Tíminn - 02.02.1988, Page 2

2 Tíminn
Þriðjudagur 2. febrúar 1988
Dæmt í kókaínmálinu um helgina:
II. umferö MORFÍS:
Fjórir skólar
áfram í keppni
Þyngsti dómur sem
unað hefur verið
Pyngsti refsidómur í fíkniefna-
máli, sem hefur verið unað, var
kveðinn upp á laugardag og birtur
á sunnudag í máli ákæruvaldsins
gegn Brasilíumanninum, sem hef-
ur játað að hafa flutt til landsins
nákvæmlega 444 grömm af 95%
hreinu kókaíni. Hann hlaut fjög-
urra ára fangelsisdóm og var gert
að greiða allan sakarkostnað.
Gæsluvarðhaldi mannsins hefði
lokið á miðnætti á sunnudag og því
reið á að dómur væri fallinn áður
en að því kæmi. Rúmlega þriggja
mánaða gæsluvarðhaldsvist hans
kemur til frádráttar dómnum.
Ásgeir Friðjónsson, dómari í
ávana- og fíkniefnadómstólnum,
sagði að ákærði og ákæruvald
hefðu unað dómnum og að væntan-
lega yrði honum ekki áfrýjað.
Lengstu fangelsisdómar á þessu
sviði sem hafa verið kveðnir upp
hér á landi voru vegna smygls á
verulegu magni af LSD og hljóð-
uðu á 5 ár.
Brasilíumaðurinn var ákærður
fyrir að hafa flutt til landsins fyrr-
greint magn af kókaíni, sem lög-
reglan fann í fórum hans 17. októ-
ber í Hveragerði. Hann var ekki
ákærður fyrir að hafa átt efnið og
ætlað að selja það hér á landi eða
haft slíkt í huga, enda ekki viður-
kennt það. Efnið ætlaði hann að
flytja til Bandaríkjanna fyrirannan
aðila, en ekki koma því í verð á
íslandi,að því er frásögn hans sjálfs
hljóðar.
En eftir stóð að hann hafði flutt
mikið magn hættulegra og sterkra
efna inn á íslenskt forráðasvæði að
það varðaði löngum fangelsisdómi
og greiðslum sakarkostnaðar.
Hann mun sitja af sér dóminn í
íslensku fangelsi. þj
Önnur umferð ræðukeppni fram-
haldsskólanna, MORFÍS, fór fram í
síðustu viku. Kepptu lið, sem eftir
voru í keppninni, um réttinn til að
taka þátt í undanúrslitum í næsta
mánuði, en sigurvegarar þar munu
eigast við um MORFÍS-bikarinn í
úrslitum í Háskólabíói.
Átta skólar kepptu að þessu sinni.
Fjölbrautaskólinn á Suðurnesjum
vann Verslunarskóla íslands naum-
lega. MORFÍS-meistararnir frá í
fyrra, lið Fjölbrautaskólans í Garða-
bæ, hafði sigur á liði Menntaskólans
á ísafirði. Menntaskólinn í Reykja-
vík vann Flensborgarskólann og
Menntaskólinn við Sund sigraði
Menntaskólann við Hamrahlíð.
Þj
Kjötsalan um 68 kg. á mann í fyrra:
Kjúklingarnir
missa flugið
Héðinn Steingrímsson teflir við vegfaranda í Kringlunni. Hannes Hlífar Stefánsson fylgist með á næsta borði.
(Tímamynd Gunnar)
Fjársöfnun Tímans og Skáksambandsins:
Höfðinglegir styrkir
til eflingar skákinni
Fjallalambið vann sig verulega
upp vinsældalista kjötmarkaðarins á
síðasta ári með um 36,7 kg. sölu á
hvert mannsbarn í landinu, sem var
um 54% af heildar kjötsölunni. Sal-
an jókst um 12% frá árinu 1986.
Lang mest hlutfallsleg söluaukning
var þá á nautakjöti, eða um 30%,
upp í um 14 kg. á mann. Sala á
alifuglakjöti hrapaðai hins vegar
verulega, eða um 15% (vegna salm-
onellunnar) og var um 6,4 kg. á
mann. Sala svínakjöts jókst um 4%
í rúm 8 kg. á mann, en hrossakjötið
nær stóð í stað, um 2,8 kg. á mann.
Samkvæmt tölum frá Upplýsinga-
þjónustu landbúnaðarins seldust
innanlands samtals um 16.800 tonn
af kjöti á árinu 1987 - sem svarar til
68 kg. á hvern íbúa. Þar af voru um
9.060 tonn af kindakjöti, sem var um
1.080 tonna aukning milli ára, en alls
jókst kjötsalan um tæplega 1.730
tonn.
Miðað við 68 kg. á mann ætti
„vísitölufjölskyldan" okkar að
kaupa mánaðarlega kjöt og unnar
kjötvörur sem svarar til tæplega 21
kílós (af óunnu kjöti) á mánuði. Nú
í janúar er kjötvöruliðurinn í vísi-
tölugrundvellinum um 7.007 krónur,
þannig að „fjölskyldan" verður að fá
kjötið sitt fyrir um 340 kr. kílóið að
meðaltali til að þetta dæmi - annars-
vegar kjötsalan í landinu og hins
vegar útgjöldin í vísitölugrundvellin-
um - gangi upp.
Framangreind 16.800 tonna kjöt-
sala 1987 segir þó ekki alla söguna
um kjötát landans. í þær tölur vantar
allt það kjöt sem bændur tóku heim
- um 375 tonn á síðasta hausti og nær
tífalt meira en 1986 - og allt kjöt af
þeim gripum sem þeir slátruðu
heima — sem áætlað var 450 tonn
haustið 1986 en alls óvíst um magn
s.l. haust. Enn er ótalið kjöt af
villtum fuglum (rjúpum, gæs og
sjófuglum), hreindýrum, hval og
sel, sem enginn veit um heildar-
neyslu á.
Að þessu viðbættu gæti kjötneyslan
jafnvcl farið upp í 72-75 kg. á mann.
Til samanburðar má geta þess að
kjötneysla í Noregi og Svíþjóð er
umm 53-54 kg. á mann, um 59 kg. í
Finnlandi en 84 kíló í Danmörku.
Við íslendingar erum því nær þriðj-
ungi meiri kjötætur en Skandinavar,
en höfum þó ekki roð við Dönum.
- HEI
Osta- og smjörsalan og Samband
íslenskra samvinnufélaga hafa nú
bæst í hóp þeirra fyrirtækja sem
tekið hafa þátt í söfnun Tímans til
styrktar Skáksambandi íslands
vegna einvígis Jóhanns Hjartarsonar
og sagt var frá í laugardagsblaði
Tímans. Til Tímans bárust í gær
höfðinglegir styrkir frá þessum fyrir-
tækjum og auk þess sem einstakling-
ar hafa látið fé af hendi rakna í þessu
átaki til styrktar skákinni.
Skáksambandið var einnig með
fjársöfnun yfir helgina. Tóku hinir
ungu skákmenn okkar þeir Hannes
Hlífar Stefánsson, Þröstur Árnason
og Héðinn Steingrímsson sig til á
laugardag og tefldu við vegfarendur
í Kringlunni. Með því vildu þeir
vekja athygli á söfnuninni og tóku
stjórnarmenn Skáksambandsins við
framlögum vegfarenda í Kringlunni
á meðan drengirnir tefldu.
Viðbrögð fólks í kjölfar fréttar
Tímans í síðustu viku urn að Jóhann
Hjartarson gæti teflt fjárhag Skák-
sambands Islands í tvísýnu með
snilli sinni hafa verið sterk og allir
sammála um að erfiður fjárhagur
skuli ekki hindra framgang íslenskra
skáksnillinga á alþjóðavettvangi.
Mátti sjá forsíðufrétt Tímans um
þetta mál hanga á töflu Skáksam-
bandsins í Kringlunni á meðan teflt
var við vegfarendur.
Þeir aðilar sem áhuga hafa á að
veita skáklistinni lið með fjárfram-
lögum geta haft samband við Tím-
ann í síma 686300 milli klukkan 10
og 17 þessa viku og mun Tíminn
koma fénu á framfæri við Skáksam-
bandið. Einnig er hægt að leggja fé
beint inn á reikning Skáksambands-
ins nr. 12763 hjá Landsbanka
íslands. -HM
Stjórn F.Í.B. um að bensínlækkunin verði að bensínhækkun:
Dulbúin skattlagning
yfirgengileg ósvífni
Stjórn Félags íslenskra bifreiða-
eigenda hefur sent frá sér tilkynn-
ingu vegna fréttar í einum fjölmiðl-
anna, þar sem sagði að „hugmyndir
hafi komið fram hjá stjórnvöldum
að hækka bensíngjald í þeim til-
gangi að standa undir útgjöldum
við endurgreiðslu á uppsöfnuðum
söluskatti."
Segir í tilkynningu F.Í.B. að hér
vilji ríkið taka til sín verðlækkun-
ina sem koma átti til framkvæmda
í lok þessa mánaðar, og ætli að
nota fé þetta til að greiða skuld
sína við tiltekna atvinnugrein.
„Það er furðulegt sjónarmið
stjórnvalda, að erlendar verðlækk-
anir, sem koma neytendum til
góða, megi ekki skila sér í þeirri
miklu álagaöldu, sem nú ríðuryfir.
Félag íslenskra bifreiðaeigenda tel-
ur þessa hugmynd um dulbúna
skattlagningu yfirgengilega ósvífni
og ekki samrýmast gildandi lögum
og mótmælir henni því harðlega,"
segir í tilkynningu félagsins.
Þá mótmælir það einnig eindreg-
ið, að gerðar verði lagabreytingar
til þess að leyfa valdníðslu gegn
skattborgurum og þjóðfélagi í
heild með þeim hætti, sem felst í
ofangreindri hugmynd. -SÓL