Morgunblaðið - 06.06.2007, Page 4
4 MIÐVIKUDAGUR 6. JÚNÍ 2007 MORGUNBLAÐIÐ
FRÉTTIR
HÉRAÐSDÓMUR Reykjavíkur hefur
sýknað fjóra pilta af ákæru fyrir kynferð-
isbrot gegn 14 ára stúlku en piltarnir voru
sakaðir um að hafa sameiginlega þröngvað
stúlkunni, sumpart með ofbeldi, sumpart
með því að notfæra sér að hún gat ekki
spornað við verknaðinum sökum ölvunar-
og vímuefnaneyslu, til kynferðismaka við
þá alla, ýmist einn eða tvo í einu.
Málið var kært í nóvember 2005. Fyrir
dómi sögðust þrír piltanna hafa viðhaft
einhvers konar kynferðislegar athafnir
gagnvart stúlkunni eða hún gagnvart
þeim, en þær athafnir hafi verið með henn-
ar vilja.
Í dómi segir að í málinu njóti ekki við
annars en framburðar piltanna og stúlk-
unnar um kynlífsathafnir en við skoðun á
neyðarmóttöku hafi ekki verið að finna
neina áverka á stúlkunni. Piltarnir sögðu
stúlkuna ekki hafa andmælt kynlífsathöfn-
um og haft frumkvæði að sumu.
Í dómi segir að atburðirnir hafi haft
mikil áhrif á stúlkuna og valdið henni gríð-
arlegri vanlíðan. Dómurinn taldi framburð
hennar reikulan en hins vegar voru pilt-
arnir taldir stöðugir í framburði sínum um
að þeir hefðu ekki þröngvað stúlkunni til
samræðis eða notfært sér hana. Að mati
dómsins jók á trúverðugleika framburðar
þeirra, að sumir þeirra viðurkenndu fleiri
kynlífsathafnir en stúlkan gerði grein fyr-
ir. Dómgreind allra ungmennanna var tal-
in stórlega skert og var talið að neysla
þeirra hefði slævt siðferðisvitund þeirra og
ýtt undir það hömluleysi sem virðist hafa
ríkt í samkvæminu. að mati dómsins.
Málið dæmdu héraðsdómararnir Ingv-
eldur Einarsdóttir, Allan V. Magnússon og
Sigríður Ingvarsdóttir.
Sýknaðir af
kæru um
hópnauðgun
Talið að víma hafi slævt
siðferðisvitund allra
LÖGREGLAN á Selfsossi hefur lokið rann-
sókn á andláti karlmanns á sextugsaldri í
Hveragerði í apríl sl. Niðurstaðan er sú að
dauða mannsins megi rekja til innvortis
blæðingar vegna mikillar áfengisneyslu og
inntöku blóðþynningarlyfs.
Samkvæmt upplýsingum frá lögreglu var
um miklar innvortis blæðingu að ræða og
virðist áfengið og lyfið hafa stuðlað að
henni, með tilheyrandi súrefnisskorti til
hjartans. Þar að auki voru áverkar á nefi
mannsins en ekki er hægt að fullyrða um
hvernig þeir komu til. Ekki er talið að um
átök hafi verið að ræða – fremur að mað-
urinn hafi dottið á andlitið.
Orsökin neysla
áfengis og lyf
♦♦♦
MARGIR tugir háhyrninga ásamt nokkrum
höfrungum settust að stóru síldarveisluborði í
vikunni í nágrenni Surtseyjar og sýndu þar
sína einstöku veiðihæfni með því að smala
saman um þúsund tonna síldartorfu.
Myndir af veiðiskapnum náðust úr flugvél í
rannsóknarflugi yfir Vestmannaeyjar þar sem
Arnþór Garðarsson, prófessor í dýrafræði við
Háskóla Íslands, var í sjófuglakönnunarferð.
Arnþór Garðarsson
Háhyrningar smala síld og gjöra góða veislu
GETNAÐARVARNARPILLUR
eru lyf og líkt og öll önnur lyf fylgja
þeim aukaverkanir. Ein þeirra er
auknar líkur á blóðtappa. Forstjóri
Lyfjastofnunar hvetur alla þá sem
taka lyf til að lesa vel fylgiseðla.
Í viðtali við Fréttavef Morgun-
blaðsins í gær sagði Sonja Björg
Fransdóttir, 24 ára, að hún hefði
fengið blóðtappa og drep í lungu
eftir að hún hafði tekið getnaðar-
varnarpilluna Yasmin í um eitt og
hálft ár. Þetta gerðist í febrúar sl.
og finnur hún enn fyrir afleiðing-
um blóðtappans. Að sögn Sonju
voru erfðafræðilegir þættir útilok-
aðir og ljóst hafi þótt að pillan hefði
valdið blóðtappanum. Tilvikið hefði
greinilega ekki verið tilkynnt inn-
an kerfisins með fullnægjandi
hætti og hyggst hún því hafa sam-
band við landlækni.
Að sögn Rannveigar Gunnars-
dóttur, forstjóra Lyfjastofnunar,
er blóðtappi þekkt aukaverkun af
inntöku getnaðarvarnarpillu. Það
sé afar mikilvægt að fólk lesi fylgi-
seðla með lyfjum, sérstaklega ef
þau eru tekin inn mánuðum eða ár-
um saman eins og oft á við um
getnaðarvarnarpillur.
Hefði átt að tilkynna
Rannveig sagði einnig að hefði
Yasmin valdið blóðtappa, eins og
Sonja Björg segir, hefði læknir að
sjálfsögðu átt að tilkynna Lyfja-
stofnun um tilvikið. Engin slík til-
kynning hefði borist.
Aðspurð sagði Rannveig að sam-
kvæmt upplýsingum í aukaverka-
gagnagrunnum á Evrópska efna-
hagssvæðinu benti ekkert til þess
að tíðni aukaverkana vegna Yasm-
in væri meiri en vegna annarra
sambærilegra getnaðarvarnar-
pillna.
Á fylgiseðlinum með Yasmin
kemur m.a. fram að notkun lyfsins,
eins og annarra samsettra getnað-
arvarnarpillna, auki hættu á blóð-
tappa. Meðal sérstakra þátta sem
auka enn áhættuna eru reykingar,
yfirþyngd og saga um blóðtappa í
fjölskyldunni.
Í lyfjatexta Yasmin segir að far-
aldursfræðilegar rannsóknir hafi
leitt í ljós að tíðni blóðtappa hjá
konum sem taka slíkar pillur er 20-
40 tilfelli á hvert 100.000 lífár
(kvenár). Hjá þeim sem ekki nota
pilluna er tíðnin 5-10. Jafnframt er
lagt að læknum að skrá sjúkrasögu
áður en pillunni er ávísað og vara
við hugsanlegum aukaverkunum.
Aukaverkanir af pillunni
eins og öllum öðrum lyfjum
Aukin hætta á blóðtappa er þekkt aukaverkun af getnaðarvarnarpillu
Í HNOTSKURN
» Í Morgunblaðinu í gær varsagt frá því, að tveir
danskir læknar teldu að Yasm-
in-pillur hefðu valdið blóð-
tappa í tveimur stúlkum og
dregið þær til dauða.
» Engin tilkynning hefurborist Lyfjastofnun vegna
aukaverkana hér á landi af
völdum Yasmin og ekki eru
upplýsingar um aukna tíðni
aukaverkana erlendis.
„MARKMIÐIÐ með greininni er að
vekja lækna og aðrar heilbrigð-
isstéttir til umhugsunar um það að
þær eru ekki hlutlausar þegar kem-
ur að eyðingu stúlkubarna á grund-
velli kynjagreiningar snemma á fóst-
urskeiði með aðstoð háþróaðrar
tækni,“ segir Jóhann Ágúst Sigurðs-
son, prófessor í heimilislæknisfræði.
Vísar hann þar til greinar sem hann
ritaði í samvinnu við Linn Getz,
trúnaðarlækni og dósent, og Önnu
Luise Kirkengen, prófessor, og birt
var í Læknablaðinu í gær.
Að sögn Jóhanns geta vís-
indamenn og lykilpersónur af ýms-
um stéttum ekki borið því við að þeir
séu bara hlutlaust fagfólk og beri
þar með enga ábyrgð á því hvernig
þekking þeirra er notuð eða misnot-
uð. Bendir hann á að fækkun stúlku-
barna miðað við sveinbörn í Austur-
og Suður-Asíu, þá sérstaklega í Ind-
landi og Kína, sé vaxandi vandamál,
en talið er að fjöldi „horfinna“
stúlkubarna sé í síðasttöldu lönd-
unum tveimur um 80 milljónir.
„Við vitum að mikill áhugi og eft-
irspurn er frá Indlandi og Kína eftir
fullkomnum tækjabúnaði til kynja-
greiningar,“ segir Jóhann og bendir
á að sökum þessa séu miklir pen-
ingar í spilinu. Segir hann vestræna
lækna hafa farið til þessara landa til
að kenna heimamönnum á búnaðinn.
„Við viljum bara benda á að læknar
verða að vera sér meðvitaðir um að
tækni þeirra er misnotuð og notuð í
öðrum tilgangi en upphaflega var
ætlað.“
Ekki bara hlutlaust fagfólk
Vilja að heilbrigðisstéttir séu sér meðvitaðar um siðferð-
islega ábyrgð sína þegar kemur að eyðingu stúlkubarna
Í HNOTSKURN
»Áætlað er að alls hafi 80milljónum stúlkubarna
verið eytt í móðurkviði í Ind-
landi og Kína á síðustu árum.
»Árið 1991 var hlutfalldrengja 114 á móti hverj-
um 100 stúlkum á aldrinum
0-6 ára í Punjab-héraði í Ind-
landi. Tíu árum síðar var hlut-
fallið orðið 126:100.
»Á næstu árum verða víða12-15% fleiri karlar en
konur á giftingaraldri.
Morgunblaðið/Jim Smart
JÓN Anton Skúlason,
fyrrv. póst- og síma-
málastjóri, andaðist á
Borgarspítalanum 4.
júní sl. níræður að
aldri.
Jón fæddist 22.
ágúst 1916 í Keflavík.
Hann var sonur
hjónanna Skúla
Högnasonar og Guð-
rúnar Jónsdóttur.
Jón lauk stúdents-
prófi frá Menntaskól-
anum í Reykjavík árið
1937, prófi í rafmagns-
verkfræði frá DTH í
Kaupmannahöfn 1943. Á árunum
1943-45 starfaði hann sem verkfræð-
ingur í Kaupmannahöfn og Stokk-
hólmi.
Árið 1945 hóf hann störf hjá
Landssíma Íslands og starfaði þar
þangað til hann lét af störfum vegna
aldurs árið 1986. Hann var verk-
fræðingur hjá Landssímanum 1945-
56, yfirverkfræðingur 1956-63, for-
stjóri símatæknideildar
1963-71 og póst- og
símamálastjóri 1971-
86. Samhliða störfum
sínum hjá Landsíma-
num kenndi Jón við
Loftskeytaskólann
1945-46 og 1947-48 og
Menntaskólann í
Reykjavík 1954-55.
Jón sat í stjórn VFÍ
1952-54 og var formað-
ur RVFÍ árið 1956.
Hann var formaður
stjórnar námssjóðs
J.C. Möller 1974-89.
Hann var virkur félagi í
Frímúrarareglunni í áratugi. Jón var
heiðursfélagi RVFÍ og margheiðrað-
ur fyrir störf sín bæði hér- og erlend-
is.
Eftirlifandi eiginkona Jóns er
Inga Gröndal, fædd 28. ágúst 1925.
Þau eignuðust þrjú börn og eru tvö
þeirra enn á lífi. Jón átti fjögur
barnabörn og tvö barnabarnabörn
þegar hann lést.
Andlát
Jón Anton Skúlason