Tímarit lögfræðinga - 01.01.1954, Blaðsíða 69

komast ekki á kjörskrá í þeirri sveit eða bæ fyrr en næsta
ár á eftir. Fá þeir því ekki neytt kosningarréttar við þær
kosningar þar og ekki heldur í þeirri sveit, er þeir fluttust
úr, því að kosning þar fer fram í júnímán., en kjörskrá þar
var samin eftir að þeir fluttust úr sveitinni. Á hinn bóginn
munu þeir, sem á sama tíma flytjast úr bæ eða sveit, þar
sem kosning fer fram í janúar, í sveit þar sem kosning fer
fram í júní, verða á kjörskrá á báðum stöðum. Þeir mega
að vísu ekki neyta kosningarréttar nema á öðrum staðnum,
sbr. 16. gr. 1. nr. 81, 1936. Dæmi: Maður flyzt úr sveit í
kaupstað í maí 1953. Hann var ekki á kjörskrá við janúar-
kosningar 1954 í bænum, því að þar átti hann ekki heima
er kjörskráin var samin í febr. 1953. Kjörskráin við sveit-
arstjórnarkosningarnar í júní n. k. var samin í febr. 1954
og verður hann þá vitanlega ekki heldur á kjörskrá í sveit-
inni, sem hann fluttist úr. — Ef hann flyzt úr bæ í sveit í
maí 1953 er hann á kjörskrá bæjarins við janúarkosning-
arnar 1954.
Þetta er næsta óeðlilegt og löggjafanum hefur sézt yfir
það misrétti, sem hér skapast og talsverð brögð eru að, við
hverjar bæjar- og sveitarstjórnarkosningar, og þeir, sem
hlut eiga að máli eiga erfitt með að skilja, sem vonlegt er.
Hér þarf nauðsynlega að gera bragarbót og sýnist eðlileg-
ast, að það yrði með þeim hætti gert, að kjörskrár fyrir
hverjar bæjar- og sveitarstjórnarkosningar væru samdar
eftir sama árs manntali. Þessu er ekki svo farið nú. Kjör-
skrár fyrir bæjarstjórnarkosningarnar 1954 voru samdar
eftir manntali haustið 1952, en kjörskrár fyrir sveitar-
stjórnarkosningar í júní 1953 voru samdar eftir manntali
haustið 1953.
Bezt sýnist tryggt, að allir kosningabærir menn fái kom-
izt á kjörskrá, ef kjörskránar eru alls staðar samdar eftir
manntali sama árs. Nú er hins vegar talsverður hópur
manna við hverjar bæjar- og sveitarstjórnarkosningar, sem
hvergi fær neytt atkvæðisréttar af þessum ástæðum og
jafnframt nokkrir, sem eru á kjörskrá við bæjar- og
63