Menntamál - 01.04.1956, Side 72
66
MENNTAMÁL
gert. Hin 12 prósentin, sem hafa greindarvísitölu 110 til
119 eiga að geta lokið námi t. d. í erfiðustu iðngreinum,
verzlunarskólum, sjómannaskólum og fleiri álíka erfiðum
fagskólum, þeir greindustu í þessum hópi eiga að geta
staðizt stúdentspróf og kennarapróf, en háskólanám
myndi verða þessu fólki um megn, nema ef til vill í allra
auðveldustu háskólanámsgreinum.
Sex prósent hafa greindarvísitölu 74—79 og önnur sex
prósent greindarvísitöluna 120—127. Þau fyrrnefndu
hljóta að eiga mjög erfitt með allt nám, þau eiga samt
að geta lært að lesa, skrifa og reikna allsæmilega, ef at-
hugað er, að þau verða að nota meiri tíma til námsins en
þau, sem greindari eru. Tilgangslaust má telja að ætla
sér að kenna þessum börnum langa kafla t. d. í sögu, landa-
fræði og náttúrufræði. Þegar bezt lætur, læra þau kafl-
ana með erfiðismunum, en gleyma þeim mjög fljótlega
aftur. Slík kennsla minnir einna helzt á söguna um Bakka-
bræður, sem reyndu að bera ljósglætu í trogum inn
í bæ sinn. Hin sex prósentin eiga að geta lokið háskóla-
námi í velflestum greinum, þó gætu þær allra erfiðustu
þvælst nokkuð fyrir þeim, sem næst eru greindarvísi-
tölunni 120.
Loks hafa 2 prósent greindarvísitölu undir 73 og önn-
ur 2 prósent 128 og eins langt upp og greind er mælanleg,
en minnstu og mestu greind er það sameiginlegt, að hvorug
er mælanleg með eins miklu öryggi eins og meðalgreindin.
Börn með greind undir 73 hafa samkvæmt norrænni, enskri
og bandarískri skilgreiningu ekki fullt vit, en á þeim er
þó afarmikill munur. Allur þorri þeirra er vinnufært fólk,
sem getur leyst einföld störf vel af hendi undir stjórn
annarra. Tiltölulega fámennur hópur lærir aldrei að
halda sér hreinum, matast né forðast hættur.
í efsta hópnum í greindarstiganum eru, eins og nærri
má geta, allir gáfuðustu menn hverrar þjóðar, og í þeim
hópi er yfirleitt að finna forustumenn á ýmsum sviðum