Fréttablaðið - 08.10.2009, Blaðsíða 6

6 8. október 2009 FIMMTUDAGUR
Vilt þú að núverandi ríkisstjórn
sitji áfram næstu mánuði?
Já 46,5%
Nei 53,5%
SPURNING DAGSINS Í DAG
Ætlar þú að sjá heimildar-
myndina Guð blessi Ísland?
Segðu þína skoðun á visir.is
Markmið námskeiðsins er að þjálfa fólk til starfa við
bókhaldsstörf. Námið er byggt upp á kennslu í verslunar-
reikningi (24 st.), bókhaldi (36 st.) og tölvubókhaldi (48
st.). Allar námsgreinar eru kenndar frá grunni. Nemendur
þurfa að vera orðnir 18 ára og hafa grunnþekkingu á tölvum.
OFT ER AUGLÝST EFTIR
BÓKARA!
Upplýsingar og skráning: 544 4500 / www.ntv.is
108 stundir - Verð: 99.000.-
Verð fyrir atvinnulausa: 74.250.-
Morgunnámskeið byrjar 2. nóvember.
Kvöld- og helgarnámskeið byrjar
2. nóvember.
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Grunnnám í bókhaldi
ALÞINGI Nei – jú pólitík var í háveg-
um höfð í umræðum um auðlindir,
iðnað og stöðugleikasáttmálann á
þingi í gær.
Kristján Þór Júlíusson Sjálfstæðis-
flokki fann ríkisstjórninni flest til
foráttu enda stæði hún í veginum
fyrir atvinnuuppbyggingu með
ýmsum aðgerðum síðustu daga og
vikur. Stöðugleikasáttmálinn frá
því í júní væri í uppnámi og í algjört
óefni stefndi.
Katrín Júlíusdóttir iðnaðarráð-
herra sagði lýsingar Kristjáns Þórs
fjarri öllu lagi, þær væru svarta-
gallsraus. Unnið væri að fjölda
góðra verkefna á sviði atvinnuupp-
byggingar á vettvangi stjórnvalda.
Gunnar Bragi Sveinsson og Vig-
dís Hauksdóttir Framsóknarflokki
og Jón Gunnarsson Sjálfstæðis-
flokki skömmuðust út í stjórnvöld.
Sagði Jón meðal annars að ríkis-
stjórnin væri blind á þau tækifæri
sem við blöstu og væri beinlínis að
vinna skemmdarverk. Vigdís sagði
öll mál í uppnámi hjá ríkisstjórn-
inni.
Björgvin G. Sigurðsson Samfylk-
ingunni sagði rammaáætlun um
nýtingu orkuauðlinda verða til um
áramót og þá skýrðist hvaða virkj-
unarmöguleikar væru fyrir hendi.
Lilja Rafney Magnúsdóttir VG
sagði tíma stóriðjuuppbyggingar
liðinn og Árni Þór Sigurðsson,
flokksbróðir hennar, sagði að nýta
bæri orkuauðlindirnar á forsendum
sjálfbærni. - bþs
Tekist á um atvinnuuppbyggingaráform ríkisstjórnarinnar á Alþingi í gær:
Stjórnin sögð hefta framþróun
KATRÍN JÚLÍUSDÓTTIR Iðnaðarráðherra
segir ýmis áform uppi í atvinnuuppbygg-
ingu. FRÉTTABLAÐIÐ/GVA
STJÓRNMÁL Samanlagt ráðstöfunar-
fé ráðherra lækkar um rúmar sex-
tán milljónir milli ára, samkvæmt
fjárlagafrumvarpi næsta árs. Í
frumvarpi þessa árs nam það 87
milljónum en verður 70,6 milljónir
á næsta ári.
Mennta- og menningarmálaráð-
herra fær mest, 9,6 milljónir, en
dóms- og mannréttindaráðherra,
heilbrigðisráðherra og iðnaðarráð-
herra fá átta milljónir til ráðstöf-
unar. Fimm ráðherrar fá fimm
milljónir, umhverfisráðherra 4,5
og efnahags- og viðskiptaráðherra
fær þrjár milljónir.
Í fyrra voru menntamálaráð-
herra ætlaðar átján milljónir. - bþs
Ráðstöfunarfé ráðherra:
Lækkar um 16
milljónir króna
Auglýsingasími
– Mest lesið
VIÐSKIPTI Landsbankinn hefur geng-
ið að veðum í eignarhaldsfélaginu
Fjölnisvegur 9. Félagið var í eigu
Hannesar Smárasonar, fyrrverandi
forstjóra FL Group. Í eigu félags-
ins eru fasteignir: Fjölnisvegur 11
í Reykjavík og lúxusíbúð við Pont
Street í Lundúnum í Bretlandi.
Unnur Sigurðardóttir, kona Hann-
esar, er skráð fyrir Fjölnisvegi 9.
Íbúðin í Lundúnum er í Chelsea,
einu dýrasta hverfi Lundúnaborg-
ar. Hún er á þremur hæðum, rúmir
260 fermetrar að flatarmáli með
þremur svefnherbergjum á efstu
hæð. Hvert þeirra er með sérbað-
herbergi. Íbúðin hefur verið til sölu
síðan í apríl fyrir sjö og hálfa millj-
ón punda, jafnvirði um einn og hálf-
an milljarð króna.
Í fundargerðum skipulagsráðs
Reykjavíkurborgar hefur komið
fram að Hannes hafði fengið leyfi
til að tengja bílageymsluna á
Fjölnis vegi 9 við bílageymsluna á
Fjölnisvegi 11, með viðbyggingu,
tengigangi og svölum. Að auki
keypti Hannes tölvubúnað fyrir
tæpar sjö milljónir í Fjölnisveg 9
og innbú fyrir fimmtán milljónir í
Fjölnisveg 11.
Samkvæmt upplýsingum frá
Landsbankanum er stefnt að því
að selja fasteignirnar við Fjölnis-
veginn og í Lundúnum í framtíð-
inni. Óvíst er hvað gert verður við
tengibyggingar á milli fasteignanna
á Fjölnisvegi. Ekki náðist í Hannes
þrátt fyrir ítrekaðar tilraunir. - jab
Landsbankinn tekur yfir húseignir Hannesar Smárasonar hér og í Bretlandi:
Konan skráð fyrir glæsivillu
HÚSIN VIÐ FJÖLNISVEG Hér sést Fjölnisvegur 9. Við hlið þess í skugga trjánna sést
glitta í Fjölnisveg 11. FRÉTTABLAÐIÐ/ARNÞÓR
DÓMSMÁL Catalina Mikue Ncogo,
íslensk kona ættuð frá Miðbaugs-
Gíneu, hefur verið ákærð fyrir
mansal og vændisstarfsemi. Henni
er meðal annars gefið að sök að
hafa blekkt unga konu til lands-
ins og haldið henni hér í kynlífs-
ánauð. Aldrei áður hefur verið
ákært í mansals- eða vændismáli
á Íslandi.
Ákæran á hendur Catalinu, sem
er 31 árs, verður þingfest í Hér-
aðsdómi Reykjaness dag. Finnur
Bergmannsson, 43 ára, er ákærð-
ur fyrir hlutdeild í brotunum.
Ákæran á hendur Catalinu er
í tveimur liðum. Í þeim fyrri er
hún sökuð um mansal, hótan-
ir og ólögmæta nauðung. Þar er
hún sögð hafa blekkt 26 ára konu
frá Miðbaugs-Gíneu til landsins í
júní í fyrra undir því yfirskyni að
hún kæmi hingað í frí. Hún hafi
síðan hýst hana á tveimur stöðum
í Hafnar firði þar sem hún neyddi
hana til að stunda vændi með því
að hóta henni lífláti og líkamsmeið-
ingum. Hún hafi jafnframt svipt
fórnarlamb sitt fatnaði og skilríkj-
um til að hafa á henni tangarhald.
Í öðrum lið ákærunnar er hún
sökuð um að hafa haft viðurværi
sitt af vændi konunnar, tveggja
annarra nafngreindra kvenna,
sem báðar eru ættaðar frá Mið-
baugs-Gíneu, „og fleiri ónafn-
greindra kvenna“, eins og það er
orðað í ákæru. Vændisstarfsemi
þessi er sögð hafa átt sér stað árin
2008 til 2009.
Segir í ákærunni að Catalina
hafi haft milligöngu um að fjöldi
manna hefði samræði eða önnur
kynferðismök við konurnar. Þeir
þurftu að greiða 20 til 25 þúsund
krónur fyrir. Hún leigði íbúðar-
húsnæði á fjórum stöðum í höfuð-
borginni undir starfsemina, tvær
íbúðir í Hafnarfirði og tvær í
Reykjavík.
Þriðji liður ákærunnar snýr
að þætti Finns Bergmannsson-
ar. Finnur er ákærður fyrir að
uppfæra auglýsingar um vændið á
vefsíðum og taka myndir af konun-
um gegn greiðslum frá Catalinu.
Finnur rekur hugbúnaðarþjónustu
og selur bókhaldsforrit.
Konurnar þrjár sem stigið hafa
fram í málinu og eru nafngreindar
í ákæru fara allar fram á 800 þús-
und krónur í miskabætur frá Catal-
inu. stigur@frettabladid.is
Ákært fyrir vændi og
mansal í fyrsta skipti
Catalina Ncogo hefur verið ákærð fyrir að blekkja konu til Íslands, halda henni
í kynlífsánauð og selja körlum aðgang að henni. Hún er einnig ákærð fyrir að
lifa á vændi fjölda kvenna. 43 ára karlmaður er ákærður fyrir að aðstoða hana.
Dómstólar hafa enn til meðferðar mál á hendur
Catalinu fyrir skipulagningu á innflutningi á tæpu
hálfu kílói af kókaíni. Hún er sökuð um að hafa
fengið þrjá Belga, tvær konur og karlmann, til að
flytja efnin til landsins innvortis.
Þá var íslenskur kærasti Catalinu handtekinn á
Schiphol-flugvelli í Amsterdam fyrr á árinu með
tólf kíló af kókaíni. Catalina sat um tíma í varðhaldi
grunuð um tengsl við málið.
Catalina sté fram og sagði sögu sína í Vikunni á
sínum tíma. Þar viðurkenndi hún að hafa gert út
tólf vændiskonur í borginni.
FÍKNIEFNAMÁL CATALINU FYRIR DÓMI
VÆNDI Á HVERFISGÖTU Catalinu er meðal annars gefið að sök að hafa gert út
nokkrar vændiskonur úr þessu húsi við Hverfisgötu – steinsnar frá lögreglustöðinni.
FRÉTTABLAÐIÐ/GVA
KJÖRKASSINN