Tíminn - 15.07.1983, Blaðsíða 9

SR. JON EINARSSON — AFMÆLISKVEÐJA
Ágætur vinur minn ogsamferðamaður
sr. Jón Einarsson, prófastur að Saurbæj
á Hvalfjarðarströnd er fimmtugur í dag.
Sr. Jón Einarsson er fæddur 15. júlí
1933 að Langholti í Bæjarsveit, Borgar-
fjarðarsýslu. Foreldrar hans eru hjónin
Einar Sigmundsson, þá bóndi í Lang-
holti og síðar að Kletti og Gróf í
Reykhóltsdal, og Jóney Sigríður Jóns-
dóttir. Eru þau hjón bæði Reykdælingar
að ætt og uppruna, Einar af Hurðarbaks-
ætt, en Jóney af Deildartunguætt.
Sr. Jón stundaði nám í Héraðsskólan-
um í Reykholti og lauk þaðan landsprófi
og gagnfræðaprófi vorið 1953. Stundaði
ýmsa algenga vinnu næstu árin, en hugur
hans stóð til framhaldsnáms. Hann sett-
ist því í Menntaskólann á Akureyri og
lauk þaðan stúdentsprófi vorið 1959.
Hóf síðan nám í guðfræði við Háskóla
íslands og lauk því árið 1966. Á há-
skólaárunum stundaði sr. Jón talsvert
kennslustörf. Var m.a. eitt ár kennari
við Miðskólann í Stykkishólmi og í tvo
vetur stundakennari við Hagaskóla í
Reykjavík.
Frá árinu 1966 hefur sr. Jón verið
sóknarprestur að Saurbæ á Hvalfjarðar-
strönd. Hann var settur prófastur í
Borgarfjarðarprófastsdæmi frá 1. ágúst
1977 til 30. júní 1978 og aftur frá 1.
október 1980. Skipaður prófastur frá 1.
mars 1982.
Sr. Jón er mikilsvirtur kennimaður,
vinsæll meðal sóknarbarna sinna og er
einn af forystumönnum í málefnum
kirkjunnar, hann er skörulegur ræðu-
maður sem eftir er tekið, hefur af-
burðatök á íslenskri tungu í ræðu og riti.
Öll hans embættisverk bera vott um
vandvirkni og öryggi í starfi.
Hallgrímskirkja að Saurbæ er honum
sérstaklega kær. Hann hefur lifandi
áhuga á að halda á lofti minningu og
virðingu sr. Hallgríms Péturssonar. Sr.
Jón átti sæti í Hallgrímsdeild Prestafé-
lags íslands í 12 ár, þar af 10 ár sem
formaður. Hann hefur ávallt starfað
mikið að málefnum kirkjunnar og félags-
málum presta. í stjórn Prestafélags ís-
lands 1974-78 og sat einnig í kjaranefnd
félagsins. Átti einnig sæti í ritnefnd
Kirkjuritsins í fjögur ár og hafði með
höndum framkvæmdastjórn fyrir ritið.
Hann á nú sæti í stjórn Prófastafélags
íslands. Sr. Jón var formaður Starfs-
háttanefndar kirkjunnar 1974-78.
Nefndin samdi og gaf út í fjölrituðu
bókarformi ýtarlegar tillögur um skipan
kirkjumála í landinu, nauðsynlegar laga-
breytingar í þeim efnum o.fl.
Sr. Jón hefur átt sæti í kirkjuþingi frá
1976 og er varamaður í kirkjuráði. Hann
á sæti í fjármálanefnd kirkjunnar og
Lúthersársnefnd, sem gerir tillögur um,
hvernig minnast skuli 500 ára afmælis
Marteins Lúthers á þessu ári.
Sr. Jón er mikill og einlægur félags-
hyggjumaður, það er hans lífsform.
Hann hefur frá æskuárum tekið mikinn
og virkan þátt í félagsmálum, lifandi
áhugi og kraftur hefur einkennt þátttöku
hans í félagsstörfum. Hann hefur komið
víða við á þeim vettvangi. Átti sæti í
stjórn Ungmennafélags Reykdæla 1954-
56. í stjórn Félags frjálslyndra stúdenta
1959-60. Form. Bræðralags, kristilegs
félags stúdenta 1961-62. í stjórn Fél.
guðfræðinema 1961-63, þar af form. í
eitt ár. í stúdentaráði Háskóla íslands
1962-63.
Sr. Jón var einn af stofnendum og
hvatamönnum Félags ungra framsókn-
armanna í Borgarfjarðarsýslu 1957 og
form. félagsins um skeið. Sat á þeim
árum á mörgum SUF þingum. Þá var
hann form. Framsóknarfélags Borgar-
fjarðarsýslu 1969-74. Hefur átt sæti í
miðstjórn Framsóknarflokksins frá
1974, en hafði þá um skeið verið varam-
aður. Hefur sótt flesta miðstjórnarfundi
frá 1970 og ávallt tekið virkan þátt í að
móta stefnu og störf Framsóknarflokks-
ins.
Sr. Jón hefur látið að sér kveða á
vettvangi sveitarstjórnarmála rn.a. í
Samtökum sveitarfélaga á Vesturlandi,
sérstaklega að skólamálum.
Sr. Jón hefur átt sæti í hreppsnefnd
Hvalfjarðarstrandarhrepps frá 1974 og
tók á síðasta ári við oddvitastörfum í
hreppnum, sem hann gegnir nú. Mörg
fleiri störf hefur hann unnið fyrir sveit
sína, m.a. séð um byggingu hins nýja
félagsheimilis scm form. byggingar-
nefndar og rekstur bókasafns sveitarinn-
ar, sem lengstaf hefur verið á hcimili
hans.
Sr. Jón átti um skeið sæti í skólanefnd
Heiðaskóla og fræðsluráði Borgarfjarð-
arsýslu. Hann var formaður fræðsluráðs
Vesturlands síðasta kjörtímabil og hefur
átt sæti í skólanefnd Héraðsskólans í
Reykholti frá 1967. Hann hefur unnið
mikið að málefnunt Sögufélags Borgar-
fjarðar, sem m.a. gefur út Borgfirskar
æviskrár og Æviskrár Akurnesinga. Hef-
ur hann haft með höndum framkvæmda-
stjórn fyrir félagið frá 1977.
Persónuleg kynni okkar sr. Jóns hóf-
ust á sviði stjórnmála. Á flokksþingum
og miðstjórnarfundum Framsóknar-
flokksins vakti sr. Jón almenna athygli
fyrir kraftmiklar, opinskáar ræður, sem
umbúðalaust hitta í mark. - Samskipti
okkar á sviði stjórnmála og sveitastjórn-
armála hafa ávallt verið traust og
ánægjuleg. Lifandi áhugi hans að fylgja
fram góðum málum og opinská skoðana-
skipti eru sérkenni sr. Jóns Einarssonar,
sem gerir eftirsóknarvert að eiga við
hann samskipti og njóta vináttu hans.
Eiginkona sr. Jóns er Hugrún Guð-
jónsdóttir frá Akranesi. Pau eiga fjögur
mannvænleg börn á aldrinum 12-17 ára.
Heimili þeirra að Saurbæ er með
myndarbrag, gestrisni er viðbrugðið.
Þar er maður eins og heima hjá sér -
hlýlegt og glaðlegt viðmót er lífsform
þeirra hjóna beggja.
Við hjónin óskum sr. Jóni innilega til
hamingju með 50 ára afmælið og
þökkum hlýja vináttu og ánægjuleg sam-
skipti á liðnum árum.
Sr. Jón tckur á móti gestum í Félags-
hcimilinu Hlöðum eftir kl. 20 í kvöld.
Alexander Stefánssun.
fréttir
■ Kirkjubygging fyrír Fella- og
Hólasókn er nú orðin fokheld.
Rúmt ár er nú síðan fyrsta skóflu-
stungan var tekin.
Kirkjulegt starf hófst í Fella-
og Hólahverfí árið 1973 er séra
Lárus Halldórsson byrjaði að
messa í Fellaskóla. Árið 1975 var
Fella- og Hólahverfí gert að
sérstökum söfnuði og það ár
kom séra Hreinn Hjartarson til
starfa fyrir söfnuðinn. Sama ár
festi söfnuðurinn kaup á húseign-
inni Keilufelli 1, og var þar
innréttuð kapella. Mun það hafa
verið í fyrsta skipti sem söfnuður
í Reykjavík tekur kapellu í
notkun.
■ Mikið fjölmenni var við fagnaðarhátíð og helgistund sem haldin var í hinni fokheldu kirkjubyggingu Fella- og Hólasóknar.
Tímamynd: Ámi Sæberg
Kirikjubygg
Hólahverfis
fokheld
í upphaflegu skipulagi að hverfinu var
gert ráð fyrir tveim kirkjum í Fella- og
Hólahverfi. Safnaðarnefnd ákvað þó að
skynsamlegra væri að byggja aðeins eina
kirkju fyrir hverfið sem væri þá um leið
stærri og gæti fullnægt öllu því starfi með
góðu móti sem tvær kirkjur gerðu. Lóð
fékkst á góðum stað fyrir miðju hverfinu
og efnt var til samkeppni um teikningu
að kirkjunni. Hlutskarpastir í þeirri
keppni urðu arkitektarnir Gylfi Guð-
jónsson og Ingimundur Sveinsson. Dóm-
nefndin taldi að þeim hefði tekist mjög
vel að tengja saman kirkjuskip, safnað-
arheimili og annað húsnæði er þykir
tilheyra safnaðarstarfi í dag. Þá segir að
byggingin falli mjög vel að landslagi og
aðliggjandi byggð.
Heildarkostnaður við kirkjubygging-
una er nú orðinn kr. 6.177.177. Söfnuður-
inn skuldar nú vegna kirkjubyggingar-
innar kr. 455.000 til verktaka en skuldir
í langtímalánum nema um kr. 1.000.000.
- ÞB
■ Hér em þeir Jón Hannesson formaður byggingamefndar t.v. og séra Hreinn Hjartarson sóknarprestur Fella og
Hólasóknar t.h. fyrir utan hina nýju kirkjubyggingu sem nú er orðin fokheld. Tímamynd: Róbert