Tíminn - 15.07.1983, Blaðsíða 5

FÖSTUDAGUR 15. JÚLÍ1983
5
fréttir
Aðalfundur Steinullarverksmiðjunnar á Sauðárkróki f gær:
RÆTT ER UM AÐ HEFJfl JARÐ-
VEGSFRAMKVÆMDIR í HflUST
Fjármagni þegar safnað til 30% stofnkostnaðar
■ „Þaö var gerd grcin fyrir stödu mála,
kosin stjórn, reyndar var gamla stjórnin
endurkjörin, og síöan bara hefðbundin
aðalfundarstörf,“ sagði Þorsteinn Þor-
steinsson framkvæmdastjóri Steinullar-
verksmiðjunnar á Sauðárkróki, er Tím-
inn innti hann í gær frétta af aðalfundi
Steinullarfélagsins hf. í fyrrakvöld, og
aðalfundi Steinullarverksmiðjunnar sem
haldinn var á Sauðárkróki í gær.
Formaður stjórnar Steinullarfélagsins
var endurkjörinn, en það er Árni Guð-
mundsson, og aðrir aðalmenn í stjórn
eru þeir Stefán Guðmundsson, alþing-
ismaður, Ólafur Friðriksson, kaupfé-
lagsstjóri, Jón Ásbergsson framkvæmda-
stjóri og Stefán Guðmundsson vélvirki,
og voru allir þessir menn endurkjörnir í
stjórn félagsins. Stjórn félagsins á svo
sæti í stjórn Steinullarverksmiðjunnar
hf. og var aðalfundur hennar haldinn í
gær. Auk stjórnar Steinullarfélagsins hf.
eiga sæti í stjórn verksmiðjunnar tveir
fulltrúar ríkisins, þeir Jafet Ólafsson
deildarstjóri skipaður af iðnaðarráð-
herra og Magnús Pétursson hagsýslu-
stjóri skipaður af fjármálaráðherra.
Þorsteinn sagði að á aðalfundi verk-
smiðjunnar í gær hefði verið ákveðið að
stefna að því að Ijúka samningavið-
ræðum við vélaframleiðendur, sem eru
finnskir og bandarískir. Sagði hann að
samningar væru það vel á veg komnir að
hægt yrði að ljúka þeim í ágústmánuði.
„Það hefur komið til tals,“ sagði
Þorsteinn, „að vera rneð jarðvegsfram-
kvæmdir, fyllingar í lóð og grunna í
haust, til þess að flýta fyrir bygginga-
framkvæmdum næsta vor. Hönnun á
byggingum getur ekki farið í alvöru
í gang, fyrr en það liggur endanlega Ijóst
fyrir hvaða vélar verða teknar. Hún fer
því væntanlega á skrið í september, og
við áætlum að geta boðið út byggingar í
febrúar til mars á næsta ári. Ef þessar
áætlanir standast, þá áætlum við að
verksmiðjan geti tekið til starfa vorið
1985.“
Þorsteinn var spurður um fjár-
mögnun: „Við höfum nú safnað því
fjármagni sem við þurftum að safna, en
það eru um 60 milljónir, sem verða
svona um 30% af stofnkostnaðinum.
70% verða síðan lántökur. Við reiknum
með því að með vélakaupunum fylgi lán
frá viðkomandi landi, sem verður svona
á bilinu 70 til 80 milljónir króna. Þá er
heimild í lögum um Stcinullarverk-
smiðju fyrir ríkið að ábyrgjast hluta af
láni, sem gæti verið í kringum 40 milljón-
ir og síðan er fyrirhugað að sækja um 40
milljón króna lán úr innlendum fjárfest-
ingarlánasjóðum."
- AB
Útburdarmálid
á Akureyri:
FÓGETARÉTTUR
GEFUR LÖGMÖNN
UM VIKUFREST
Kæra komin til
mannréttinda-
nefndar
Evrópurádsins
■ Útburðarbeiðnin í Þingvalla -
strætismálinu var þingfest í gær hjá
bæjarfógetaembættinu á Akureyri.
Málsaðilum var gefinn frestur til 21.
júlí til að skila greinargerðum en þá
verður kveðinn upp úrskurður í
málinu.
Að sögn Sigurðar Eirtkssonar hér-
aðsdómara á Akureyri lét lögmaður
hjónanna í Þingvallastræti bóka mót-
mæli gegn útburðarbeiðninni. For-
sendur mótmælanna voru þær að
samkvæmt 12. grein aðfaralaganna
gæti þess háttar útburður ekki
staðist, og einnig að dómurinn hefði
á sínum tíma ekki verið rétt birtur.
Samkvæmt þessu var veittur viku
frcstur til að ganga frá frekari grcin-
argerð og gerðarbeiðendum um leið
gefið tækifæri til að rökstyðja útburð-
arbeiðnina nánar.
Hjónin í Þingvallastræti hafa sent
kæru til mannréttindanefndar
Evrópu vegna þessa máls en lögmað-
ur þeirra í Belgíu útbjó hana. Að
sögn Ólafs Rafns Jónssonar var kær-
an send út á mánudag og hann
reiknaði með að aðalritari Evrópu-
ráðsins fengi hana í hendur í dag.
Ólafur sagðist vonast til að kæran
yrði tekin fyrir á fundi nefndarinnar
í október í haust og þá tekin afstaða
til þess hvort kæran yrði send Mann-
réttindadómstólnum til úrskurðar.
GHS
Sýning List-
málarafélags-
ins á KjarvalS'
stöðum fram-
lengd til sunnu
dagskvölds
■ Sýning Listmálarafélagsins á
Kjarvalsstöðum hefur verið fram-
lengd til 17. júlí vegna mikillar að-
sóknar. Þessi sýning hefur staðið yfir
frá 16. júní.
Á þessari sýningu eru vcrk eftir 18
þjóðkunna málara, en alls eru 22
félagar í Listmálarafélaginu.
GHS
■ Aðstandendur hins nýja gallerís að Skólavörðustíg 4a. Frá vinstri: Magnús
Tómasson myndlistamaður, Örn Þorsteinsson myndlistamaður, Ófeigur Björnsson
gullsmiður, Hjördís Gissurardóttir gullsmiður, Malín Örlygsdóttir fatahönnuður,
Jónína Gúðnadóttir leirlistamaður og Ragnheiður Jónsdóttir inyndlistamaður.
Tímamynd Árni Sæberg
Nýtt gallerí
opnar vid
Skólavörðustíg
■ í dag tekur til starfa nýtt gall-
erí við Skólavörðustíg 4a. Gallerí
þetta hefur hlotið nafnið Grjót, og
standa að því 7 manns. Þau eru
Hjördís Gissurardóttir gullsmiður,
Jónína Guðnadóttir leirlistamað-
ur. Magnús Tómasson myndlist-
a maður, Malín Örlygsdóttir fata-
hönnuður, Ófeigur Björnsson gull-
smiður, Ragnheiður Jónsdóttir
myndlistamaður og Orn Þorsteins-
son myndlistamaður.
Listamenn þessir munu hafa á
boðstólnum muni sem þeir hafa
sjállir gert og er þar um að ræða
hluti eins og málverk, grafík,
handprjónaðar flíkur, leirmunir
skartgripir o.fl. Galleríið verður
opið alla virka daga frá kl. 12-18.
- ÞB
Samræmdir Eurotékkar
og kort gilda nú
hérlendis nakvæmlega
eins og innlendar ávísanir
Þann 1. júlí síðastliðinn tóku gildi hérlendis svonefndir Eurotékk-
ar, sem erlendir ferðamenn geta gefið út í íslenskum krónum
hérlendis, til greiðslu á viðskiptum og þjónustu.
Eurotékkar gilda nákvæmlega eins og innlendar ávísanir, að
vísu með eftirfarandi takmörkunum:
1. Hver Eurotékki má ekki vera hærri en 3000 - krónur, en taka
má fleiri en einn tékka.
2. Framvísa verður korti við útgáfu Eurotékka á viðskipta-
stað, þannig að viðtakandi tékkans geti borið saman undir-
skrift, nafn, útgáfubanka og reikningsnúmer á korti og tékka.
3. Útgáfudagur Eurotékka verður að vera innan gildistíma
kortsins.
4. Viðtakandi Eurotékka verður að skrifa númer kortsins á
bakhlið Eurotékkans, sem síðan er framvísað í næsta
viðskiptabanka eða sparisjóði eins og venjulegri ávísun.
Frekari upplýsingar um viðskipti með Eurotékkum fást hjá öllum
viðskiptabönkum og sparisjóðum, hjá Kaupmannasamtökunum,
sími 28811, og hjá Sambandi veitinga- og gistihúsa, sími 27410.
EUROTÉKKI og KORT
skulu vera eins og hér er
sýnt
NAFN BANKA
veröa að vera samhljóða
bæði á Eurotékka og korti
NÚMER KORTSINS
skal skrifa á bakhliö
Eurotékkans.
ISK
verður alltaf að vera fyrir framan upphæðina.
HÁMARKSUPPHÆÐ
Isk. 3.000.- hver Eurotékki. Taka má fleiri
en einn tékka.
UNDIRSKRIFT
Eurotékka ber að undirrita í viðurvist
starfsmanns.
GILDISTÍMI
öll kort gilda til 31. des. þess árs, sem getið
er á kortinu. Athugið að kortið sé í gildi.
Samband viðskiptabanka
og sparísjóða