Morgunblaðið - 19.05.2008, Blaðsíða 25

MORGUNBLAÐIÐ MÁNUDAGUR 19. MAÍ 2008 25
MINNING
Látinn er í hárri elli,
95 ára, Jón Ingvarsson
bóndi á Skipum í
Stokkseyrarhreppi. Vil
ég leyfa mér að minn-
ast hans hér í blaðinu. Jón var fædd-
ur á Skipum og ólst þar upp í fjöl-
mennum systkinahópi. Á
æskuheimilinu var margt að iðja og
stundaður þar jöfnum höndum land-
og sjávarbúskapur. Húsráðendur
voru í fremstu röð að dugnaði og jafn-
an reiðubúnir að taka upp nýjungar í
búskap sínum. Æskuheimili sitt
studdi Jón með störfum sínum heima
og heiman.
Ungur að aldri varð hann sjómað-
ur á vélbátum, fyrst á Stokkseyri en
síðar í Keflavík og Vestmannaeyjum
en síðast á björgunarskipinu Sæ-
björgu. Næstu árin stundaði Jón
akstur, fyrst á eigin bifreiðum en
lengst og mest á bifreiðum Kaup-
félags Árnesinga. Var á þessum árum
ör uppbygging þéttbýlis á Selfossi.
Komst Jón til áhrifa í hinu nýja sam-
félagi og var meðal annars kosinn í
fyrstu sveitarstjórn Selfosshrepps
1947. Árið 1949 urðu þáttaskil í lífi
Jóns Ingvarssonar. Þá hóf hann bú-
skap á Skipum með eiginkonu sinni,
Ingigerði Eiríksdóttur. Bjuggu þau
fyrst á þremur fjórðu hlutum jarð-
arinnar en síðan á henni allri. Þeirra
hjóna beið mikið starf en á fáum ár-
um risu af grunni öll hús yfir fólk,
búfé og fóður og tún voru stækkuð
svo sem hæfði stórbúi. Varð búið á
Jón Ingvarsson
✝ Jón Ingvarssonfæddist á Skipum
í Stokkseyrarhreppi
28. ágúst 1912. Hann
lést á hjúkrunardeild
Kumbaravogs 8. maí
sl.
Útför Jóns var
gerð frá Stokkseyr-
arkirkju 17. maí sl.
Skipum á fáum árum
eitt hið stærsta og af-
urðamesta á Suður-
landi og Jón í tölu
bestu ræktunar-
manna í öllum grein-
um landbúnaðarins,
túnrækt, garðrækt og
búfjárrækt.
Þau hjón voru sam-
hent við bústörfin og
Ingigerður bjó þeim
rausnarheimili þar
sem gestrisni var í há-
vegum höfð. Jón á
Skipum var vel máli
farinn og ágætlega ritfær. Skólun
sína í þeim efnum fékk hann í ung-
mennafélagi sveitar sinnar þar sem
hann í æsku var ötull liðsmaður og til
forystu valinn. Síðar á ævinni lét
hann til sín taka í málefnum bænda,
átti lengi sæti í stjórn búnaðarfélags
sveitar sinnar og Fulltrúaráði Mjólk-
urbús Flóamanna. En fyrst og fremst
var Jón á Skipum maður starfsins.
Ævistarf hans, búskapurinn, var
honum hvortveggja í senn nauðsyn
og skemmtun. Honum var það lán léð
að hafa sanna starfsgleði í lífi sínu en
starfsgleðin er öllum skemmtunum
æðri.
Jón hélt andlegri heilsu og skörp-
um skilningi til æviloka. Hann var í
raun lifandi sönnun þess að afkasta-
mikið og iðjusamt ævistarf er hollt
hverjum hraustum manni. Þó fór svo
að ellin sótti fast að. Síðast dvaldi
hann að hjúkrunarheimilinu Kumb-
aravogi við gott atlæti sem hann
kunni að meta. Ástvinum hans er hér
vottuð samúð. Ber þá sérstaklega að
hugsa til eftirlifandi eiginkonu sem
liggur á sjúkrabeði þrotin að kröft-
um. Ég vil þakka hinum látna góð
kynni og margar góðar stundir heima
á Skipum. Nú á kveðjustund bið ég
honum fararheilla og guðs blessunar.
Helgi Ívarsson.
✝
Ástkær faðir og fósturfaðir,
ÞÓRARINN JÓN SIGURMUNDSSON
vélstjóri,
áður Nýbýlavegi 40,
Kópavogi,
lést fimmtudaginn 15. maí á Hrafnistu í Reykjavík.
Jarðarförin auglýst síðar.
Gústaf Örn Þórarinsson,
Hannes (Hannu) Ólafsson.
✝
Elskulegur eiginmaður minn, faðir, tengdafaðir, afi
og langafi,
ÞORGRÍMUR JÚLÍUS HALLDÓRSSON,
Lækjargötu 26,
Hafnarfirði,
áður Svöluhrauni 10,
Hafnarfirði,
andaðist á Landspítalanum við Hringbraut laugar-
daginn 17. maí.
Jarðaförin auglýst síðar.
Þuríður Þórarinsdóttir,
Ingi Þór Þorgrímsson, Margrét Jóna Jónsdóttir
Sigrún Björg Þorgrímsdóttir,
Helgi Marteinn, Hlín, Guðlaugur, Jóhann Óli,
Elisabet María, Katrín Þórey og Húnbogi Bjartur.
✝
Innilegar þakkir til allra þeirra sem sýndu okkur
samúð og hlýhug við andlát og útför elskulegs
föður okkar, tengdaföður, afa og langafa,
SIGURÐAR RUNÓLFSSONAR
mjólkurfræðings,
Hátúni 31,
Reykjavík.
Sérstakar þakkir færum við Mjólkurfræðingafélagi Íslands.
Runólfur Sigurðsson, Þórunn Sóley Skaptadóttir,
Þórdís Marie Sigurðardóttir, Halldór Hjaltason,
afabörn og langafabörn.
Ökumaður Aðstoðarökumaður Bifreið
1 Sigurður Bragi Guðmundsson Ísak Guðjónsson N Mitsubishi Evo 7
2 Pétur S. Pétursson Heimir S. Jónsson N Mitsubishi Evo 6
3 Marian Sigurðsson Jón Þór Jónsson N Mitshubishi Evo 5
4 Jóhannes V. Gunnarsson Björgvin Benedikts N Mitsubishi Evo 7
5 Fylkir A. Jónsson Elvar S. Jónsson N Subaru Impreza STI
6 Sigurður Óli Gunnarsson Hrefna Valgeirsdóttir N Toyota Celica GT4
7 Valdimar Jón Sveinsson Ingi Mar Jónsson N Subaru Impreza WRX
8 Henning Ólafsson Gylfi Guðmundsson M1 Toyota Corolla
9 Guðmundur S. Sigurðsson Ingimar Loftsson J12 Mitshubishi Pajero
10 Kjartan M. Kjartansson Ólafur Þ. Ólafsson M1 Toyota Corolla
11 Ólafur I. Ólafsson Sigurður R. Guðlaugs M1 Toyota Corolla
12 Reynir Þ. Reynisson TBN J12 Toyota Hilux
13 Ásta Sigurðardóttir Steinunn Gustavsd. J12 Jeep Grand Cherokee
14 Gunnar F. Hafsteinsson Jóhann H. Hafsteins 2fl Ford Focus
RALL
Eftir Jóhann A. Kristjánsson
Fyrsta rallkeppni sumarsins fór fram
um helgina og voru tíu sérleiðir í rall-
inu, samtals 108,1 kílómetri. Rallið
hófst á föstudagskvöldið á tveimur
sérleiðum sem eknar voru innan-
bæjar í Hafnarfirði. Síðan tók Djúpa-
vatnsleið og þar fór að skilja á milli
keppenda í flestum flokkum. Seinasta
sérleiðin á föstudeginum var Kleif-
arvatn. Á laugardeginum byrjaði rall-
ið á sérleið um Hengilinn en síðan tók
Lyngdalsheiði við en hún var ekin
fjórum sinnum. Rallinu lauk svo á
Henglinum til vesturs.
Tuttugu áhafnir hófu keppni á föstu-
deginum og hafa aldrei jafn margir,
jafn öflugir bílar verið í ralli á Íslandi.
Það er því ljóst að keppnin um Ís-
landsmeistaratitlana í ár verður jöfn,
hörð og skemmtileg og ljóst að allt
getur gerst.
Stútuðu millikassanum
Jón Bjarni Hrólfsson og Borgar
Ólafsson náðu forystunni í opnum
flokki og í Grúppu N á Djúpavatns-
leiðinni og voru með einnar mínútu
og tíu sekundna forystu eftir fyrri
daginn. Þeir stóðu því vel að vígi
seinni keppnisdaginn og töldu sig
mega tapa tíu til fimmtán sekúndum
á hverri leið og halda samt foryst-
unni. Sigurður Bragi Guðmundsson
og Ísak Guðjónsson pressuðu vel á
Jón Bjarna og Borgar á fyrstu leið-
inni yfir Lyngdalsheiðina og tókst
þar að taka níu sekúndur af þeim.
Þeir ætluðu sér síðan að auka þrýst-
inginn á forustubílinn í næstu þremur
ferðum yfir heiðina enda má segja að
Sigurður Bragi sé þar á heimavelli.
Honum hefur yfirleitt gengið vel á
Lyngdalsheiðinni á 24 ára keppn-
isferli sínum og náð góðum tímum.
Lánið lék ekki við Jón Bjarna og
Borgar í upphafi sjöundu sérleiðar,
vestur yfir Lyngdalsheiðina því þeir
brutu millikassann í Mitsubishi Lanc-
er Evo 7-bíl sínum strax í startinu.
Sigurður Bragi og Ísak tóku þá for-
ystuna og tókst að halda henni þrátt
fyrir áhlaup Péturs S. Péturssonar og
Heimis S. Jónssonar sem gerðu
harða hríð að þeim. Þeir Pétur og
Heimir voru að keppa á fjór-
hjóladrifsbíl í fyrsta sinna en eru ekki
óvanir ralli því þeir urðu Íslands-
meistarar í einsdrifs flokki í fyrra.
Sigruðu á 21 árs bíl
Keppnin í öðrum flokkum var einn-
ig hörð og spennandi. Í einsdrifs-
flokki sigruðu Henning Ólafsson og
Gylfi Guðmundsson. Þeir kepptu á
Toyota Corolla en þeir tóku foryst-
una á Djúpavatni og héldu síðan
áfram að bæta við forskot sitt á laug-
ardeginum í harðri keppni við Gunn-
ar F. Hafsteinsson og Jóhann H. Haf-
steinsson á Ford Focus. Pressunni
létti nokkuð á Henning og Gylfa þeg-
ar Focusmenn sprengdu dekk á
Lyngdalsheiðinni.
Pajero-sigur í jeppaflokki
Í jeppaflokki voru Guðmundur S.
Sigurðsson og Ingimar Loftsson
nokkuð öruggir sigurvegar. Þeir
náðu forystu á Djúpavatni sem þeir
héldu út rallið og höfðu efni á að ein-
beita sér að þéttum og öruggum
akstri seinni daginn en það skilaði
þeim sigri í sínum flokki.
Sigurður Bragi
og Ísak sigra
Óheppni Jón Bjarni Hrólfsson og Borgar Ólafsson á Mitsubishi Lancer Evo 7 tóku forystu í
keppninni í upphafi en duttu út á Lyngdalsheiðinni þegar þeir brutu millikassa.
Efstir Sigurður Bragi Guðmundsson
og Ísak Guðjónsson á Mitsubishi
Lancer Evo 7 innsigla hér sigur sinn
í fyrstu umferð Íslandsmeistaramóts-
ins á Hengilsleiðinni í vestur.
Góðir Henning Ólafsson og Gylfi Guðmundsson lögðu grunn að sigri sínum í
eindrifsflokki með fantagóðum akstri á Djúpavatnsleið á föstudagskvöldinu.