Morgunblaðið - 08.07.2006, Blaðsíða 51
MORGUNBLAÐIÐ LAUGARDAGUR 8. JÚLÍ 2006 51
ÞRÍR íslenskir skákmenn sitja
þessa dagana að tafli á Fyrsta
laugardagsmóti í Búdapest í Ung-
verjalandi. Alþjóðlegi meistarinn
Stefán Kristjánsson (2.491) hefur
einu sinni náð áfanga að stór-
meistaratitli á móti af þessu tagi
og tekur nú þátt í stórmeistara-
flokki þar sem meðalstig kepp-
enda eru 2.435 stig en til að ná
áfanganum eftirsótta þarf hann að
fá 8 vinninga af ellefu mögulegum.
Dagur Arngrímsson (2.327) hefur
náð áfanga að alþjóðlegum meist-
aratitli á móti sem þessu en hann
og Guðmundur Kjartansson tefla í
AM-flokki þar sem meðalstig
keppenda eru 2.284 stig. Til að ná
áfanga í flokknum þurfa þeir fé-
lagar að fá 7½ vinning af ellefu
mögulegum. Þess má geta að
hægt er að tryggja sér áfanga að
loknum níu eða tíu umferðum en
fyrir margt löngu gerði FIDE það
mögulegt að áfangi væri kominn í
hús þó að móti væri ekki lokið.
Að loknum sex umferðum blæs
ekki alltof byrlega fyrir þremenn-
ingana til að ná settu marki. Stef-
án tapaði fyrir stigalágum and-
stæðingi í fyrstu umferð og gerði
svo þrjú jafntefli í röð. Hann reif
sig upp úr öldudalnum með tveim
sigrum og er með 3½ vinning af
sex mögulegum og er í 3.–5. sæti
af 12 keppendum en Liem Quang
Le (2.488) frá Víetnam leiðir mót-
ið með 5 vinninga. Dagur hóf
keppni af miklum þrótti og hafði
þrjá vinninga af fjórum mögu-
legum en rétt eins og félagi hans
Guðmundur hefur hann tapað
tveim skákum í röð. Dagur er því
með þrjá vinninga af sex mögu-
legum og er í 5.–7. sæti af tólf
keppendum en Guðmundur hefur
tvo vinninga og er í 10.–11. sæti.
Nái Stefán sér á strik í seinni
helmingi mótsins er ekki útilokað
að hann nái áfanga að stórmeist-
aratitli en til að svo megi verða
þarf allt að ganga upp. Sigurskák
Stefáns í 5. umferð var ágætlega
tefld.
Hvítt: Andras Horvath (2.322)
Svart: Stefán Kristjánsson
(2.491)
1. e4 c5 2. Rf3 e6 3. d4 cxd4 4.
Rxd4 Rc6 5. Rc3 Dc7 6. Be2 a6 7.
0-0 Rf6 8. Kh1 Bb4 9. Rxc6 bxc6
10. Dd4 c5 11. Dd3 Bb7 12. Bf3
De5 13. Bd2
Stefán hefur iðulega teflt
franska vörn en hin síðari misseri
hefur hann einnig beitt Sikileyj-
arvörn. Staða svarts er um margt
ágæt en finna þarf hugvitsamlega
leið til að þróa hana. Stefán er
vandanum vaxinn þegar hann
blæs til sóknar á kóngsvæng.
Sjá stöðumynd 1
13. … h5! 14. Had1 g5
Þegar búið er að segja A verður
að segja B.
15. g3 h4 16. Kg1 c4! 17. De3
Hvítur hefði lent í miklum
vanda hefði hann þegið peðið: 17.
Dxc4 hxg3 18. hxg3 Bc5 19. Kg2
(hin leiðin til að verja g3-peðin
hefði ekki heldur lofað góðu: 19.
Re2 g4 20. Bg2 Dh5 og svartur
nær óstöðvandi sókn) 19. … g4 og
svartur fær unnið tafl þar sem e4-
peð hvíts fellur.
17. … hxg3 18. hxg3 g4 19.
Bg2 Bc5 20. Df4 Bd4 21. Dxe5
Bxe5 22. Hfe1 d6 23. Be3 Ke7 24.
Bd4 Rd7 25. Bf1?
Hvítur hefur haldið í horfinu en
nú fer að halla undan fæti eftir
þessi mistök þar sem svartur
vinnur nú tíma og getur byggt
upp sókn sína hægt og rólega.
Sjá stöðumynd 2
25. … Bxd4! 26. Hxd4 Re5 27.
Bg2 Hh6! 28. He3 Hah8 29. Kf1
f5 30. Hd1
Taflmennska hvíts hefur verið
ráðleysisleg. Svartur hefði mátað
eftir 30. exf5 Bxg2+ 31. Kxg2
Hh1.
30. … Hh2 31. Hd4 H8h6 32.
Re2 Bxe4 33. Bxe4 fxe4 34.
Hdxe4
Svartur hefur nú gjörunnið tafl
og tryggir sér nú sigurinn með því
að þvinga fram skiptamunsvinn-
ing.
Sjá stöðumynd 3
34. … Rf3 35. Hxf3 gxf3 36.
Rg1 Hh1 37. Hf4 Hf6 38. Hxc4
Hf5 39. Hc3 og hvítur gafst upp
um leið.
Hægt er að fylgjast með gangi
mála í Búdapest á www.skak.is
sem og á heimasíðu mótshaldara,
www.firstsaturday.hu/.
Stigalisti FIDE
Alþjóðasamtök skákmanna,
FIDE, birti fyrir skömmu 1. júlí
stigalistann. Nokkrar breytingar
urðu á stigum stigahæstu skák-
manna Íslands þó að röð þeirra
breyttist ekki neitt:
1. Jóhann Hjartarson (2.596),
tapaði 23 stigum, tefldi 10
skákir.
2. Hannes H. Stefánsson (2.569),
tapaði 10 stigum, tefldi 30
skákir.
3. Helgi Ólafsson (2.525), græddi
4 stig, tefldi 8 skákir.
4. Henrik Danielsen (2.517), tap-
aði 3 stigum, tefldi 17 skákir.
5. Jón L. Árnason (2.507), tefldi
enga skák.
6. Stefán Kristjánsson (2.491),
græddi 11 stig, tefldi 29 skák-
ir.
7. Helgi Áss Grétarsson (2.466),
tefldi enga skák.
8. Þröstur Þórhallsson (2.461),
græddi 13 stig, tefldi 17 skák-
ir.
9. Héðinn Steingrímsson (2.449),
græddi 2 stig, tefldi 25 skákir.
10. Arnar E. Gunnarsson (2.432),
tefldi enga skák.
Þetta er í fyrsta skipti í um ára-
tug sem Jóhann Hjartarson hefur
lægri en 2.600 stig en á Ólympíu-
skákmótinu í Tórínó tapaði hann
23 stigum. Hannes Hlífar tapaði
einnig stigum á tímabilinu en
Helgi Ólafsson, Stefán Kristjáns-
son og Þröstur Þórhallsson
styrktu stöðu sína.
Heimsmeistari FIDE, Veselin
Topalov, trónir á toppi stigalistans
með 2.813 stig en það er betri
stigatala en hinn óvirki Garry
Kasparov hefur. Anand hinn ind-
verski féll niður fyrir 2.800 stiga
múrinn en er samt í öðru sæti
með 2.779 stig. Armeninn sterki,
Levon Aronjan, heldur áfram að
bæta sig og er í þriðja sæti með
2.761 stig en öflug endurkoma
Vladimirs Kramniks á Ólympíu-
skákmótinu í Tórínó fleytir honum
í fjórða sætið með 2.743 stig á
meðan landi hans Peter Svidler
gerir sér fimmta sætið að góðu
með 2.742 stig.
Nánari upplýsingar um stiga-
listann er að finna á heimasíðu
FIDE, www.fide.com en einnig er
að finna athyglisverða umfjöllun
um listann á vefslóðinni http://
www.sjonar.hornid.com/.
Prýðilegt gengi
Lenku í Færeyjum
Hjónin Lenka Ptácníková
(2.183) og Omar Salama (2.214)
tóku þátt í lokuðu alþjóðlegu móti
í Suðureyjum í Færeyjum sem
lauk fyrir skömmu. Lenka fékk
meira en helming vinninga þó að
hún væri næststigalægsti kepp-
andinn en frammistaða hennar
samsvaraði 2.336 stigum. Omari
gekk mun verr og samsvaraði
frammistaða hans 2.070 stigum.
Lokastaða mótsins varð annars
þessi:
1. John Arni Nilssen (2.356) 6½
vinning af 9 mögulegum.
2. John Rodgaard (2.344) 6 v.
3.–5. Helgi Dam Ziska (2.306),
Bjorn Brinck-Claussen
(2.359), Simon Bekker-Jensen
(2.393) 5½ v.
6. Lenka Ptácníková (2.183) 5 v.
7. Hans Kristian Simonsen
(2.295) 4½ v.
8. Per Andreasen (2.303) 3 v.
9. Omar Salama (2.214) 2 v.
10. Sjurdur Thorsteinsson (2.067)
1½ v.
Íslendingar að tafli í Búdapest
SKÁK
Búdapest í Ungverjalandi
FYRSTA LAUGARDAGSMÓT
Stefán Kristjánsson reynir að ná SM-áfanga í Búdapest.
Stöðumynd 1 Stöðumynd 2
Stöðumynd 3
1.–11. júlí 2006
HELGI ÁSS GRÉTARSSON
daggi@internet.is
FRÉTTIR
Toyota Corolla XLi til sölu v/
lutninga Árgerð '96, 1300 vél,
ekinn 124 þús. km. Ný tímareim,
smurbók, skoðaður '07, reyklaus,
álfelgur, mp3 spilari, ný sumar-
dekk. Verð: 260 þús. Uppl í síma
868 5549 Jóh
Smáauglýsingar 5691100
Alvöru Chevrolet Impala LS árg
´02 Með þeim flottari og með
öllu. Sími 892 1397.
VW POLO árgerð 1997
Ek. 104.000 þús. sjálfsskiptur. 3ja
dyra. Verð 260 þús. Upplýsingar
í síma 690 1433.
Einnig til sölu Subaru Legacy,
árg. '96. Ek. 230 þús. Nýskoðaður.
5 dyra. Lítur mjög vel út. Uppl. í
Porsche 911 Carrera 3.0
200 hestöfl. Ekinn aðeins 60 þús.
km. Litur: Brons. Ljós leðurinn-
étting. Glæsilegur klassískur
sportbíll. Verð 2.490 þús. Uppl. í
síma 863 8333 og
www.porsche.is/notadir.
TRAUSTUR FJÖLDSKYLDUBÍLL
á 160 þús. '96 árg. VW GOLF Stat-
ion. ek 125 þús km. 5 manna.
sumar- vetradekk. Í góðu ástandi.
Sími 663 3377.
BIRGIR Jónsson, framkvæmdastjóri
Iceland Express, og Ingibjörg Karlsdótt-
ir, formaður ADHD-samtakanna sem
styðja börn og fullorðna sem glíma við
athyglisbrest og ofvirkni, hafa undirritað
samkomulag um að flugfélagið muni á
næstu tólf mánuðum styðja fræðsluátak
um einkenni og afleiðingar ADHD.
Markmið verkefnisins er að vinna að
fræðslu fyrir kennara um kennslu nem-
enda með ADHD, sem er taugaröskun
sem í daglegu tali er kölluð ofvirkni.
Rannsóknir sýna að nálægt 5 af
hundraði barna og unglinga glíma við
þessa röskun sem lýsir sér einkum í óró-
leika, hvatvísi og athyglisbresti og hefur
því oft alvarleg áhrif á daglegt líf, nám
og samskipti við önnur börn eða full-
orðna. Góðu fréttirnar eru þær að til eru
vel þekktar leiðir til að draga úr ein-
kennum ADHD og þar með auka lífs-
gæði barnanna. Þar fara í raun saman
hagsmunir allra barna og unglinga,
hvort sem þau eru með ADHD og skyld-
ar raskanir eða ekki, því ljóst er að allt
sem fram fer í skólastofunni hefur áhrif
á öll börnin í bekknum.
Iceland Express mun leggja ADHD-
samtökunum lið með margvíslegum
hætti, til dæmis með því að standa fyrir
skipulegri klink-söfnum meðal farþega.
Verður stuðningur farþega Iceland Ex-
press nýttur til að útbúa greinargott
fræðsluefni fyrir kennara um nám barna
sem glíma við ADHD en samkvæmt
könnunum eru ofvirk börn stærsti
streituvaldurinn í starfi grunnskólakenn-
ara. Einnig er stefnt að því að halda sér-
stök námskeið fyrir kennara um þetta
efni. Þá mun Iceland Express einnig
veita ferðastyrki sem munu auðvelda
samtökunum að taka þátt í alþjóðlegri
samvinnu.
Ingibjörg Karlsdóttir, formaður
AHDH-samtakanna, segir að stuðningur
Iceland Express gefi fræðsluátaki sam-
takanna byr undir báða vængi. Hlutirnir
séu komnir á hreyfingu.
Iceland Express vinnur
með samtökum ADHD
NORRÆNA félagið á Íslandi hefur
fengið styrk frá Nordplus Voksen-
áætlun Norrænu ráðherranefndar-
innar. Nordplus Voksen styrkir nor-
rænt samstarf á sviði fullorðins-
fræðslu og símenntunar og er
framlagi til Norræna félagsins ætlað
að styrkja fimmtíu einstaklinga til
náms í lýðháskólum á öllum Norð-
urlöndunum skólaárið 2006–2007.
Á Norðurlöndum nema Íslandi
eru lýðháskólar. Í boði er fjölbreytt
nám og þroskandi námsumhverfi.
Lýðháskólanám er fyrir alla. Um-
sóknarfrestur um styrk frá Norræna
félaginu vegna haustmisseris 2006
og heilsársnámskeiða 2006–2007 er
til 15. júlí nk. Eyðublöð fást hjá Nor-
ræna félaginu, Norrænu upplýsinga-
skrifstofunni á Akureyri og á vefnum
á slóðinni www.norden.is. Nánari
upplýsingar eru veittar á skrifstofu
Norræna félagsins í síma 5510165,
netfang hallo@norden.is.
Veita styrk
til náms í
lýðháskólum