Kirkjuritið - 01.01.1938, Page 46

40
Innlendar fréttir.
.lanúar.
Að hér er farið fram á, að sóknarnefnd „kalli“ prestana til
starfsins, i stað þess að söfnuðurinn kjósi þá, stafar af því,
livernig hér er ástatt. Þessir prestar munu vafalaust starfa á
ákveðnum svæðum í söfnuðinum aðallega, svæðum, sem á hinn
bóginn eru ekki þannig afmörkuð, að unt sé að koma þar á kosn-
ingum. Enda er hér um aðstoðarpresta að ræða, en þeir eru jafn-
an ráðnir, en ekki kosnir, og virðist eðlilegast, að sóknarnefnd og
biskup geri um þetta tillögu til ráðherra“.
Mentamálanefnd efri deildar, sem hafði málið til meðferðar.
skilaði þessu áliti:
„Nefndin hefir athugað frumvarpið og kvatt til fundar við sig
sóknarnefnd dómkirlcjusafnaðarins til skrafs og ráðagerðar, auk
jiess leitað álits ráðuneytisins og aflað sér ýmsra gagna i málinu.
Að athuguðu máli lítur nefndin í heild svo á, að frumvarpið beri
fram harla nauðsynleg mál, en þar eð áliðið er nú þings og
litlar likur til, að frumvarpið nái afgreiðslu í báðum þingdeild-
uin, en málið hinsvegar aðkallandi, þá hefir nefndin talið heppi-
legra að afgreiða málið með svofelldu erindi, sem hún hefir i
dag sent fjárveitinganefnd Alþingis:
Mentamálaráð efri deildar Alþingis hefir samþykt í einu
hljóði að óska eftir, að fjárveitinganefnd flytji við 22. gr. fjár-
lagafrv. eftirfarandi tillögu, sem gerð er i samráði við kirkju-
málaráðherra:
Kirkjumálaráðherra er heimilt, í samráði við biskup og sókn-
arnefnd dómkirkjusafnaðarins að kalla tvo aðstoðarpresta til
starfs í dómkirkjusöfnuðinum, og láta greiða þeim úr prestlauna-
sjóði söniu laun og sóknarprestum“.
Sú' tillaga var svo samþykt.
Innan skamms mun þvi mega vænta tveggja aðstoðarpresta i
Reykjavík. Þurfa þeir að sjálfsögðu m. a. að halda uppi reglu-
bundnum guðsþjónustum i úthverfum bæjarins og stuðla þanhig
að sóknaskiftingu og byggingu nýrra kirkna.
Einhverjar horfur voru á því um skeið, að orðið myndi við
lilmælum stjórnar Prestafélagsins um launabætur handa yngstu
prestunum, þannig að allir prestar fengju þegar í upphafi greidd
hæstu prestslaun, 3000 kr. Enda var sýnt fram á það, að sú út-
gjaldahækkun næmi aðeins 21000 kr. alls fyrir ríkissjóð og að
jiörf prestanna, lægst launuðu embættismannanna, væri mjög
brýn. En þegar á reyridi, varð ekki úr framkvæmdum. Þó má
aétl'a, að ýmsir þingmenn muni leggja málinu lið á næsta þingi.
Styrkur til bókasafna prestakalla verður 1000 kr. á þessu ári.
En framlög i prestakallasjóð falla niður. Verður það að teljast
mjög illa farið. Á. fí.