Sjómannadagsblaðið - 01.06.1996, Síða 70

70
SJÓMANNADAGSBLAÐIÐ
Forsíða Grœnlandsvinarins: Einkunnarorð blaðsins á grœnlensku og íslensku eru efst ívinstra og hægra horni: „Með lögum skal land
byggja... og þeir er vart hafa til Grœnlands... í várum lögum “
menn að íslendingar héldu eftir
mætti opnum leiðum til þess að krefj-
ast ítaka og réttinda á Grænlandi
með því að mótmæla því að Dönum
yrði heimilað að hætta skýrslugerð-
inni. Ríkisstjórnin lagði aftur á móti
fram sína eigin tillögu sem lagði til að
fulltrúum íslands hjá S.Þ. yrði skipað
að sitja hjá við atkvæðagreiðsluna.
Urðu úrslit þau að tillaga ríkisstjórn-
arinnar var samþykkt með 30 at-
kvæðum gegn 20.
Kristinn Guðmundsson utanríkis-
ráðherra vísaði til þess er hann gerði
grein fyrir tillögum ríkisstjórnarinn-
ar að nefnd sem Bjarni Benediktsson
hafði sett á laggirnir í fyrri stjórn til
þess að rannsaka réttarkröfu Islands
til Grænlands hefði komist að nei-
kvæðum niðurstöðum sem síst
styrktu aðstöðu Islendinga til þess að
greiða atkvæði öðru vísi en nefndin
lagði til.
Mótmæli
Ekki voru þessi úrslit öllum að
skapi og sannarlega má segja að ný-
lenduveldisdraumar hafi blundað í
brjóstum ólíklegustu manna og sam-
taka á þessum tíma.
Þannig sagði í samþykkt frá stjórn
Farmanna- og fiskimannasambands
íslands:
„Stjórn FFSÍ leyfir sér hér með að
minna hæstvirta ríkisstjórn á sam-
þykktir undangenginna þinga FFSÍ
um að ríkisstjórnin og Alþingi beiti
sér fyrir því á alþjóðavettvangi að
leita úrskurðar um forn réttindi Is-
lendinga til Grænlands. Vér skorum
því fastlega á ríkisstjórnina og Al-
þingi það er nú situr að notfæra sér
nú tækifærið hjá S.Þ. til að koma
þessum óskum á framfæri á grund-
velli tillagna hr. alþingismanns Pét-
urs Ottesens og að mótmæla þá um
leið aðgerðum Dana í Grænlands-
málinu og þá sérstaklega innlimun
Dana á landinu, án þess að réttur
íslendinga sé reyndur...“
Sama daginn og atkvæðagreiðslan
fór fram á Alþingi stóð þing Alþýðu-
sambands Islands yfir. Þar báru full-
trúar allra sjómannafélaganna fram
svohljóðandi ályktun sem samþykkt
var einróma:
„24 þing ASÍ mótmælir innlimun
Grænlands í danska ríkið, þar sem
það telur að Islendingar eigi þar rétt-
ar og hagsmuna að gæta. Þingið skor-
ar því á alla sanna íslendinga að
standa vel á verði og vernda þessi og
önnur réttindi sín.
Þá krefst þingið þess að fulltrúar
íslands á þingi S.Þ. greiði atkvæði
gegn innlimun Grænlands í Dan-
mörku.“
Grænlandsvinurinn
Um það leyti sem þessi umræða
fór fram á Alþingi og í fjölmiðlum
hóf göngu sína tímaritið „Græn-
landsvinurinn." Utgefandi hans og
ábyrgðarmaður var Ragnar V.
Sturluson. í ávarpsorðum til lesenda
segir hann m.a.:
„I augum allra þjóðhollra Islend-
inga á vitundin um Grænland sér
djúpar rætur. Allt frá þeim dögum er
harmsaga Snæbjarnar Galta, finn-
anda Grænlands og félaga hans,
gerðist á tíundu öld sem og sigling
landnámsflotans með Eirík rauða í
fararbroddi til þessara nýju átthaga í
skjóli „várra laga“ hefur saga Græn-
lands verið samofin vitundarlífi ís-
lenskra „sögu“-manna, engu síður
en saga Islands sjálfs."
Blaðið er skelegg krafa um það að
krafa íslendinga til auðlinda Græn-
lands á landi og við strendur þess
verði viðurkennd. GrundvöIIurinn
sem þessi krafa er reist á og sá grund-
völlur sem Pétur Ottesen hafði
reyndar einnig að bakhjarli tillögu-
gerðar sinnar er þó enn ekki tíundað-
ur: Hann var hið gífurlega starf dr.
Jóns Dúasonar sem varði miklum
hluta starfsævi sinnar til þess að
rannsaka sögu og réttarstöðu Græn-
lands í því augnamiði að ættjörð
hans, Island, mundi einn dag verða
móðurland Grænlands.
Jón Dúason
En hver var Jón Dúason? Þeir sem
á sjöunda áratugnum hefðu átt leið
um Þingholtsstrætið í Reykjavík
hefðu vel getað rekist á háan og
grannan mann með mikið og tígulegt