Sjómannablaðið Víkingur - 01.09.2003, Blaðsíða 17

allt kennarar sem voru komnir á aldur
og fengu biðlaun í eitt ár hjá ríkinu. Því
varð enginn llótti úr liði kennara og aðrir
nýir kennarar ráðnir í stað þeirra sem
hættu þannig að það er svolítil endurnýj-
un í kennaraliðinu."
-Nú eru sem sagt þessir tveir skólar
relmir undir einum hatti?
,Já, nú eru þessir skólar reknir sameig-
inlega. Ef við horfum aðeins á það hver
breytingin er þá sameinast rekstur skól-
anna. Áður var Vélskólinn með sinn
skólameistara, sína skrifstofu og Stýri-
mannaskólinn með sama hætti. Núna er
bara einn skólameistari og ein skrifstofa
þannig að allt stjórnunarkerfið dregst
saman og verður eitt f staðinn fyrir tvö. í
staðinn fyrir að vera með tvo skóla erum
við með tvö námssvið sem er annars veg-
ar skipstjórnarsvið og hins vegar vél-
stjórnarsvið. Faglega séð er þetta hins
vegar í sama dúr og áður var. Við leggj-
um þó áfram áherslu á að nota nöfn
skólanna til faglegrar aðgreiningar"
-Það hefur þá ekki orðið breyting á
kennsluefni eða öðru slíku?
„Á þessu stigi málsins hefur mjög lítið
verið gert í breylingum þar og starfið
byrjar með því kennsluefni og kennslu-
aðferðum sem hér hafa verið á slðustu
árum. Þó höfum við til dæmis breytt
tölvuumhverfinu, endurnýjað töluvert af
vélum og netumhverfinu aðeins breytt
sem og að aðstaðan hefur nokkuð breyst
til hins betra. En auðvitað verður það
svo skoðað hvernig framtíðarþróun skól-
ans verður."
Endur- og símenntun
í framhaldi af þessu var Jón spurður
hvert væri meginmarkmiðið með þessari
breytingu á rekstrinum.
„í fyrsta lagi að sameina rekstur skól-
anna tveggja, auka samkennslu og ekki
síst að byggja skólana upp með því að
tengja þá í framtíðinni meira við at-
vinnulífið. Við höfum áhuga á því að
vinna með atvinnulífinu f að þróa námið
að þörfum þess og fara í rannsóknarverk-
efni og þróunarstarfsemi. Við getum
unnið að því með fyrirtækjunum þar sem
vinna vélstjórar og skipstjórnarmenn.
Síðan höfum við áhuga á að beita okkur
talsvert að endurmenntun, sem hefur
kannski ekki verið sinnt nægilega í skól-
unurn til þessa. Það hafa að vísu verið
haldin námskeið en við viljum gjörbylta
því og sækja fram í endur- og símenntun.
Teygja okkur þá inn í alla þá geira sem
tengjast sjó, útgerð, vélgæslu, vélstjórn
og öðru slíku sem tengist þessu námi.
Eins og menn vita þá fara þeir sem út-
skrifast héðan ekki eingöngu á sjóinn.
Töluvert stór hluti, sérstaklega vélstjórar,
fer í landvinnu svo sem í orkugeiranum.
Varðandi endur- og símenntun erum við
bæði með í huga núverandi skóla og
önnur fög tengdum atvinnulífinu, svo
sem menntun sjómanna sem ekki er í
þessum skóla sem slfk. Því ætlum við að
fara í námskeiðshald og önnur verkefni
sem tengjast sjómennt. í þessu samhengi
höfum við gert samning við Sjómennt,
sem er samstarfsvettvangur Samtaka At-
vinnulífsins, LIÚ og Sjómannasambands
íslands, og tökum að okkur verkefni sent
lúta að því að sinna þörfum undirmanna
á skipum og annarra sem tengjast sjó, út-
gerð og siglingum. Þá geta þeir sent ráða
sig til starfa á skipum fengið undirstöðu-
menntun sem kemur þeirn strax til góða.
Þeir læri að sinna þeim verkum sem þarf
að vinna um borð og byrja þá ekki alveg
grænir til sjós.“
Nám sem gefur aukna möguleika
Á undanförnum árum hefur dregið
ntjög úr aðsókn að Stýrimannaskólanum.
Jón B. Stefánsson var spurður hvort hann
sæi einhverjar leiðir til að snúa þessari
þróun við.
„Svona skóli er háður því í hvaða um-
hverfi hann er. Nú vitum við að stöðum
urn borð hefur fækkað, en ákveðin end-
urnýjun þarf að eiga sér stað og við þurf-
um að viðhalda henni. Síðan er það verk-
efni, sérstaklega á skipstjórnarsviðinu, að
finna leiðir til að auðvelda þessum
mönnum, með einhverri aukamenntun,
að koina í land þegar þar að kemur og
hafa þá eitthvað til að snúa sér að. Vél-
stjóramegin er þetta öðru vísi því þeir
eru gjaldgengari til vinnu í landi. Ég tek
stundum dærni af því, að ef við horfunt á
skóla eins og þennan, að ungur rnaður
sem er að klára grunnskólanám í dag
veltir því fyrir sér hvað hann eigi að gera.
Flestir sem ætla að læra meira fara sjálf-
krafa inn í menntaskóla til að ljúka stúd-
entsprófi, en stúdentspróf í dag er ekkert
annað en lykill að framhaldsnámi. Ef
þessi ungi maður hefði sérstakan áhuga á
raungreinum eða tæknisviðinu væri
hann betur settur með því að fara hina
leiðina. Fara sem sagl í Vélskólann og
öðlast stighækkandi starfsréttindi, þau
fyrstu eftir eina til tvær annir, starfsrétt-
indapróf eftir fjögur ár og hafa þá jafn-
mikinn aðgang að háskóla þótt hann hafi
ekki stimplað stúdentspróf. Ungt fólk
sem klárar Vélskólann fer einmitt tals-
vert til náms í raungreinum í háskólun-
um. Það hlýtur að vera betur undirbúið
heldur en þeir sem bara hafa verið í bók-
námi. Þetta fólk er búið að kynnast vél-
um, kröftum, eðlis- og efnafræði og fleiri
fögum í raun og lært að smíða, sjóða og
svo framvegis. Því gefur auga leið að
þetta fólk er betur undirbúið til að fara
að takast á við teoríuna í verkfræði og
tæknifræði. Því finnst mér að það ætti að
vera biðröð eftir að fá að komast hér inn.
Hver vill ekki fá starfsréttindi á sama
tíma og annar er að ljúka stúdentsprófi,
og hafa sömu möguleika á háskólanámi?
En menn hafa gjarnan spyrt þessa skóla
og sjóinn saman. Komi menn hingað til
náms verði þeir síðan að fara á sjóinn og
vera þar alla starfsævina. Raunin er sarnt
ekki sú.“
-Þetta nýja rekstrarform skólans hamlar
því ekki að hann geti átt góða samvinnu
við aðra skóla?
„Nei, alls ekki. Við erum jafnháðir
framhaldsskólalögunum eins og hver
annar skóli og við höfum ekkert leyfi til
að fara aðrar lciðir en að uppfylla kröfur
námskrár og þeim lögunt og reglugerð-
um sem ná yfir skólahald. Við erum í
rauninni bara rekstraraðili, ráðum kenn-
ara, greiðum launin og svo framvegis.
Það eru margir skólar reknir með sama
sniði og hafa ekki náð síðri árangri en
hinir skólarnir.“
Enginn afsláttur gefinn
af náminu
Þegar það spurðist út að samtök út-
gerða ætluðu að koma að rekstri skól-
LOWARM sjódælur
Útgerðamenn - Fiskeldisstöðvar
Sjódælur úr AISI 316L ryðfríu stáli
6 m3/klst. til 228 m3/klst.
0,75 kW til 75 kW
Gæði - Öryggi - Þjónusta
Danfoss hf
Skútuvogi 6 Simi 510 4100
www.danfoss.is
Sjómannablaðið Víkingur - 17