Morgunblaðið - 05.01.2007, Blaðsíða 14

14 FÖSTUDAGUR 5. JANÚAR 2007 MORGUNBLAÐIÐ
FRÉTTIR
Eftir Rúnar Pálmason
runarp@mbl.is
FIMM eru ákærðir fyrir þátt sinn í
smygltilrauninni, þó ekki sá eða þeir
sem útveguðu fíkniefnin, þar sem
ekki náðist til þeirra. Við aðalmeðferð
málsins fyrir Héraðsdómi Reykjavík-
ur í gær neituðu kona og karlmaður,
sem vita um hverja er að ræða, að
greina frá nöfnum þeirra og sögðust
óttast hefndaraðgerðir. Kvaðst konan
óttast um líf sitt.
Styrkur kókaínsins sem lagt var
hald á í málinu var gríðarlegur, um
93% af hreinu kókaínklóríði.
Sú sem er ákærð fyrir þyngstu
sakirnar, 33 ára gömul kona, sagði í
gær að vegna skuldar sem fyrrver-
andi sambýlismaður hennar hefði
stofnað til við fíkniefnasala hefði hún
verið beitt alvarlegum hótunum um
að henni og börnum hennar tveimur,
2 og 8 ára, yrði unninn skaði, ef hún
ekki útvegaði burðardýr til að sækja
fíkniefni til Spánar. Hún kvaðst einn-
ig ítrekað hafa orðið fyrir ofbeldi af
hálfu þessara aðila, í hana hefði verið
sparkað, hún lamin og henni hent til
og frá. Hún hefði neitað að gerast
sjálf burðardýr en ekki séð annan
kost en að fallast á að útvega annan í
sinn stað. Eftir að hún hefði verið
handtekin og sett í gæsluvarðhald,
sem varir enn, hefði verið brotist inn í
íbúð hennar á 2. hæð í fjölbýlishúsi og
íbúðinni „rústað“. Þetta hefðu verið
skilaboð um að hún væri hvergi óhult.
Fram kom hjá konunni að hún hóf
fíkniefnaneyslu 25 ára gömul í kjölfar
þess að hún hóf sambúð með manni
sem var fíkill og höndlaði með fíkni-
efni. Fram að því hafði líf hennar ver-
ið á réttri leið og hafði hún m.a. lokið
tveimur árum í viðskiptafræði. Eftir
að sambýlismaður hennar svipti sig
lífi fyrir rúmlega 1½ ári, meðan hann
sat í fangelsi á Litla-Hrauni, sagðist
hún hafa verið edrú um tíma en síðan
fallið á nýjan leik.
Sagði lögreglu ekki frá ofbeldi
Ríkissaksóknari telur þátt kon-
unnar í afbrotinu alvarlegastan og
taldi Sigríður Elsa Kjartansdóttir
saksóknari að hæfileg refsing væri
4–5 ára fangelsisvist. Sigríður Elsa
benti m.a. á það í ræðu sinni að konan
hefði ekki greint frá því að hafa verið
beitt ofbeldi þegar hún var yfirheyrð
af lögreglu og að ekki lægi fyrir að sú
hefði verið raunin. Hún hefði tekið
þátt í að leggja á ráðin um smyglið,
átt marga fundi þar sem skipulagið
var rætt og útvegað hluta farareyris.
Hæfileg refsing annarra í málinu
væri 3–4 ár.
Allir sakborningar sæta ákæru fyr-
ir stórfellt fíkniefnabrot, framið í
ágóðaskyni.
Vinur konunnar, og einn ákærðra,
greindi frá því að hann hefði rætt við
kunningja sinn um að útvega burð-
ardýr, en honum hafði hann kynnst
þegar þeir unnu við dyravörslu á
skemmtistaðnum Dillon. Sá hafði
samband við 18 ára stúlku, fíkniefna-
neytanda, sem féllst á að taka að sér
að flytja inn fíkniefnin að hans beiðni
og gegn því að fá greiddar 500.000
krónur. Úr varð að þau fóru saman til
Benidorm á Spáni og þar hittu þau
fimmta manninn sem ákærður er í
málinu. Afhenti hann þeim tösku sem
innihélt fíkniefnin en þeim hafði verið
komið fyrir í fóðri töskunnar. Það
gekk raunar brösuglega að koma
þessum fundi á og var sá sem fór utan
með burðardýrinu í sambandi við
konuna, sem sökuð er um alvarleg-
ustu brotin, með SMS-skeytum og í
gegnum MSN-spjallrásina, til að fá
leiðbeiningar en konan kvaðst hafa
fengið þær hjá aðila sem hún nafn-
greindi ekki.
Fram kom að maðurinn sem af-
henti töskuna á Benidorm hafði farið
til Spánar í júní í sama tilgangi en sú
tilraun misheppnaðist þar sem hann
fór á mis við þann sem átti að taka við
töskunni með fíkniefnunum. Fyrir
dómi kvaðst hann hafa tekið verkið að
sér vegna ótta við fíkniefnasala sem
hann skuldaði 70.000 krónur. Sömu
aðilar hefðu áður tekið hann fyrir
vegna skuldar, barið hann, pyntað og
brennt. Því hefði honum verið nauð-
ugur einn kostur að fara utan og
sagðist hann reyndar hafa þurft að
greiða fyrir báðar utanferðirnar sjálf-
ur, um 300.000–400.000 krónur.
Fíkniefnin fundust síðan við tollleit
á Keflavíkurflugvelli 9. ágúst og að
sögn tollvarðar var það rifinn saumur
í fóðri töskunnar sem vakti grun-
semdir um að eitthvað væri at-
hugavert.
Jón Egilsson hdl., verjandi kon-
unnar, sagði að hún væri klárlega að-
eins milliliður, hennar eina verk hefði
verið að hafa milligöngu um að út-
vega burðardýr og hún hefði í þokka-
bót verið þvinguð til þátttöku í mál-
inu. Þeir sem það hefðu gert vissu að
hún, forfallinn fíkniefnaneytandi,
myndi aldrei leita á náðir lögreglu.
Hann benti m.a. á að konan hefði
hvergi komið nærri málinu fyrr en í
júlí en sýnt hefði verið fram á að
fíkniefnin hefðu verið keypt og komin
í töskuna í byrjun júní, þegar fyrri
smygltilraunin var gerð. Hún væri
ekki efst í valdapýramídanum, heldur
neðst, „fíkill sem skipti engu máli“, og
eina umbun hennar væri að hætt yrði
að beita hana ofbeldi. Krafðist hann
sýknu eða vægustu refsingar sem lög
leyfa.
Rifinn saumur í tösku kom upp um
smygl á 2 kílóum af rótsterku kókaíni
Rifinn saumur í tösku
sem 18 ára gömul
stúlka kom með til
landsins frá Spáni varð
til þess að upp komst
um tilraun til smygls á
2 kg af kókaíni.
Morgunblaðið/Þorkell
Ákærð Fimm manns sæta ákæru fyrir þátt sinn í innflutningi á tveimur kílóum af kókaíni til landsins. Við aðal-
meðferð málsins fyrir Héraðsdómi Reykjavíkur kom fram að styrkleiki er óvenjumikill eða um 93%.
ÚR VERINU
FJARÐANET hefur hannað nýtt
botntroll sem er um margt bylting-
arkennt og er að stofni til allt öðruvísi
en þau botntroll sem hafa verið á
markaðnum fram að þessu. Unnið
hefur verið að þróun trollsins á annað
ár þar sem gerðar hafa verið tilraunir
með trollið í tilraunatanki, eins hefur
það verið skoðað með neðansjávar-
myndavél við raunverulegar aðstæð-
ur á hafrannsóknarskipinu Árna
Friðrikssyni. Trollið kom mjög vel út
í prófunum og hefur verið í notkun af
íslenskum skipum síðan í vor.
Í notkun í tveimur skipum
Að sögn Hermanns Guðmundsson-
ar markaðsstjóra Fjarðanets vildu
menn fara rólega af stað og hefur
trollið verið í notkun á tveimur skip-
um fram að þessu. Það er skemmst
frá því að segja að reynslan hefur ver-
ið góð og skipstjórnendur hafa gefið
því mjög góða einkunn. Hermann
segir það mat manna að þeir fiski
meira í þetta nýja troll en hefðbundið
troll af svipaðari stærð, einnig er það
léttara í drætti, sem er mikilvægt
þegar olíuverð er jafnhátt og það er í
dag. Trollið hefur vakið áhuga út-
gerða og skipstjórnarmanna og í dag
liggja fyrir fleiri pantanir sem af-
greiddar verða á næstunni.
„Það sem er spennandi í þessu ferli
og í raun einstakt er notkun neðan-
sjávarmyndavélar Hafrannsókna-
stofnunar. Trollið var hannað, prófað
í tilraunatanki og síðan myndað í
fullri stærð við raunverulegar að-
stæður og skipstjórar sem kaupa
trollið fá með því afhentan disk með
vídeómynd af trollinu við raunveru-
legar aðstæður í sjónum. Þetta sýnir
hvað nýja neðansjávarmyndavélin
hjá Hafrannsóknarstofnun er mikil-
væg fyrir þróun og hönnun á veið-
arfærum. Fjarðanet telur mikilvægt
að unnið sé að nýjungum og leggur
áherslu á þróun nýrra og betri veið-
arfæra í samvinnu við Hampiðjuna og
Hafrannsóknastofnun,“ segir Her-
mann.
Hermann segir að hugmyndin að
trollinu hafi orðið til þegar hann var
að vinna við hönnun á kolmunna-
skilju. Hann hafi verið nota svokallað
þvernet og þurft að sníða það á annan
máta en gert hefur verið fram að
þessu og í ljós hafi komið við prófanir
í tanki að þetta kom mjög vel út, mun
betur en hann hefði ímyndað sér.
„Það kemur í ljós að með því að hafa T
90 net þversum þarf mun minna net í
trollið og um leið verður gegnum-
streymið mun meira og að sama skapi
minni mótstaða. Það má segja að hér
sé ný hugsun á ferðinni, þetta hefur
ekki verið gert áður mér vitanlega,
hvorki hér á landi né erlendis að nota
þvernet í allt trollið,“ segir Hermann
og bætir við: „Við fórum fyrst í til-
raunatankinn í Hirthals í Danmörku
og gerðum prufur þar, þær prufur
komu svo vel út að við ákváðum að
setja upp troll í fullri stærð og fara
með trollið í rannsóknartúr á haf-
rannsóknaskipinu Árna Friðrikssyni
út af Vestfjörðum. Þar var virkni þess
mynduð í bak og fyrir með nýrri neð-
ansjávarmyndavél Hafró. Þar voru
staðfestir allir þeir jákvæðu eiginleik-
ar sem ég taldi að trollið hefði, ekki
síst hin einstaka netáferð.“
Hemmer T 90 skal það heita
En hvað skyldi nú hið nýja troll
Fjarðanets heita? Guðmundur Gunn-
arsson í Hampiðjunni datt niður á
nafnið eftir að hann átti leið um
Smáralind og sá þar sýningu á Hum-
mer-jeppanum. Þar með var nafnið
komið; Hemmer T 90, sem má segja
að hafi tvöfalda skírskotun. Annars
vegar vísar nafnið til guðföðurins,
Hermanns Hrafns, og hins vegar til
þess krafts og byltingarkenndu eig-
inleika sem trollið býr yfir. Hægt er
að fá frekari upplýsingar um starf-
semi Fjarðanets á heimasíðunni
www.fjardanet.is.
Nýtt troll frá Fjarðaneti
Veiðarfæri Minna net þarf í trollið og um leið verður mótstaða minni.
JÓN Kjartansson SU er með mestar
heimildir til kolmunnaveiða ís-
lenzkra skipa á þessu ári. Alls er
hann með 36.700 tonn. Fjögur skip
eru með meira en 30.000 tonn og eru
það Ingunn AK með 32.200 tonn,
Bjartur NK með 31.900 tonn og Beit-
ir NK með 31.100 tonn.
Kvótinn í ár er 299.710 tonn. Á síð-
asta ári mátti veiða 353.000 tonn, en
315.000 tonn veiddust. Heimilað hef-
ur verið að flytja hluta þess magns
yfir á þetta ár, eða 30.000 tonn sam-
tals. Í veiðiheimildum skipanna
fimm er tilfærslan komin inn.
Þrír með 65% kvótans
Samkvæmt úthlutun Fiskistofu og
tilfærslunni er Síldarvinnslan með
mestar heimildir, en þrjú skipa fé-
lagsins eru samtals með 80.700, það
eru Beitir, Bjartur og Guðmundir
Ólafur. Þrjú skipa HB Granda eru
með 70.100 tonn, en það eru Faxi,
Ingunn og Sunnuberg. Loks eru tvö
skip Eskju með 64.400 tonn, en það
eru Aðalsteinn Jónsson og Jón
Kjartansson. Samtals eru þessi þrjú
fyrirtæki því með 215.200 tonn af
leyfilegum heildarafla, sem á þessu
ári verður samtals 330.000 tonn. eða
65% heildarinnar.
SVN með
mest af
kolmunna
Í HNOTSKURN
» Fimm eru ákærðir fyrirsmygl á 1.980 grömmum
af kókaíni sem fannst í far-
angri burðardýrs á Keflavík-
urflugvelli 9. ágúst sl.
» Burðardýrið er 18 árastúlka og er hún sú yngsta
sem sætir ákæru.
» Elsti sakborningurinn er33 ára, tveggja barna móð-
ir og er þáttur hennar alvar-
legastur, að mati ríkis-
saksóknara.
» Einn hinna ákærðu í mál-inu fór tvívegis til Spánar
en fyrri smygltilraunin mis-
tókst.