Morgunblaðið - 08.07.2006, Blaðsíða 19
MORGUNBLAÐIÐ LAUGARDAGUR 8. JÚLÍ 2006 19
VIÐSKIPTI/ATHAFNALÍF
20% afsláttur af öllum vörum í dag
Opnum nýja
og glæsilega
verslun á
Laugavegi 82
í dag!
Laugavegi 82-101-Reykjavík-Sími: 551 4473
Afgreiðslutími
verslunar
9 - 18 virka daga
10 - 16 laugardaga
Ný og spennandi
VORUM HÉR NÝ BÚÐ
Laugavegur 82
Sn
o
rr
ab
ra
u
t
HverfisgataHverfisgata
Laugavegur 4
Skólavörðustígur
Njálsgata
Fr
ak
ka
st
íg
u
r
Grettisgata
B
ar
ó
n
ss
tí
g
u
r
VERÐ á hráolíu náði hámarki á al-
þjóðlegum olíumörkuðum í gær. Í
New York fór verð á hráolíu til af-
hendingar í ágúst í 75,78 Banda-
ríkjadali tunnan. Í London fór verð á
Brent Norðursjávarolíu til afhend-
ingar í ágúst í 75,09 Bandaríkjadali
tunnan. Verðið nú jafnast þó ekki
enn á við það, sem sást eftir íslömsku
byltinguna í Íran 1979, en þá svaraði
verðið til 85 Bandaríkjadala miðað
við verðbólguleiðréttingu.
Í frétt á vef Financial Times segir
að sérfræðingar telji hækkunina
stafa af tveimur þáttum; annars veg-
ar sé hún tilkomin vegna aukinnar
spennu í samskiptum Írans og Norð-
ur-Kóreu við aðrar þjóðir heims og
hins vegar megi rekja hækkunina til
þess að sumarleyfistíminn sé hafinn í
Bandaríkjunum en þá eykst eftir-
spurn eftir bensíni umtalsvert.
Í Bandaríkjunum hefur eftirspurn
eftir bensíni aukist um 1,4% á síð-
ustu fjórum vikum þegar miðað er
við síðasta ár, að því er fram kemur í
nýrri skýrslu Bandaríkjastjórnar
sem gefin var út á fimmtudaginn,
samkvæmt frétt FT.
Haft er eftir sérfræðingum í frétt
FT að líklegt sé að Seðlabanki
Bandaríkjanna, sem og aðrir seðla-
bankar á heimsvísu, muni koma til
með að hækka stýrivexti á næstunni,
sérstaklega þar sem ekki verði séð
fram á að olíuverð muni fara lækk-
andi í bráð en hækkandi olíuverð
veldur auknum verðbólguþrýstingi.
Þá er haft eftir Robert Laughlin,
miðlara orkugjafa í London, að talað
sé um að olíuverð muni fara í 80
Bandaríkjadali tunnan.
„Í sannleika sagt þá lítur út fyrir
að það verði fyrr en seinna, sérstak-
lega ef stór fellibylur gengur yfir
Mexíkóflóa á næstu tveimur mánuð-
um,“ segir Laughlin í samtali við FT.
Í byrjun ársins 2005 var tunnan af
hráolíu seld á um 40 dali en verðið
var í kringum 20 dalir í ársbyrjun
2002.
Olíuverð aldrei hærra
Hámark Mikið var um að vera á olíumörkuðum í gær þegar olíuverð náði
hámarki. Myndin er frá New York Mercantile Exchange.
Á AÐALFUNDI
Eddu útgáfu hf. í
vikunni skrifuðu
stærstu hluthafar
félagsins sig fyrir
555 milljóna
króna hlutafjár-
aukningu. Í
fréttatilkynningu
segir að félagið
hafi um árabil átt
við erfiðan rekst-
ur að etja en verulega hafi þó miðað í
rétta átt á síðustu árum. Til þess að
treysta fjárhagslegan grunn félags-
ins í núverandi rekstrarumhverfi
töldu hluthafar rétt að endurskipu-
leggja allan fjárhag félagsins með því
að auka hlutafé þess.
Þá hefur Páll Bragi Kristjónsson,
forstjóri Eddu útgáfu, hefur ákveðið
að láta af störfum. Páll Bragi hefur
verið forstjóri félagsins undanfarin
þrjú ár og var þar áður starfandi
stjórnarformaður í eitt ár. Hann mun
áfram vinna á vegum Ólafsfells ehf.,
félags í eigu Björgólfs Guðmundsson-
ar, kjölfestufjárfestis í Eddu útgáfu.
Páll Bragi mun gegna störfum for-
stjóra Eddu þar til stjórn félagsins
hefur ráðið eftirmann hans.
„Umsnúningur fyrirtækisins und-
anfarin ár hefur reynst gríðarlega
erfitt verkefni og honum hefur fylgt
mikið álag,“ segir Páll Bragi. „Við
höfum þurft að selja óarðbærar
rekstrareiningar og neyðst til að
segja upp fólki og það er lýjandi til
lengdar. Nú hefur hins vegar tekist
að snúa við rekstrinum, og með hluta-
fjáraukningunni er eiginfjárstaða
Eddu útgáfu orðin ásættanleg og
framtíðarhorfur góðar. Ég get því
með góðri samvisku látið stjórn fyr-
irtækisins öðrum eftir,“ segir Páll
Bragi.
Hlutafjár-
aukning
hjá Eddu
Páll Bragi
Kristjónsson
ENGLANDSBANKI ákvað á fundi
sínum í fyrradag að halda stýrivöxt-
um sínum óbreyttum í 4,5% en þetta
er ellefti mánuðurinn í röð sem vext-
irnir haldast óbreyttir. Niðurstaðan
var í takt við væntingar samkvæmt
könnun Bloomberg. Hagvöxtur var
2,3% í Bretlandi á fyrsta ársfjórð-
ungi þess árs en verðbólga mældist
2,2% í maí og hefur hún verið innan
þolmarka verðbólgumarkmiðs Eng-
landsbanka að undanförnu.
Í Morgunkorni Glitnis segir að
efast sé um að bankinn hækki vexti
sína frekar eins og staða mála sé í
dag. Fólgnir framvirkir vextir gefi
þó til kynna minniháttar vaxtahækk-
un á næstu mánuðum. Þá segir að
vextir hafi hækkað í helstu viðskipta-
löndum Íslands að undanförnu
vegna verðbólguhættu og að fólgnir
vextir á markaði gefi almennt til
kynna væntingar um frekari vaxta-
hækkanir á næstu misserum.
Vextir
óbreyttir í
Englandi
♦♦♦