Morgunblaðið - 06.06.2007, Síða 29
heilsa
MORGUNBLAÐIÐ MIÐVIKUDAGUR 6. JÚNÍ 2007 29
ÞAÐ er af sem áður var þegar sól-
dýrkendur báru á sig olíu til að bak-
ast í sólinni og verða brúnir á sem
skemmstum tíma. Í dag vita flestir
betur enda geta geislar sólarinnar
valdið húðkrabbameini, sem drepur
þúsundir manna á ári hverju, ef húð-
in er ekki varin. Til að setja öryggið
á oddinn má segja að það sé eig-
inlega aðeins til ein örugg leið til að
fá brúnku á kroppinn og það er sól-
arlaus brúnka, sem fá má til dæmis
með brúnkukremum, geli eða froðu
eða með brúnkumeðferð á snyrti-
stofu. Það getur verið vandasamt að
fá brúnkuna til að líta sem náttúru-
legast út, en hér eru leiðbeiningar af
vefmiðli NBC sem vert er að hafa í
huga þegar hafist er handa við að
gera kroppinn brúnan og sællegan.
Hreinsaðu dauðar húðflögur af
öllum líkamanum með sturtugeli
og grófum hanska svo að brúnku-
kremið vinni á ferskri, nýrri húð.
Þá verður brúnkan jafnari og
endist betur.
Berðu brúnkukremið létt og laust
á olnboga, hné, ökkla og hnúa. Að
öðrum kosti verða þessi svæði
dekkri en aðrir líkamspartar.
Þvoðu þér um hendurnar strax
eftir að hafa borið brúnkukremið
á líkamann ef þú hefur ekki notað
latex-hanska því það er ekkert
náttúrulegt við bronslitaða lófa
og fingur. Til að láta brúnkuna
líta eins raunverulega út og hægt
er skaltu sleppa líkamspörtum
sem ekki myndu verða brúnir í
sólinni, svo sem innanverðum
handleggjum.
Bíddu eins lengi og þú getur með
að klæða þig eða fara í rúmið,
jafnvel lengur en mælt er með á
umbúðum kremsins, til að
minnka hættuna á að brúnku-
kremið nuddist af. Forðastu líka
að svitna, fara í sturtu og sund í
að minnsta kosti sex tíma eftir
meðferð.
Best er brúnkan
án sólarinnar
Morgunblaðið/ Jim Smart
Úrval Sólarlaus brúnka fæst t.d. með brúnkukremum, geli eða froðu.
DR. Jane Plant, prófessor í um-
hverfisverkfræði við Imperial Col-
lege í Lundúnum, mun fjalla um
áhrif mataræðis á krabbamein í
blöðruhálskirtli og brjóstum á
námsstefnu sem Krabbameins-
félagið Framför stendur fyrir í Há-
skólabíói á morgun.
Plant er víðfræg fyrir bækur sín-
ar um mataræði til varnar brjósta-
og blöðruhálskirtilskrabbameini, en
með gjörbreyttu mataræði segist
hún hafa læknað sjálfa sig af
brjóstakrabbameini eftir að læknar
voru búnir að gefa það út að frekari
læknismeðferðir yrðu ekki reyndar.
Á námsstefnunni mun svo Kristín
Vala Ragnarsdóttir, prófessor í um-
hverfissjálfbærni við Bristol-há-
skóla í Bretlandi, sem einnig hefur
reynslu af krabbameini, halda fyr-
irlestur þar sem m.a. verða gefnar
upplýsingar um mataruppskriftir
og dr. Laufey Tryggvadóttir fjallar
um tölfræði krabbameinanna og
áform um nýjar rannsóknir. Nám-
stefnan fer fram í sal 1 í Háskólabíói
á morgun og hefst kl. 12.00. Að-
gangur er ókeypis. Seinni fyrir-
lestur Plant og Kristínar Völu fer
svo fram í Odda, í stofu 101, og er
ætlaður heilbrigðisstarfsfólki.
Áhrif matar á
blöðruháls-
krabbamein
ÞEGAR komið var inn úr rigning-
unni í gærmorgun var ljúft að
heyra farið með ylhýra vísu. Arn-
þór Helgason lærði vísuna af Helga
Gunnarssyni frá Grund í Jökuldal,
en hver skyldi vera höfundur?
Kaffið hitar ekki ögn
innri mögn;
það er aðeins ást á þér
sem yljar mér.
Davíð Hjálmar Haraldsson segir
langt um liðið frá því hann gortaði
af unninni dáð.
Þótt í keppni varla vinni,
víst má ennþá kallast fær:
Upp á nef mér einu sinni
átti frábært stökk í gær.
Hallmundur Kristinsson svarar
að bragði:
Stökk á nef sér alveg ær
argur sótaraftur.
Ertu núna, kappinn kær,
kominn niður aftur?
Leifur Eiríksson varð hundrað
ára á sunnudaginn var og í tilefni af
því var gefin út fyrsta ljóðabók
hans með kveðskap frá Hrafnistu.
Þar er meðal annars þessi hring-
henda:
Ellin þrátt mig leggur lágt,
leikur grátt á ýmsan hátt.
Þó ósáttur segi fátt,
því ýmsir áttu meira bágt.
VÍSNAHORNIÐ
Af kaffi, elli
og stökki
pebl@mbl.is