Morgunblaðið - 06.06.2007, Page 19
MORGUNBLAÐIÐM VIKUDAGUR-
6. JÚNÍ 2007 19
MENNING
TONY Blair, forsætisráðherra Bret-
lands, og eiginkona hans, Cherie Bo-
oth, eru nakin fyrir utan skrifstofu
forsætisráðherra í Downingstræti
10 í Lundúnum og hafa verið rekin
þaðan með skömm, á kolateikningu
sem sjá má á sumarsýningu Royal
Academy-listaskólans.
Myndin er fyrir miðju í þrískiptu
verki í stíl altaristaflna (e. triptych)
og er eftir Michael Sandle. Taflan er
4,5 metrar á breidd og 1,5 m á hæð
og er því nokkuð áberandi á sýning-
unni. Fyrirmynd Sandle er hið sí-
gilda myndefni Biblíunnar, þegar
Guð vísar Adam og Evu úr Edens-
garði. Til hliðanna er annars vegar
mynd sem sýnir grimmdarverk
breskra hermanna í Írak og hins
vegar lík Íraka í hrúgu. Innblástur
sinn sótti Sandle í raunverulega at-
burði, svo sem játningu breska her-
mannsins Donalds Payne á því að
hann hefði misþyrmt íröskum borg-
urum. Verkið heitir Kór Payne und-
irliðþjálfa, Corporal Payne’s Cho-
rus.
Ekki eru allir sáttir við verkið eins
og gefur að skilja. Það hlaut samt
sem áður Hugh Casson-teikniverð-
launin á sýningunni. Rektor Royal
Academy mun því að öllum líkindum
minnast á verkið þegar haldið verð-
ur árlegt kvöldverðarboð skólans,
en það sækja jafnan breskir stjórn-
málamenn og ráðherrar.
Sumarsýning Royal Academy er
sú stærsta sinnar tegundar í heim-
inum, en hver sem er getur sótt um
að sýna á henni og er það dómnefnd-
ar að velja verk. 150.000 gestir sóttu
sýninguna í fyrra.
Blair og
frú nakin
Úthýst Teikning Michael Sandle.
EVRÓPSKU arkitektúrtímaritin
Design from Scandinavia, Forum
AID, Bauwelt, MD International
Magazine of Design og Disenart
hafa öll fjallað um íslenska sendi-
herrabústaðinn í Berlín síðastliðinn
vetur. Arkitektarnir Hjördís Sig-
urgísladóttir og Dennis David
hönnuðu bústaðinn.
Í Design from Scandinavia segir
að „stórkostlegt landslag Íslands
megi sjá í formum og bygging-
arefnum bústaðarins“, steypu, eik
og svörtum steini (sem er þó ítalsk-
ur, þar sem ekki fékkst leyfi til að
nota íslenskt basalt í bústaðinn) og
forveðruðu sinki. Náttúruform end-
urspeglast í hönnuninni og bygg-
ingarefni frá Íslandi voru notuð við
gerð bústaðarins. Að auki eru öll
húsgögn og húsbúnaður íslensk
hönnun. Bústaðurinn er því íslensk-
ur í gegn, svo að segja. Þau Hjördís
og Dennis unnu opna samkeppni
um hönnun bústaðarins árið 2003.
Í MD International Magazine of
Design segir að ólík hlutverk bú-
staðarins, sem er í senn heimili og
móttökustaður, séu samtvinnuð
með snilldarlegum og einföldum
hætti. Þótt þessir hlutar bygging-
arinnar séu misstórir jafnist þeir út
og tengist saman með hárri for-
stofu eða sal með glerþaki. Form
þessarar skiptingar minni á jökul-
sprungu. Skoða má betur ljós-
myndir af bústaðnum og fræðast
um hönnun hans á www.arkhd.is.
Vekur athygli
Glæsilegur Bústaðurinn í Berlín.
SEXTÁN söngvarar sem lokið
hafa eins árs diplómanámi frá
Complete Vocal Institute í
Kaupmannahöfn halda tón-
leika á Domo í kvöld. Fram
koma Páll Óskar, Selma
Björnsdóttir, Friðrik Ómar,
Matti Matt, Nana, Hjördís
Geirsdóttir, Ólöf Valsdóttir,
Bryndís Ásmundsdóttir,
Heiða, Hulda Björk, Ágústa
Ósk, Hildur Guðný, Eiríkur
Hrafnsson, Þóra Jónsdóttir, Bjarney Ingibjörg og
Helga Möller. Hljóðfæraleikarar eru Agnar Már
Magnússon, Ásgeir Ásgeirsson, Einar Valur
Scheving og Róbert Þórhallsson.
Tónlist
Danskmenntaðir
söngvarar á Domo
Páll Óskar
TVÆR myndlistarkonur opn-
uðu sýningar í Listasafni ASÍ
um helgina, þær Katrín Elv-
arsdóttir og Hye Joung. Katrín
sýnir ljósmyndir í Ásmund-
arsal og Hye Joung innsetn-
ingu í Gryfju. Í Arinstofu
stendur yfir sýning á verkum
Guðrúnar Gunnarsdóttur. Á
sýningunni Af þessum heimi í
Listasafni ASÍ sýnir Katrín
nýjar ljósmyndir. Joung er
suður-kóresk og lauk námi frá Listaháskóla Ís-
lands árið 2005. Í innsetningu hennar eru um-
merki um gjörning sem hefur átt sér stað yfir
langan tíma. Sýningarnar standa til 24. júní.
Myndlist
Þrjár mynd-
listarkonur í ASÍ
Brot úr verki
eftir Katrínu
ÞRÍR KÓRAR, Kór Öldutúns-
skóla, Karlakórinn Þrestir og
Kammerkór Hafnarfjarðar,
syngja í kvöld lög Friðriks
Bjarnasonar tónskálds í Hafn-
arborg í Hafnarfirði. Tónleik-
arnir bera yfirskriftina „Enn
er oft í koti kátt! Lögin hans
Friðriks“ og hefjast kl. 20.
Tónleikarnir eru hluti af hafn-
firsku menningarhátíðinni
Björtum dögum sem lýkur 10.
júní. Karlakórinn Þrestir var stofnaður 1912 af
Friðriki og er elsti samfellt starfandi kór landsins.
Saga Þrasta er samofin sögu Hafnarfjarðar enda
notið liðsinnis margra bæjarbúa.
Tónleikar
Syngja lög Friðriks
Bjarnasonar
Friðrik Bjarnason
tónskáld
TÍMI tónlistarhátíðanna er runninn upp, og útlit
er fyrir að sumarið í ár verði ekki síður föngulegt
hvað tónlistina áhrærir en fyrri sumur. Bjartir
dagar eru í Hafnarfirði um þessar mundir, en um
næstu helgi verður nútímatónlistarhátíðin frum
haldin á Kjarvalsstöðum, Bjartar sumarnætur í
Hveragerði, ÍsNord-hátíð í Borgarfirði og Menn-
ingarhátíð á Seltjarnarnesi. Þá hefst líka árleg röð
í Hallgrímskirkju, Sumarkvöld við orgelið.
Frum flytur nýverk og 20. aldar klassík
Tónlistarhátíðin frum hóf göngu sína síðastliðið
sumar. Hátíðin er vettvangur samtímatónlistar í
Reykjavík þar sem bæði eru flutt meistaraverk
tuttugustu aldarinnar svo og verk eftir yngri kyn-
slóð tónskálda. Í fyrra var hátíðin haldin í Iðnó, og
var mjög vel tekið af tónlistarunnendum. Í ár
verður frum á Kjarvalsstöðum og verða tónleikar
föstudags- og laugardagskvöld kl. 20 og á sunnu-
dag frá kl. 12-17. Þá verður flutt verkið For Philip
Guston eftir Morton Feldman, en það er samið til
flutnings á listasafni og ráð fyrir því gert að
áheyrendur geti gengið um og skoðað. Listræn
stjórn frums er í höndum kammerhópsins Adap-
ters, og á föstudagskvöldinu frumflytur hópurinn
hvorki fleiri né færri en sjö verk, þrjú íslensk og
fjögur þýsk. Á laugardagskvöldinu verða leikin
virtúósísk einleiksverk eftir eitt kunnasta tón-
skáld Ítala á 20. öld, Franco Donatoni.
frum 2007 verður haldin dagana 8. til 10. júní í
Reykjavík.
Næturbjart á ný í Hveragerði
Tónlistarhátíðin Bjartar sumarnætur verður
endurvakin í Hveragerðiskirkju um helgina. List-
rænir stjórnendur þar eru sem fyrr eru hjónin
Guðný Guðmundsdóttir fiðluleikari og Gunnar
Kvaran sellóleikari, en þau skipa ásamt Peter
Máté píanóleikara Tríó Reykjavíkur. Auk tríósins
koma fram mezzósópransöngkonan Guðrún Jó-
hanna Ólafsdóttir, Víkingur Heiðar Ólafsson pí-
anóleikari, Greta Guðnadóttir fiðluleikari og Guð-
mundur Kristmundsson víóluleikari, en tvö þau
síðastnefndu eru búsett í Hveragerði. Hátíðin
verður sett á föstudagskvöld kl. 20 með Beetho-
venveislu sem bragð er að, með Für Elise, Appas-
sionata-sónötunni og Erkihertogatríóinu. Á laug-
ardagskvöldinu verður alþýðleg og alþjóðleg
tónlist í öndvegi er yfirskrift annarra tónleikanna,
laugardaginn 9. júní kl. 17, þar sem efnisskráin er
í senn alþýðleg og alþjóðleg og spannar allt frá ís-
lenskum sönglögum til Sígaunans eftir Ravel. Á
sunnudagskvöld verður svo sungið og leikið um
lífið og ástina, meðal annars katalónska þjóðlagið
Söngur fuglanna, spænskar rómönsur, Mef-
istóvalsinn og píanókvintettinn – stóra ástarjátn-
ingin hans Schumanns til eiginkonunnar, Klöru. Í
lokin verða flutt tvö lög eftir tónskáld frá Hvera-
gerði í hátíðarbúningi Atla Heimis Sveinssonar,
en nöfn tónskáldanna verða ekki gerð opinber
fyrr en í hátíðarlok.
Norræn leikhústónlist í Borgarfirðinum
IsNord-tónlistarhátíðin í Borgarfirði verður
haldin í þriðja sinn um helgina, og verður leik-
hústónlist í öndvegi í ár. Kl. 20.30 á föstudags-
kvöld hefst hátíðin á tónleikum á Indriðastöðum í
Skorradal með tónlist eftir Kjartan Ragnarsson.
Laugardaginn kl. 16 verða tónleikar í Borgarnes-
kirkju, þar sem Bergþór Pálsson, Guðrún Ingi-
marsdóttir, Jónína Erna Arnardóttir auk Trausta
Jónssonar flytja íslenska og norska leikhústónlist
og leiða áheyrendur um söguþráð leikrita sem
ekki hafa verið sýnd lengi eins og t.d. Dansinn í
Hruna og Piltur og stúlka.
Sunnudaginn 10. júní kl. 16 verða tónleikar í
sjálfri Grábrók í Norðurárdal. Þar verða flutt lög
og leikatriði úr Skugga-Sveini og Fjalla-Eyvindi
og er gestum bent á að gangan upp í gíginn tekur
10-15 mínútur og gott er að hafa með sér þykkt
teppi til að tylla sér á.
Í Hallgrímskirkju hefst orgelsumarið með leik
Bo Grønbech frá Helsingør í Danmörku á stuttum
tónleikum á hádegi á laugardag og lengri stón-
leikum kl. 20 á sunnudagskvöld.
Sex hátíðir um helgina
Morgunblaðið/RAX
Bjart Víkingur Heiðar, Peter, Guðrún Jóhanna, Guðný, Gunnar, Greta, Kristmundur og Atli Heimir.
Morgunblaðið/Kristinn
Adapter Kristjana Helgadóttir, Matthías Engler,
Gunnhildur Einarsdóttir og Þórarinn Már Bald-
ursson.
KVARTETT fyrir endalok tímans,
eitt áhrifamesta verk tónbók-
menntanna, verður leikinn á tón-
leikum í Víðistaðakirkju á listahátíð
Hafnarfjarðar, Björtum dögum, kl.
22 í kvöld. Árið 1940 var tónskáldið,
Olivier Messiaen, tekið til fanga af
Þjóðverjum þar sem það gegndi her-
þjónustu fyrir Frakka í seinni
heimsstyrjöldinni. Hann var færður
til Stalag-fangabúðanna í Görlitz.
Meðal þeirra stríðsfanga sem með
honum voru í fangabúðunum voru
fiðluleikari, klarínettuleikari og
sellóleikari en sjálfur var hann org-
el- og píanóleikari. Klarínettuleik-
arinn og fiðluleikarinn höfðu fengið
að halda hljóðfærum sínum en selló-
leikaranum tókst að kaupa selló með
hjálp samfanga sinna. Þjóðverjarnir
útveguðu Messiaen píanógarm. Í
fangabúðunum þar sem tíminn hætti
næstum að vera til dróst Messiaen
að andstæðunum tíma og eilífð og
verkið er ein samfelld spurning um
hlut þessara eiginda í tilvist manns-
ins. Æ síðan hefur Kvartett um
endalok tímans þótt eitt magnaðasta
og stórbrotnasta verk tónbók-
menntanna.
Það er Camerarctica-hópurinn
sem leikur, að þessu sinni skipaður
Sigurði Halldórssyni sellóleikara,
Hildigunni Halldórsdóttur fiðluleik-
ara, Erni Magnússyni píanóleikara
og Ármanni Helgasyni klarínettu-
leikara. Tónleikarnir hefjast sem
fyrr segir kl. 22.
Tíminn og eilífðin í Víðistaðakirkju
Messiaen Þau spila Kvartett fyrir endalok tímans: Örn Magnússon, Hildi-
gunnur Halldórsdóttir, Ármann Helgason og Sigurður Halldórsson.