Iðunn : nýr flokkur - 01.12.1929, Síða 54

376
Upton Sindair.
IÐUNN
því fram fullum stöfum, af því þeir hafa heyrt, að þeim
vitrari menn í Evrópu hafi aðra skoðun. En Upton Sin-
clair fær velt þyngra hlassi en því, að vekja aðdáun
ábyrgðarlausra bókmenta-angurgapa, — hann upplýsir
miljónir blektra manna um þau sannleiksatriði, sem einn
dag eiga eftir að bylta um sterkustu vígjum helstefn-
unnar á jörðinni og særa til ólífis skrímsli það, sem
ógnar hinu hvíta mannkyni með eyðileggingu. Upton
Sinclair er hin hrópandi samvizka Ameríku, hanu er
röddin, sem áður fyr kallaði niður til Kains, og fagur-
fræðilegir kjaftasnápar bera ekki gæfu til þess að dæma
um »listgildi« þeirrar raddar.
5.
Einu sinni som oftar var ég á gangi með Upton
Sinclair í einum strandbæjanna vestur af Los Angeles.
Við gengum í gegn um paradísir markaðsbúðanna og
skyrtuerma-loddaranna, þar sem allar listir veraldar og
furðuverk eru til sýnis fyrir fimm cent, frá þreknustu
konu heimsins, til mannsins, sem húkt hefir uppi á flagg-
stöng í þrjátíu og fimm daga og er líklegur til að verða
heimsmeistari í flaggstangarsetum, ef hann húkir þangað
til klukkan fjögur í nótt. Fyrir það fær hann tvö hundruð
dollara í verðlaun frá The Boosters Association á staðn-
um og verður frægur um Ameríku með mynd á fremstu
síðu í öllum dagblöðum. Eg veit fáa staði, sem eru jafn
lifandi tákn um markmið manna og keppikefli innan auð-
valdsskipulagsins eins og glingurmarkaðirnir fram með
strandgötum þessara almennu baðstaða. Ef maður borgar
fimm cent fyrir að fá að slá á nagla með hamri og
rekur hann é kaf í þrem höggum, þá fær maður í verð-
laun dálitla brúðu með stút á munninum og augasteinana