunnudaginn, 25.
nóvember.
Án titils
Geitaostarist með rauðrófu- og fíkju-
salsa og viskíhunangi.