Kyndill - 01.04.1951, Blaðsíða 3
1. MAI
dagur hinna vinnandi stétta
1 dag halda íslenzk alþýðusamtök 1. maí hátíðlegan
í 28. sinn. Dagur minninganna, sigranna og framar öllu
dagur sameiningar gegn voldugum andstæðingum, —
er runnin upp.
Eins og skilningslitlir menn litu 1. maí smáum aug-
um í fyrstu, hefur 'hann nú í nál. 30 ár orðið merkilegt
tákn alþýðustéttanna, baráttudagur til framgangs mann-
réttindakröfum þeirra, í fjölmennri fylking undir blakt-
andi fánum félaganna.
Að baki kröfuspjöldunum gefur að líta einbeitt og
viljaföst andlit íslenzkrar alþýðu, sem staðráðin er að
berjast til hlítar, jafnvel þó ávöxtur þeirrar baráttu
falli þeim ekki í skaut. I trausti þess að niðjar hennar
meti þær fórnir, er færðar hafa verið, og haldi áfram
á sömu braut.
1. maí er í dag táknrænn fyrir þær sakir, að sé braut-
ryðjendastarfið til hliðar dregið, þá standa alþýðusam-
tökin nú frammi fyrir mörgum hinum sömu staðreynd-
um í atvinnu- og áfkomumálum sínum og þegar 1. maí
var Ihaldinn hátíðlegur í fyrsta sinn.
Þrátt fyrir gjörbyltingu þá, sem átt hefur sér stað i
atvinnumálum íslenzku þjóðarinnar s. 1. 10 ár, hefur
vofa atvinnuleysis og skorts á ný barið að dyrum hinna
vinnandi stétta, og ’knúið þær til þess að beita nauð-
vörn sinni, sem þær helzt vildu aldrei þurfa að beita
— verkfallsréttinum. Skilningsleysi og þrjóska stjórnar-
valdanna á kjörum og aðbúnaði hinna lægst launuðu
hefur á ný fallið í sama farveg. 1 stað þess að gera
tilraun til vinsamlegrar samvinnu við alþýðusamtökin
um lausn þjóðarvandans, hefur ríkisstjórnin nú sagt
þeim stríð á hendur og þjóðarvandann á nú að leysa
á kostnað þeirra sem minnst mega sín fjárhagslega,
með stolinni verðlagsuppbót á kaup. — I kjölfar ört
vaxandi atvinnuleysis.
Afnám ríkisstjórnarinnar á visitöluuppbót, bitnar að
sjálfsögðu á fleirum en meðlimum alþýðusamtakanna.
Þess vegna eru vinir og stuðningsmenn meðal flestra
stétta þjóðfélagsins og verða æ fleiri við hverja ráð-
stöfun, þessarar fyrstu og hreinræktuðu íhaldsstjórnar
s. 1. 25 ár.
íslenz'k alþýða tekur því í dag undir orð Ásgríms
Elliða-Grímssonar er hann sagði við Njálssonu: „Ganga
munum vér ok leita oss vina; at vér verðim eigi bornir
ofurliði, því at þetta mál mun verða sótt með kappi“.
Af skrifum Morgunblaðsins má ráða að atvinnu-
rekendavaldið heldur nú í ríkissljórnina annarri hendi,
en hinni í það hálmstráið, að alþýðusamtökin standi
riðluð í baráttunni fyrir fullri vísitöluuppbót. Þessi
samsteypa treystir síðan sameiginlega á í 1) að sam-
tökin hafi sljófgazt af góðæri undangenginna ára 2)
að óttinn við hið geigvænlega atvinnuleysi hafi svo
um sig gripið, að baráttan fari út um þúfur.
Islenzk alþýða! Gerum 1. maí í dag að sönnun þess
að hinu fámenna afturhaldsliði undir forystu ríkis-
stjórnarinnar hafi misheppnazt áform sín og hinir
óhugnanlegu þankar þeirra um endurvakningu mosa-
vaxinna afturhaldsárása séu ekki franikvæmanlegar.
Sameinumst undir kröfu Alþýðusambandsins um skil-
yrðislausa og fullkomna vísitöluuppbót.
Gleðilega hátíð!
E. G. Þ.
KYNDILL
3