Ægir - 01.05.1953, Blaðsíða 47

Æ G I R
157
ir ágallar, verður reynt að koma i veg
fyrir þá.
Sé margnefnd vél með þeim hætti, sem
lýst er, má tvímælalaust vænta þess, að
hún geti orðið Islendingum að liði við sína
síldarútgerð, ekki sízt, ef þeir þurfa að
stunda úthafsveiðar og salta síldina um
borð.
Aukin saltfisksala í Brazilíu.
Hinn 6. maí síðastl. var undirritaður
nýr viðskiptasamningur við Brazilíu. Sam-
kvæmt honum kaupir Brazilía saltfisk af
okkur fyrir 36% millj. krónur. Er hér um
að ræða mikla aukningu frá fyrra ári, en
þá nam saltfisksalan þangað 22 millj. kr.
Hinn nýi samningur gildir frá 1. júlí í ár
til jafnlengdar næsta ár. Gert er ráð fyrir,
að íslendingar kaupi aðallega kaffi fyrir
saltfiskandvirðið, en einnig nokkrar aðrar
vörur.
Fyrir striðið var saltfiskútflutningur
okkar til Brazilíu 1500—3000 smál. árlega.
En láta mun nærri, að saltfiskmagn það,
sem Braziliustjórn leyfir innflutning á sam-
kvæmt samningnum, verði um 5000 smál.,
miðað við harðþurrkaðan fisk.
Thor Thors sendiherra vann að samn-
ingsgerðinni fyrir íslands hönd og undirrit-
aði hann.
Auka Svíar
kaup á hraðfrystum fiski?
Norðmenn hafa verið óánægðir yfir því,
hve Svíar kaupa lítið af hraðfrystum fiski
frá Noregi, og hafa nefnt það sem dæmi
um það, hve langt í land norræn samvinna
ætti. Sænska blaðið „Dagens Nyheter“ hef-
ur hafið áróður fyrir því, að eftirleiðis
verði greiðara um sölu á norskum hrað-
frystum fiski í Sviþjóð en verið hefur til
þessa. Bendir blaðið á, að Norðmenn veiða
fimmfallt meira fiskmagn en Svíar, og þar
ámeðal fisktegundir, sem séu sérlega vel
fallnar til flökunar, eins og rauðsprettu og
ýsu. Svíar veiði hins vegar litið sem ekk-
ert af þessum fisktegundum, en þær séu
þó mjög eftirsóttar þar í landi. Fram til
þessa hefur sala á norskum hraðfrystum
fiski verið bönnuð í Suður-Svíþjóð, eða
fyrir sunnan Sundsvall og Östersund.
Sænskar húsmæður eru óánægðar með
þetta bann, og er nú unnið að miðlun i
þessu máli á þá lund, að Norðmenn fái að
selja hraðfrystan fisk til Suður-Svíþjóðar
gegn því að kaupa fyrir andvirði hans
frystar baunir, jarðarber, spínat o. fl. frá
Skáni. Er þegar byrjað á þessum viðskipt-
um í litlum stíl. — Þess má geta í þessu
sambandi, að fiskneyzla Svía hefur minnk-
að undanfarin ár, var 107 þús. smál. 1951,
en 111 þús. smál. 1939.