Réttur - 01.01.1993, Blaðsíða 59

STEFÁN F. HJARTARSON:
L |L\ ; £ \ \m Einar Olgeirsson og heildarsamtök 1 verkalýðsins
Einar Olgeirsson var umdeildur maður vegna fylgis síns við alþjóðahyggju
kommúnismans. í starfi sínu að verkalýðsmálum var honum ofarlega í huga
skipulag verkalýðshreyfingarinnar. Einar taldi það skipta sköpum um framvindu
þjóðfélagsins að verkamenn væru í skipulögðum samtökum er beittu sér fyrir
kættum kjörum.
Þáttur Einars Olgeirssonar í að um-
skapa Alþýðusamband íslands í það, sem
Það er í dag, er meiri en margur fær séð
við fyrstu sýn. Því mun ég gera grein fyrir
einu stóru kappsmáli Einars sem var að fá
alla verkamenn, alla launþega, í samtök
verkalýðsins án tillits til afstöðu þeirra til
stjórnmála.
Alþýðuflokkurinn og Alþýðusamband-
ið var stofnað 12. mars 1916. Þetta var ári
áður en rússneska byltingin átti eftir að
valda straumhvörfum í hugmyndafræði
°g aðgerðum jafnaðarmanna um gjörvall-
an heim. Þeir sem lögðu grundvöllinn að
Pólitískum og stéttarlegum framförum
Verkalýðsstéttarinnar, töldu brýnt að
heyja baráttuna fyrir auknum réttindum
jafnt á vettvangi löggjafarvaldsins sem
launavinnunar. Um þessa stefnu ríkti
nokkuð víðtækt samkomulag. En fljótt
fór að örla á ágreiningi um afstöðuna til
rússnesku byltingarinnar og þar með af-
stöðunnar til þingræðisleiðarinnar. Einar
Olgeirsson hóf um leið og hann kom að
námi loknu til Akureyrar árið 1924 starf
innan stéttarfélaganna og að vinna að
stofnun jafnaðarmannafélags. Einar varð
fljótt var við hversu ákveðnir sósíaldemó-
kratar á íslandi voru í að eyða öllum áhrif-
um kommúnista innan verkalýðshreyfing-
arinnar. Hann leitaði leiða til að tryggja
áframhaldandi félagsstöðu íslenskra
verkamanna innan samtaka stéttarfélag-
anna; Alþýðusambands íslands. Margir
59