Menntamál - 01.04.1956, Síða 45
menntamál
39
semi orðið augljósari frá ári til árs og áhuginn aukizt að
sama skapi á þeirri aðstoð, sem hún getur veitt í uppeldis-
og fræðslustarfi.
Kröfur berast nú hvaðanæva um það, að fleiri börn, for-
eldrar, kennarar og skólar fái að njóta góðs af þeirri hjálp,
sem reynslan hefur sýnt, að sálfræðiþjónustan er fær um
að veita. Á kennaraþingum og skólastjórafundum hefur
verið lögð áherzla á, hversu nauðsynlegt það er skólum að
njóta sérfræðilegrar aðstoðar við sálræn og uppeldisleg
vandamál. Sú skoðun kemur einnig fram í 18. leiðarvísi
Samræmingarnefndar skólamála. Menn benda á aðkallandi
þörf, að kennarar fái leiðbeiningar og aðstoð, þegar fram
koma truflanir á tilfinningalífi og hegðun barna, í skól-
anum eða utan hans.
Að frumkvæði bæja- og sveitastjórna hefur þegar verið
komið á fót 10 stofnunum, sem annast sálfræðiþjónustu.
Skýrslur þeirra sýna, að aðsókn að þeim eykst með hverju
ári, að foreldrar notfæra sér aðstoð þeirra ávallt meir, og
að þau héruð, sem enga sálfræðiþjónustu hafa, finna sár-
an til þeirrar vöntunar og æskja úrbóta. I mörgum héruð-
um eru nú uppi ráðagerðir að koma á fót stofnun, sem
annist sálfræðiþjónustuna.
Eðlilegt virðist að líta svo á, að hinn hagnýti árangur,
sem sálfræðiþjónusta í skólum hefur þegar náð, eigi sinn
þátt í að leiða í ljós þá þörf á slíku starfi, sem nú verður
sífellt brýnni bæði meðal foreldra og kennara.
Með lögum frá 30. júní 1955 hefur Stórþingið ákveðið,
að börn, sem af einhverri ástæðu veitist erfitt að fylgjast
með venjulegri kennslu, eigi rétt á sérstakri hjálp og með-
ferð, hvar sem þau búa og hvers konar skóla sem þau sækja.
Þessi ákvæði snerta börn með málgalla, lestrar- og skriftar-
örðugleika, börn, sem byrjað hafa nám eða orðin eru
fræðsluskyld, áður en þau ná nauðsynlegum skólaþroska
og loks tornæm börn. Lögunum verður naumast komið í
framkvæmd á viðhlítandi hátt, nema með aðstoð sálfræð-