Réttur - 01.10.1931, Side 36

228
5-ÁRA ÁÆTLUNIN
[Rjettui*
67000 með minni menntun handa Evrópuhluta Sovjet-
Rússlands, auk þeirra sem mennta þarf handa Síbiríu!
En þar sem öll framleiðslan hefir farið langt fram úr
áætluninni og sérstaklega aukning ríkisbúanna og
samyrkjubúanna, sem lauk viö cLætlvrmna á einu ári,
þá hefir orðið að hraða hinni faglegu menntun enn
miklu meir. í þessu sambandi má benda á hina frægu
ræðu Stalins í júnímánuði í sumar, þar sem hann bend-
ir á leiðirnar til þessa. Um þessa ræðu skrifaði enska
stórblaðið »Evening News«, að með framkvæmd þess-
arar stefnu, muni kommúnisminn slá kapitalismann
rothögg! Undirtektir verkalýðsins í Sovjet-Rússlandi
sanna okkur, að hún verður framkvæmd!
Hin ógurlega aukning framleiðslunnar, eftirspurnar-
innar eftir vísindalega menntuðum sérfræðingum og
hin skipulagsbundna þróun vélamenningarinnar, krefst
auðvitað hraðrar þróunar þjóðfélags- og framleiðslu-
vísindanna. Til þessa skal varið 2,2 miljarða rúbla.
Aldrei nokkurn tíma hafa vísindin fengið slíkan stuðn-
ing frá því opinbera eins og í Sovjet-Rússlandi, og
aldrei hefir þróun þeirra verið eins ör. Þess ber líka
að gæta að í Sovjet-Rússlandi er vísindarannsóknin
skipulögð, en í hinum kapitalistiska heimi vinna vís-
indamennirnir hverjir í sínu lagi, og leyna árangrin-
um sem lengst, auk þess, sem uppfinningar og upp-
götvanir þeirra eru einokaðar með sérréttindum. Mik-
ilvægum uppfinningum er haldið leyndum, eða keypt-
ar til þess að stinga þeim undir stól, því að framleiðsl-
an er orðin þar of mikil — miðað við hina sílækkandi
kaupgetu almennings! Sovjet-Rússland er þvi á sviði
vísindanna þegar farið að fara langt fram úr hinum
fremstu kapitalistisku lönd/um.
En það væri ógerningur að fá allan þennan miljóna-
her faglærðra, verkfræðinga, sérfræðinga og vísinda-
manna úr hópi verkamanna og bænda, ef menning og
menntun allrar alþýðu þróaðist ekki að sama skapi. En