Sjómannablaðið Víkingur - 01.09.2003, Blaðsíða 10

Björgunarsjóður Stýrimannaskólans
IFiiium MÍfflJónir til uyrlu-
s'Tdtaff Landhdgíigæshumar
Við skólaslit Stýrimannaskólans í
Reykjavík hinn 23. maí s.l. var forstjóra
Landhelgisgæslunnar afhentar fimm
milljónir króna til kaupa á tækjum til
björgunar- og leitarstarfa i þyrluflota
Landhelgisgæslunnar.
Nemendafélag Stýrimannaskólans
stofnaði Björgunarsjóð Stýrimannaskól-
ans á kynningardegi skólans hinn 16.
apríl 1988. Með skírskotun til megin-
markmiðs sjóðsins, stuðning við kaup á
fullkominni björgunarþyrlu til landsins,
sem þá sárvantaði, hefur sjóðurinn í dag-
legu tali verið nefndur Þyrlusjóður.
í stofnskrá sjóðsins segir þó: „þegar
þessu markmiði hefur verið náð getur
sjóðurinn styrkt aðra björgunarstarfsemi
við ísland.“
Á kynningardegi Stýrimannaskólans
vorið 2001 voru Slysavarnaskóla sjó-
manna afhentar 1,5 milljónir króna til
kaupa á grind fyrir frítt fallandi lífbát, þó
að þess hafi ekki enn séð stað.Samtals
hafa á vegum Björgunarsjóðsins verið af-
hentar 33.661.605 - (þrjátíu og þrjár
milljónir sex hundruð sextíu og eitt þús-
und sex hundruð og fimm krónur) til ör-
yggismála sjómanna, þar af nærri 32,2
milljónir til Landhelgisgæslunnar.
Margir einstaklingar hafa á liðnum
árum gefið stórgjafir til Þyrlusjóðs, þó að
sérhvert framlag sé i sjálfu sér jafn mikils
virði, þegar hinn góði hugur gefenda
liggur að baki.
Hér skulu aðeins nefnd
örfá nöfn.
Árið 1988, þegar Björgunarsjóðurinn
var að fara af stað gaf Rannveig Tryggva-
dóttir rúmlega hálfa milljón króna til
sjóðsins.
Árið 1994 gaf 93 ára verkakona í
Reykjavík, Guðrún Pálsdóttir frá
Grunnavík í Jökulfjörðum, krónur tvær
milljónir.
Hinn 22. júlí 1995 gaf Sigurgeir G Sig-
urðsson skipstjóri á Húna í Bolungarvík,
krónur tvær milljónir til minningar um
konu sína, Margréti Guðfinnsdóttur.
Viku síðar, hinn 28. júlí 1995, andaðist
Sigurgeir. Jóakim Pálsson í Hnifsdal gaf
tvær milljónir króna um svipað leyti.
Árið 2001 fékk sjóðurinn afhenta eina
milljón króna, sem var dánargjöf Kristín-
ar Þorláksdóttur, sem andaðist 1. sept-
ember 2000.
Sérstakt er framlag Grétu Halldórsdótt-
ur starfsmanns Landsbanka íslands til
margra ára. Hún hefur mánaðarlega síð-
an 1992 greitt ákveðna upphæð með
gíróseðli inn á reikning sjóðsins nr.
10.000 við Sparisjóð Vélstjóra. Með
þessum mánaðarlegu greiðslum hefur
Gréta Halldórsdóttir nú gefið um 200
þúsund krónur til Björgunarsjóðsins.
Stjórn Björgunarsjóðs Stýrimannaskól-
ans í Reykjavík skipa skólameistari Stýri-
mannaskólans, formaður Slysavarnafé-
lagsins Landsbjargar og formaður Nem-
endafélags Stýrimannaskólans.
Ályktun sambandsstjórnar Farmanna-
og fiskimannasambands íslands
’IllíílfLllLíll LQ'il'IiL'i >TJfj

, w
Æíí wrmmin s'iaaM'il'
Sambandsstjórnarfundur Farmanna-
og fiskimannasambands íslands hald-
inn 18. september 2003, mótmælir nú
sem endranær hverskonar sértækum
aðgerðum stjórnvalda við úthlutun
aflahlutdeildar, hvort sem fiskur er
veiddur á línu eða í önnur veiðarfæri.
Heildarhlutdeild smábáta í afla hefur
aukist jafnt og þétt, og sú aukning eðli
máls samkvæmt verið frá öðrum tekin.
Slik mismunun er með öllu óliðandi.
Sú línuívilnun sem nú er í umræðunni
mundi enn auka forréttindi smábáta á
kostnað annarra skipaflokka.
Fundurinn skorar því á stjórnvöld að
láta af þeirri undanlátsstefnu við smá-
báta sem stunduð hefur verið undan-
farin ár.
10 - Sjómannablaðið Víkingur