Morgunblaðið - 08.07.2006, Blaðsíða 4

4 LAUGARDAGUR 8. JÚLÍ 2006 MORGUNBLAÐIÐ
FRÉTTIR
www.lyfja.is
- Lifið heil
VIRKAR Á ÖLLUM STIGUM FRUNSUNNAR
- ALDREI OF SEINT!
Vectavir
FÆST ÁN LYFSEÐILS
Vectavir krem er áhrifaríkt lyf til meðferðar á frunsum af völdum Herpes Simplex. Vectavir virkar á öllum
stigum frunsunnar frá sting eða æðasláttar til blöðru. Í Vectavir er virka efnið penciklóvír sem stöðvar
framgang veirunnar. Vectavir er ætlað fullorðnum og börnum eldri en 12 ára. Berið Vectavir á frunsusvæðið
á 2 klst. fresti í 4 daga. Berið á rétt fyrir svefn og um leið og vaknað er. Dæmigert er að frunsa komi fram við
ofreynslu, kvef eða inflúensu eða í mikilli sól (t.d. á skíðum). Ekki á að nota lyfið ef að áður hefur komið fram
ofnæmi fyrir penciklóvír, famciklóvír eða öðrum innihaldsefnum. Með Vectavir grær frunsan hraðar, verkir
minnka og smittími styttist. Vectavir kremið 2 g fæst án lyfseðils. Lesið vel leiðbeiningar sem fylgja lyfinu.
Geymið þar sem börn hvorki ná til né sjá.
ÍS
LE
N
SK
A
AU
G
L†
SI
N
G
AS
TO
FA
N
/S
IA
.I
S
LY
F
33
20
4
06
/2
00
6
Garðatorgi - Grindavík - Keflavík - Lágmúla - Laugavegi - Setbergi - Smáralind - Smáratorgi - Spönginni - Egilsstöðum - Höfn
Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði - Borgarnesi - Grundarfirði
Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi - Hvammstanga - Skagaströnd
Selfossi - Laugarási
FLESTUM íslenskum börnum í
5.–7.bekk grunnskólans líður að öllu
jöfnu vel. Þetta er ein niðurstaða
rannsóknar á líðan nemenda í þessum
aldurshópi sem Rannsóknir & grein-
ing við kennslufræði- og lýðheilsu-
deild Háskólans í Reykjavík gerði á
síðasta ári. Í ljós kom að það að verða
fórnarlamb stríðni eða eineltis er sá
þáttur sem mest áhrif hefur á líðan
barna. Verulega virðist halla á drengi
en þeim leiðist frekar í skólanum en
stúlkum og þeir hafa frekar neikvæð
viðhorf til náms og skóla.
Kannað var hvernig líðan barna á
Íslandi tengist þáttum eins og líkam-
legri hreyfingu, sambandi barna við
foreldra og vini, hjúskaparstöðu for-
eldra, sambandi barna við kennara,
stríðni, einelti og tómstunda- og frí-
stundastarfi. Spurningalistar voru
lagðir fyrir nemendur 5., 6. og 7.
bekkjar og fengust gild svör frá um
88% allra barna á landinu á þessu ald-
ursbili.
Strákum líður að
verr en stelpum
Við mælingu á líðan barnanna var
spurt hvort þau vildu hætta í skól-
anum, hvort þeim liði illa í kennslu-
stundum, frímínútum eða heima.
Svör við þessum spurningum benda
til þess að langflestum börnum á fyrr-
greindum aldri á Íslandi líði alla jafna
vel.
Strákum líður þó verr en stelpum.
Marktækur kynjamunur er einnig á
svörum við öðrum spurningum sem
bendir til þess að strákar eigi í síðra
sambandi við foreldra sína og eigi ögn
minna samband við vini sína en stelp-
ur við sína vini. Einnig séu þeir oftar
gerendur og þolendur stríðni eða ein-
eltis og líki síður vel við kennara sína
og finnist heldur oftar að námið sé of
erfitt. Tæplega þriðjungur drengja
svöruðu að þeim fyndist aldrei eða
næstum aldrei að námið væri
skemmtilegt.
Úrlausnum þátttakenda var skipt í
tvo hópa eftir svörum þeirra við
spurningum um líðan. Þegar svör
þessara tveggja hópa voru skoðuð
kom í ljós að þeim sem leið verr höfðu
síðri samskipti við foreldra sína og
tóku fremur þátt í eða voru fórnar-
lömb stríðni eða eineltis. Enn fremur
þótti þeim námið erfiðara en þeim
sem leið betur. Hins vegar var ekki
mikill munur varðandi tómstundaiðk-
un eða hjúskaparstöðu foreldra.
„Verðum að skilja þennan
kynjamun betur“
Með því að beita fjölbreytugrein-
ingu og halda öðrum breytum en
þeim sem skoðaðar voru stöðugum
mátti sjá hvaða þættir það eru sem
hafa mest áhrif. Í ljós kom að það að
verða fyrir stríðni eða einelti hafði
sterkust tengsl við líðan barna og
voru áhrif þess veruleg og helmingi
sterkari en næstu þættir á eftir sem
reyndust vera að nám væri of erfitt
og samband barns við kennara. Lík-
amleg hreyfing, hjúskaparstaða for-
eldra og tómstundastarf hafði lítil
sem engin tengsl við líðan barna.
Inga Dóra Sigfúsdóttir, forseti
kennslufræði- og lýðheilsudeildar
Háskólans í Reykjavík, og Álfgeir
Logi Kristjánsson, aðjúnkt við sömu
deild, er unnu rannsóknina ásamt
fleirum, segja að niðurstöðurnar
staðfesti það sem áður hafi verið vitað
um eldri skólastig. „Við höfum gert
rannsóknir undanfarin ár á 8., 9. og
10. bekk og þar hefur komið fram að
strákar eru umtalsvert verr settir en
stelpur í skólanum,“ segir Inga Dóra.
Strákum gangi líka almennt verr í
skóla en stelpum en það sjáist bæði á
einkunnum og í Pisa-rannsókninni
þar sem Ísland var eina landið þar
sem fram kom að drengir stóðu sig
verr í stærðfræði en stúlkur. Þau
benda þó á að stelpur komi ekki jafn
vel út þegar almenn líðan er skoðuð,
t.d. hvað varðar þunglyndi, sjálfsmat
og kvíða, en hvað varðar líðan og ár-
angur í skóla komi strákarnir verr út.
„Við verðum að skilja þennan kynja-
mun betur. Við lifum í þekkingar-
þjóðfélagi þar sem spurt er hvernig
manni gengur í skólanum. Það skiptir
ekki máli á hvorn veginn munurinn
er, það er óásættanlegt að annað kyn-
ið komi verr út en hitt,“ segir Inga
Dóra.
Rannsóknir & greining birta niðurstöður um líðan barna
Stríðni og einelti hafa
mest áhrif á líðan barna
Eftir Gunnar Pál Baldvinsson
gunnarpall@mbl.is
 

  


 







   

 
 







 

  
  
!
" #! 
 " $#  %









 





 

  

 
   

 



Sigurðar var gerður, og því ekki hægt
að gera ráð fyrir þeim í samningnum.
„Megininntak launahugtaksins
eins og það hefur verið skilgreint í
vinnurétti er að um sé að ræða endur-
gjald fyrir vinnu í hvaða formi sem er.
Samkvæmt orðanna hljóðan felur
réttur til þess að kaupa hlutafé ekki í
sér annað en rétt sem rétthafinn ræð-
ur hvort hann nýtir sér. Verður rétti
sem þessum á engan hátt jafnað við
endurgjald fyrir vinnuframlag og því
verður hann á engan hátt talinn felast
í útreiknuðum launum samkvæmt
eftirlaunasamningi aðila. Ber því að
sýkna stefnda af öllum kröfum stefn-
anda í máli þessu,“ segir í dómi hér-
aðsdóms.
Dóm héraðsdóms kvað upp Greta
Baldursdóttir héraðsdómari. Grímur
Sigurðsson hdl. flutti málið fyrir hönd
Sigurðar, en Arnar Þór Jónsson hdl.
var verjandi FL Group.
HÉRAÐSDÓMUR Reykjavíkur
sýknaði í gær FL Group af öllum
kröfum Sigurðar Helgasonar, sem
var um langt árabil forstjóri og síðar
stjórnarformaður Flugleiða, sem síð-
ar urðu að FL Group. Allur máls-
kostnaður var felldur niður.
Sigurður krafðist þess að viður-
kennt yrði að kaupréttarsamningur
stjórnenda fyrirtækisins teldist hluti
af útreiknuðum launum þeirra, en
það hefði áhrif á eftirlaunasamning
Sigurðar sem gerður var í janúar
1977. FL Group hafnaði þessum kröf-
um alfarið.
Í dómi héraðsdóms kemur fram að
í eftirlaunasamningi Sigurðar sé ljóst
að eftirlaun hans eigi að nema 77,04%
hærri fjárhæð en meðaltal útreikn-
aðra launa átta tekjuhæstu starfs-
manna FL Group. Þar segir einnig að
kaupréttarsamningar hafi ekki
þekkst þegar eftirlaunasamningur
FL Group sýknað
af öllum kröfum
FJÖLÞJÓÐLEGUR hópur aðstoðaði Ingimar Ísleifs-
son, bónda á Sólvöllum á Rangárvöllum, við að reka fé
sitt á afrétt, en hann var ekki langt frá Keldum þegar
ljósmyndari hitti á hópinn. Sá siður að reka fé á afrétt
er nú að leggjast af og flestir aka nú sauðfénu í afrétt-
inn.
Ingimar naut aðstoðar margra vina og kunningja við
reksturinn í gær. „Við eru ein 16 við þetta núna, þetta
er eiginlega alþjóðlegur rekstur,“ segir Ingimar og
brosir breitt. „Það er með okkur fólk frá Svíþjóð,
Þýskalandi og Danmörku. Það er enginn hörgull á að-
stoðarfólki.“
Hópurinn rak um 300 ær, en allnokkuð var skilið eft-
ir heima. Um tvo og hálfan dag tekur að reka, en ekki
er lengur rekið á næturnar eins og áður tíðkaðist. „Við
rekum inn á Krók sem kallaður er, förum yfir Mark-
arfljót á brú sem er sett upp á vorin en tekin af á haust-
in,“ segir Ingimar.
Morgunblaðið/Sigurður Sigmunds
Fjölþjóðlegur fjárrekstrarhópur
TVEIR Litháar hafa verið úrskurð-
aðir í fjögurra vikna gæsluvarðhald
eftir að tólf kíló af amfetamíni fund-
ust falin í bensíntanki bifreiðar
þeirra við komuna til landsins með
Norrænu á fimmtudagsmorgun.
Málið er það stærsta sem upp hefur
komið við tollskoðun í ferjunni.
Mikill viðbúnaður var fyrir komu
Norrænu, enda ferðin sú stærsta
sem farin hefur verið í sumar, og
naut sýslumaður aðstoðar ríkislög-
reglustjóra, lögreglunnar á Kefla-
víkurflugvelli, tollstjórans í Reykja-
vík og sýslumannsins á Eskifirði.
Óskar Bjartmarz, yfirlögregluþjónn
á Egilsstöðum, vildi lítið tjá sig um
málið þegar eftir því var leitað. Hann
gat ekki gefið upp hvort mennirnir
hefðu áður komið til landsins, hvort
þeir tengdust öðrum Litháum sem
handteknir hafa verið á síðustu miss-
erum fyrir smygl né hvort fleiri
lægju undir grun. Ljóst er að menn-
irnir eiga yfir höfði sér allt að tólf ára
fangelsi verði þeir fundnir sekir um
innflutning á fíkniefnum.
Styrkleiki amfetamínsins hefur
ekki verið rannsakaður en sam-
kvæmt heimildum Morgunblaðsins
er talið að það sé mjög hreint. Sé
gengið út frá því að hægt sé að þynna
efnið með íblöndunarefnum áður en
það fer til neytenda má reikna með
að söluandvirðið nemi allt að 400
milljónum. Gangverðið á einu
grammi af amfetamíni er á milli fjög-
ur og fimm þúsund krónur.
Samskonar mál fyrir ári
Nokkuð hefur borið á því undan-
farin ár að fíkniefnum sé smyglað til
landsins með Norrænu en fyrir rétt
rúmu ári voru tveir Litháar hand-
teknir eftir að fjögur kíló af met-
amfetamíni fundust í bifreið þeirra
við komuna til landsins. Efnunum
hafði verið komið fyrir í leynihólfi. Í
nóvember voru mennirnir dæmdir í
þriggja ára fangelsi í héraðsdómi
Austurlands.
Í júní sl. var pólskur karlmaður
dæmdur í átta mánaða fangelsi fyrir
að reyna smygla þremur kílóum af
hassi og um fimmtíu grömmum af
kókaíni en efnin faldi hann m.a. í
slökkvitækjum í bíl sínum.
Í febrúar sl. var Lithái á fertugs-
aldri handtekinn í Leifsstöð eftir að í
farangri hans fundust tvær áfengis-
flöskur sem reyndust innihalda am-
fetamínvökva. Talið er að hægt hefði
verið að ná rúmlega 13 kílóum af am-
fetamíni úr vökvanum. Hann situr
enn í gæsluvarðhaldi.
Tveir Litháar í gæsluvarðhaldi
12 kíló af amfeta-
míni í bensíntanki
Eftir Andra Karl
andri@mbl.is