Réttur - 01.01.1975, Síða 24

JAKOBÍNA SIGURÐARDÓTTIR:
BRAST
ÞCR VÆRB?
Brást þér ekki værðin vinur?
Varð þér ekki líkt og stæði
snöggvast eldheit ör í þlóði
íslendings að þáðum kynjum.
Hitar ekki hjartarætur
harmur sár í brjósti þínu:
Moldu vökva böðlar blóði
bróður þíns í Guatamala.
Stór var sökin: Lífs og liðinn
landið sitt hann þóttist eiga,
kvað sér nauð að lúta lögsögn
langfingraðra sníkjukónga.
Börnum sínum brauð og starfa
bestan arf í veröld hugði.
Slíka flónsku fjöri gjalda
frjálsir menn í Guatamala.
Brást þér værðin? Blóði drifin
blasir við þér níðingshöndin,
mútugjörn sé grey til svara,
grimm og hrædd við dáð og mannslund.
Flaðrir þú við fjötra þína
fjöri þrælsins máttu halda,
látirðu ekki brauð þitt bljúgur
böðulsvaldið skipar málum.
Brást þér ekki værðin vinur?
Vestræn menning skipti litum,
virtist máske orðinn einhver
afkeimur að lýðræðinu.
Andartak á öndu stóð hún,
en svo rann það líka niður.
Líta mátti í aðrar áttir.
Allt er víst í lagi þarna.
Finnst þér ekki vel að vita
vopnaskjóli slíkra falin
börnin, framtið þjóðar þinnar?
Þorirðu að líta undan?
Vita skaltu að værðarleiðin
verður löngum feigs manns gata.
Frelsið sjálft á brum í blóði
bróður þíns í Guatamala.
24