Morgunblaðið - 05.01.2007, Blaðsíða 4

4 FÖSTUDAGUR 5. JANÚAR 2007 MORGUNBLAÐIÐ
FRÉTTIR
ÞRÍR unglingspiltar á aldrinum 16–17 ára
gáfu sig fram við lögregluna á miðvikudags-
kvöld vegna hinnar alvarlegu líkamsárásar
við Garðastræti á nýársnótt, þar sem tveimur
mönnum var misþyrmt, þar af öðrum svo al-
varlega að hann höfuðkúpubrotnaði. Eftir-
grennslan lögreglu bar árangur þegar hún
lýsti eftir árásarmönnunum með því að birta
myndir sem náðust af piltunum við vettvang-
inn. Myndirnar voru fengnar úr eftirlitskerfi
kínverska sendiráðsins í Garðastræti. Þegar
þeir gáfu sig fram voru þeir yfirheyrðir og
sögðust við yfirheyrslur hafa rekist utan í
mennina á gangi og í kjölfarið hefði komið til
átaka sem enduðu með fyrrgreindum hætti.
Vegna ungs aldurs þeirra verður barnavernd-
aryfirvöldum tilkynnt um málið en piltarnir
hafa þó ekki komið við sögu lögreglu áður.
Foreldrarnir þrýstu á piltana
Lögreglan segir ljóst að foreldrar piltanna
hafi þrýst á að þeir gæfu sig fram við lög-
reglu.
Að sögn Sigurbjörns Víðis Eggertssonar
aðstoðaryfirlögregluþjóns hefur málið nú ver-
ið upplýst og játningar liggja fyrir. Málið er
rannsakað sem brot á hegningarlögum en það
verður í höndum ákæruvalds að taka ákvörð-
un um saksókn og þá um leið hvort ákært
verði fyrir meiriháttar líkamsárás sem varðar
allt að 16 ára fangelsi eða minniháttar líkams-
árás skv. 1. mgr. 218. gr. hegningarlaga sem
kveður á um allt að 3 ára fangelsi.
Að sögn Sigurbjörns Víðis skiptu eftirlits-
myndavélar lögreglunnar miklu máli við rann-
sóknina og reynslan hafi sýnt að miklu varði
fyrir rannsókn málsins að hafa aðgang að
myndavélunum og þyrfti að fjölga þeim.
Piltunum var sleppt að loknum yfir-
heyrslum og taldi lögreglan ekki tilefni til að
leggja fram gæsluvarðhaldskröfu þar sem
málið er upplýst og játað.
Sögðust hafa rekist utan í menn-
ina og átök byrjað í kjölfarið
Þrír piltar gáfu sig fram við lögreglu eftir alvarlega líkamsárás í Garðastræti
VERKAMENN eru um þessar mundir í óðaönn við að leggja lokahönd á
nýja sundlaug við Íþróttamiðstöðina í Lækjarhlíð í Mosfellsbæ og ljóst
er að margir bíða spenntir eftir opnunardegi enda leiktækin mörg hver
glæsileg, s.s. rennibrautir fyrir yngstu kynslóðina. Íþróttamiðstöðin er
mikil lyftistöng fyrir bæjarfélagið en sl. haust var innilaugin opnuð og
geta nemendur í Lágafellsskóla nú gengið í skólasundið.
Morgunblaðið/Sverrir
Leggja lokahönd á nýja sundlaug í Lækjarhlíð
Eftir Hjálmar Jónsson
hjalmar@mbl.is
VIÐMIÐUNARTEKJUR vegna
lækkunar fasteignaskatts og hol-
ræsagjalds elli- og örorkulífeyris-
þega í Reykjavík hækka um 20% frá
því sem var á síðasta ári. Það þýðir
að einstaklingur sem var með tekjur
undir tæplega 1,9 milljónum króna á
síðasta ári fær fulla niðurfellingu á
gjöldunum af eigin íbúðarhúsnæði
og sama gildir um hjón sem voru
með lægri tekjur en 2,6 milljónir
króna.
Samkvæmt upplýsingum frá
Reykjavíkurborg er gert ráð fyrir að
rúmlega 500 fleiri njóti afsláttarins í
ár en áður vegna hækkunar á tekju-
viðmiðinu og að alls njóti 4.700 elli-
og örorkulífeyrisþegar í Reykjavík
einhverrar lækkunar á fasteigna-
sköttum og holræsagjaldi á árinu
2007. Venjulega hafi tekjuviðmiðið
verið hækkað í samræmi við hækkun
á lífeyrisgreiðslum. Gert sé ráð fyrir
6% hækkun þeirra samkvæmt áætl-
un Tryggingastofnunar ríkisins en
hækkun á tekjuviðmiðinu um 20%
geri það að verkum að fleiri njóti af-
sláttarins en áður.
Samkvæmt ákvörðun borgarráðs
fá einstaklingar með tekjur á bilinu
1.870 þúsund til 2.150 þúsund 80%
lækkun á sínum gjöldum og sama
gildir um hjón með 2.620 þús. til
2.930 þúsund krónur í tekjur.
Engin lækkun ef tekjur eru
meiri en 2,5 milljónir
Einstaklingar með 2.150 þúsund í
tekjur og allt að 2,5 milljónum króna
fá síðan 50% lækkun á sínum gjöld-
um og sama gildir um hjón með 2.930
þúsund í tekjur og að 3.490 þúsund
krónum. Þau fá einnig 50% lækkun á
sínum gjöldum. Þeir sem eru hins
vegar með tekjur umfram ofan-
greind mörk fá ekki lækkun á fast-
eignagjöldum sínum á árinu 2007.
Allt að 500 fleiri njóta afsláttar á fasteignasköttum og holræsagjaldi en áður
20% hækkun viðmiðs vegna
fasteignaskattalækkunar




 
 



    

 
 



     

! "#"
"#"  $" "
$" "  $" "
%&






! $"'$"
$"'$"  $"()"
$"()"  )"*("

     
KARLMAÐUR á fertugsaldri liggur alvar-
lega slasaður á gjörgæsludeild Landspít-
ala – háskólasjúkrahúss í Fossvogi eftir
bílveltu sem varð á Kjósarskarðsvegi rétt
fyrir klukkan tvö í gærdag. Maðurinn sem
er rússneskur ferðamaður var ásamt fjór-
um öðrum á ferð um Hvalfjörð þegar slys-
ið varð en hann var farþegi í aftursæti
bílaleigubíls þeirra.
Talið er að ökumaður hafi misst stjórn á
bifreiðinni í mikilli hálku með þeim afleið-
ingum að bílinn hafnaði utan vegar og
valt. Slysið átt sér stað rétt norðan við bæ-
inn Fellsenda. Enginn hinna fjögurra slas-
aðist mikið og samkvæmt upplýsingum frá
lögreglunni á höfuðborgarsvæðinu voru
allir í bílbeltum.
Þrjár sjúkrabifreiðar voru sendar á
vettvang ásamt tækjabíl Slökkviliðs höf-
uðborgarsvæðisins en ekki reyndist þörf á
að beita klippum til að ná mönnunum út.
Að sögn læknis á gjörgæsludeild LSH er
maðurinn með innvortis meiðsli en með
meðvitund og ekki í öndunarvél.
Alvarlega slas-
aður eftir bílveltu
RANNSÓKNARNEFND flugslysa hefur
tekið til rannsóknar flugatvikið sem
henti farþegavél Icelandair á leið til Par-
ísar 2. janúar. Vélin lenti í mikilli ókyrrð
yfir Bretlandi með þeim afleiðingum að
lausir hlutir, matarvagnar og fleira
þeyttist um farrrýmið og þrír úr áhöfn
vélarinnar hlutu minni háttar meiðsli.
Atvikið er flokkað sem alvarlegt flug-
atvik að mati RNF, þótt ekki sé vitað
með vissu hversu alvarlegt atvikið var
en frumrannsókn og gagnaöflun er haf-
in.
RNF setti sig strax í samband við
frönsk flugyfirvöld sem tóku þá ákvörð-
un að rannsaka ekki málið en vildu færa
rannsóknarforræðið til Íslands. Sam-
kvæmt alþjóðlegum flugmálasáttmála er
gert ráð fyrir því að ef viðkomandi ríki
þar sem flugatvik á sér stað ákveður að
rannsaka ekki málið, færist rannsókn-
arforræðið til þess ríkis þar sem flugvél
er skráð, í þessu tilviki Íslands.
RNF rannsakar
alvarlegt flugatvik
yfir Bretlandi
KARLMAÐUR sem leitað var að í fyrri-
nótt og í gærmorgun kom í leitirnar í gær-
morgun heill á húfi. Leit hófst að mann-
inum í Hafnarfirði á fimmta tímanum í
fyrrinótt. Um 100 björgunarsveitarmenn
frá sjö björgunarsveitum tóku þátt í leit-
inni auk sérþjálfaðra spor- og leitarhunda.
Þyrla Landhelgisgæslunnar tók einnig
þátt í leitinni.
Að sögn lögreglunnar á höfuðborg-
arsvæðinu (LRH) fannst maðurinn í
heimahúsi í Hafnarfirði og amaði ekkert
að honum. Tilkynning um að hans væri
saknað var á þá leið að hann hefði verið á
heimleið frá Hvaleyrarvatni eftir að hann
hafði verið að viðra hunda sína en síðan
heyrðist ekki meira frá honum. Því var
sett af stað umfangsmikil leit en síðar kom
í ljós að hann hafði farið í heimsóknina.
Var í heimahúsi á
meðan leit fór fram
FLUG Britsh Airways frá Keflavík til Gat-
wick-flugvallar í Englandi tafðist í nokkra
klukkutíma vegna vélarbilunar í gær.
Flugið var á áætlun 12.20 í gær en ekki
var farið í loftið fyrr en 21.20 í gærkveldi.
Málavextir eru þeir að þegar vél British
Airways kom hingað til lands um hádeg-
isbil í gær kom í ljós að hliðarrúða í stjórn-
klefa hjá flugstjóra var brotin og reyndist
nauðsynlegt að skipta um hana. Var þegar
fengin önnur vél frá Glasgow hingað til
lands til að sinna áætlunarfluginu héðan
og kom hún jafnframt með nýja hlið-
arrúðu í vélina sem hér er. Verður skipt
um hana í framhaldinu.
British Airways flýgur hingað til lands
fjórum sinnum í viku á fimmtudögum,
föstudögum, sunnudögum og mánudög-
um. Boeing 737-400-vélar sinna áætl-
unarfluginu og geta þær flutt tæplega 150
farþega.
Níu tíma töf
á flugi BA