Sjómannablaðið Víkingur - 01.09.2003, Blaðsíða 27
Álit þeirra á Kristjáni Ragnarssyni, sem lengi hafa átt
samskipti við hann fyrir hönd samtaka sjómanna
Guðjón A. Kristjánsson
Sœvar Gunnarsson
Helgi Laxdal
Af forystumönnum samtaka sjó-
manna, sem hafa langa reynslu af sam-
skiptum við Kristján Ragnarsson, er nær-
tækast að nefna Guðjón A. Kristjánsson,
alþingismann og forseta Farmanna- og
fiskimannasambandsins til fjölda ára,
Sævar Gunnarsson, formann Sjómanna-
sambands íslands og Helga Laxdal, for-
mann Vélstjórafélags íslands. Þeir voru
beðnir um að segja í stuttu máli álit sitt á
Kristjáni í ljósi samskipta þeirra við
hann.
„Samskiptin við Kristján voru út af fyr-
ir sig ágæt þótt við værurn iðulega ekki
sammála í þessi tuttugu ár sem við vor-
um að sitja saman á fundum. Framan af
var þetta þannig, að þá endaði þetta oft á
þann hátt að við fundum sameiginlegan
flöl og þurftum svo að lemja það í gegn
hvor á sínum stað. En seinni árin sem ég
þurfti að semja við Kristján var eins og
annað hvort hann réði ekki ferðinni sjálf-
ur eða hákarlarnir voru orðnir svo mikils
ráðandi að hann gat ekki klárað ntálin.
Eg veit ekki um það. En þegar rnaður lít-
ur yfir þennan langa tíma fann ég fyrir
þessari breylingu hægt og rólega,“ sagði
Guðjón A. Kristjánsson.
Hann sagði að áður hefði verið auð-
veldara fyrir tvo til fjóra menn að setjast
niður og reyna að finna flöt á málunum
og vinna að því sameiginlega að finna
lausn. Á seinni árum hafi þetta ekki
gengið eftir á sama hátt og kannski væri
þar um að ræða breytingu á samninga-
tækni útvegsmanna.
„Hvað sem því líður þá höfum við
Kristján átt samskipti á öðrum vettvangi
en við samningaborðið. Verið saman á
ferðalögum og fundum og það er ekki
hægt að halda þessari togstreitu samn-
inga uppi við öll möguleg tækifæri.
Menn geta ekki alltaf verið að argast hver
í öðrum. Það er engin ástæða til að láta
deilumál eitra líf sitt og í megindrátlum
stóð Kristján Ragnarsson alltaf við það
sem hafði náðst samkomulag um. En
seinni árin voru komnir haukar í LÍÚ
sem vildu kannski aðra niðurstöðu en
menn höfðu reynt að tala sig niður á,“
sagði Guðjón.
Sævar Gunnarsson sagði að samskiptin
við Kristján Ragnarsson hefðu oft verið
hörð en yfirleitt drengileg. „Ég hef ekki
reynt Kristján að öðru en því, að ef hann
segir eitthvað þá standi hann við það.
Mér hefur þótt ljómandi gott að uingang-
ast hann. Vissulega er hann gríðarlega
harður samningamaður og fylginn sínum
málstað, en orðheldinn og kemur beint
fram og það stendur uppúr. Hins vegar
þótti mér verst hvað hann gat verið óbil-
gjarn og ósveigjanlegur, en ef hann tók
ákvörðun þá stóð hann við hana. Á milli
okkar Kristjáns eru engir eftirmálar og
þegar við hittumst við ýmis tækifæri þá
er hann jafnan afskaplega þægilegur
maður að spjalla við,“ sagði Sævar Gunn-
arsson.
Helgi Laxdal sagðist hafa þekkt Krist-
ján Ragnarsson í 21 ár, eða síðan Helgi
varð formaður Vélstjórafélagsins. „Mitt
starf hjá félaginu hófst með þvi að við
ræddum saman í þriggja manna hópi um
kvótakerfið. Öll klögumál sem vörðuðu
ýmislegt þar að lúlandi lenti inni á borði
hjá okkur. Við störfuðum því náið saman
í nokkra mánuði og okkur gekk rnjög vel
að tala saman. Kristján var ákveðinn í
þessu máli en heiðarlegur og ákveðinn. í
heildina hef ég yfir engu að kvarta varð-
andi samstarfið við Krislján. Það hefur
verið gott að vinna með honum. Auðvit-
að er hann að fylgja fram stefnumálum
LÍÚ og ekkert við því að segja. Oft höf-
um við rifist en við höfum aldrei erft
það,“ sagði Helgi Laxdal.
Sjómannablaðið Víkingur - 27