Morgunblaðið - 19.05.2008, Blaðsíða 17
áli. Inni í íþróttahúsi er Alvés með
álverk á veggjum og röð ljósmynda
af rafmagnsmöstrum sem teknar
voru að næturlagi. Þær eru heillandi
og hafa yfir sér dimman blæ grafík-
verka, akvatintublekkingu. Greini-
legt að Kárahnjúkadeilan er Alvés
hugleikin.
,,Ef þú hefðir gert þetta fyrir
fimm árum hefði það verið mjög um-
deilt,“ segir forsetinn við hann og
hlær. Á neðri hæðinni er Hrafnkell
með vídeóverk þar sem 49 karlar í
appelsínugulum vinnugöllum hreyfa
sig í takt í landslagi en í sýningar-
salnum er sundlaug og litlu munar
að gestir detti út í hana. Það hefði nú
verið gott myndefni. Talandi um
gott myndefni þá liggur forsetafrúin
úti á túni og sleikir sólina. Björn
Roth á leið hjá og lítur brosandi nið-
ur á hana.
Paul Harfleet sýnir á næsta stað
sem við heimsækjum, Sláturhúsinu
á Egilsstöðum. Harfleet segir sitt
verk ádeiluverk, það snúist um hat-
ur í garð samkynhneigðra. Hann
hefur komið fyrir stjúpum við inn-
ganginn, stjúpur heita ,,pansies“ á
ensku og það orð er oft notað til að
gera lítið úr hommum. Sumar gesta
stíga óvart á stjúpurnar sem gerir
verkið enn áhrifameira. Inni í Slát-
urhúsinu eru svo myndir af stjúpum
sem Harfleet gróðursetti í fjölda
borga. Hann talar tæpitungulaust, í
einum sal er innrömmuð mynd af 14
ára drengjum sem voru hengdir í
Írak fyrir að vera samkynhneigðir.
Á sömu hæð eru Matti Saarinen og
Charles Ross með undarlegan tón-
listargjörning og innsetningu sem
undirritaður botnar ekkert í.
Niðri í myrkvuðum sal ganga
gestir um með vasaljós í verki Söru
Björnsdóttur, ,,1001 Heavy Beauty“.
Inn í salinn hefur Sara rogast með
1.001 hnullung og skreytt þá með
33.000 kristöllum, verkið er æv-
intýralegt og drungalegt í senn.
Sara segir pælinguna með vasaljósin
þá að fólk skoði sýninguna í eigin
heimi og um leið bjóði hún upp á
ferðalag. ,,Þetta er æðislegt,“ segir
Sara, hugfangin af því að fylgjast
með gestum ráfandi um með vasa-
ljósin. ,,Sjáðu t.d. þennan,“ segir
hún og bendir á mann sem er kom-
inn á hnén fyrir framan einn stein-
inn. Í Sláturhúsinu er boðið upp á
bestu kleinur sem blaðamaður hefur
nokkurn tíma smakkað. Þýskur ljós-
myndari segir honum að í Þýska-
landi sé til góðgæti svipað kleinum
nema sykurhúðað. Varla eins gott og
Egilsstaðakleina, fjandinn hafið það!
Seinasti viðkomustaður er Seyð-
isfjörður og má segja að sjóði upp úr
stuðpottinum í þeim fagra bæ. Boðið
er upp á seyðfirskan bjór og fiski-
súpu sem menn svolgra í sig og
stynja af ánægju með fiskisúpu-
skegg. Fyrir utan er myndlist-
armaðurinn Pétur Kristjánsson að
undirbúa gjörninginn „Painting by
Numbers“, í skítugum vinnugalla
með appelsínugulan hjálm á höfði.
Inni í Skaftfelli fer fjöllistahópurinn
Skyr Lee Bob hamförum, þau Erna
Ómarsdóttir, Guðni Gunnarsson og
Lieven Dousselaere. Það er engu
líkara en Erna sé andsetin eða kven-
djöfull, með langar klær og útötuð
blóðlitum vökva í bleikum samfest-
ingi. Guðni og Dousselaere spyrja
hvor annan til vegar, stundum undir
lökum eða teppi og allt fer þetta
fram inni í reykfylltu glerbúri.
Það er heldur betur að færast fjör
í leikinn fyrir utan hjá Pétri, hann
sest upp í valtara og keyrir yfir röð
af fernum með mjólk og grauti í og
kálhaus en nær ekki að klessa mel-
ónu niður í malbikið, hún rúllar burt.
Undir hljómar taktföst og hressandi
tónlist sem fólk dillir sér við. ,,Wa-
termelon survive!“ hrópar myndlist-
armaðurinn Ernesto Neto en það er
þó ekki varanlegt ástand því mel-
ónan endar sem malbiksklessa, við-
stödd- um til ómældrar ánægju en
sannarlega ill örlög fyrir melónu.
Forseti Íslands hlær manna mest og
ljóst að þessi gjörningur hefur slegið
í gegn. Þrykkgjörningurinn heldur
áfram, Pétur býr til samloku úr trjá-
plötum og steypu og að því loknu er
skurðgröfu ekið yfir ýmis heim-
ilistæki, m.a. ryksugu. Allt er klesst
niður í malbikið.
Gjörningur Péturs reynist of
langur fyrir áætlun Oddaflugs og
fólk beðið um að drífa sig í rútur.
Margir vilja dvelja lengur en það er
því miður ekki hægt. Seyðisfjörður
er kvaddur og út um rútuglugga
sjást ungir menn í jakkafötum með
sjónvarpsvélar úr pappa sem þeir
beina að gestum. Gagnrýni á um-
fjöllun um listir í fjölmiðlum
kannski?
Ferðalok
Undir lok ferðar góma ég menn-
ingarblaðamann hollenska dagblaðs-
ins Het financieele dagblad, Karel
Ankerman. Hann hefur ákveðnar
skoðanir á listahátíðinni í heild sem
hann deilir með mér. Hann hafi
heldur viljað sjá meira af því sem er
að gerast í íslensku myndlistarlífi,
heldur það en verk erlendra lista-
menn. Hann hafi rætt við seyðfirsk-
an trésmið í kortér um menningar-
ástandið á Íslandi og það spjall sé
mun áhugaverðara og lærdómsrík-
ara en spjall við erlendan og virtan
sýningarstjóra. Forvitnileg lokaorð
það.
Valtaðar fernur Pétur Kristjánsson fremur stórskemmtilegan gjörning.
Safnstjóratrefill? Safnstjórar
Listasafns Íslands og Listasafnsins
í Gent, Belgíu, eiga eins trefla.
Í búri Erna Ómarsdóttir dansari hristist og skalf og lét illum látum í Skaftfelli með fjöllistahópnum Skyr Lee Bob.
Glatt á hjalla Ólafur Ragnar ræðir við arkitektinn David Adjaye (t.v.) og
Lennart Alvés. Forsetafrúin virðir fyrir sér álmastur Alvés.
Gull-Kínverjar Safngestur virðir fyrir sér gylltar styttur á sýningu á
fígúratífri, kínverskri list í Listasafninu á Akureyri.
Namminamm Cathryn Drake gæðir
sér á rúgbrauði með hangikjöti.
helgisnaer@mbl.is
MORGUNBLAÐIÐ MÁNUDAGUR 19. MAÍ 2008 17
Lágmúli - Smáratorg - Laugavegur - Smáralind - Spöngin - Garðatorg - Setberg - Keflavík - Grindavík - Selfoss - Laugarás - Borgarnes - Stykkishólmur - Grundarfjörður - Búðardalur
Ísafjörður - Bolungarvík - Patreksfjörður - Sauðárkrókur - Blönduós - Hvammstangi - Skagaströnd - Húsavík - Kópasker - Raufarhöfn - Þórshöfn - Egilsstaðir - Seyðisfjörður - Fáskrúðsfjörður - Höfn
Neskaupstaður - Reyðarfjörður - Eskifjörður
www.lyfja.is - Lifið heil
ÍS
L
E
N
S
K
A
S
IA
.I
S
L
Y
F
4
23
25
0
5.
20
08
HÆTTU Í ALVÖRU
Skynsamleg leið til að hætta því þú hættir á eigin hraða.
NicoBloc hindrar allt að 99% af nikótíni og tjöru í filternum.
Þú venur þig af nikótíni áður en þú drepur í.
TILBOÐ MÁNAÐARINS
25% afsláttur
Verð 2.990 kr. í Lyfju.
Verð áður 3.990 kr.